Spursarinn

Eitt og annað.

2007-11-16T19:58:00.000Z

Loksins gefur maður sér almennilegann tíma í að skrifa. Það er svosem ekkert stórt að gerast til að skrifa um en þó eru nokkrar slúðurfréttir og svona sem ég á eftir að skrifa um. En byrjum á leiknum um síðustu helgi gegn Wigan.

Ég eiginlega þori ekki að missa mig yfir þessum leik. Ef við náum að vinna næsta leik sem er gegn West Ham er ég tilbúinn að byrja predika bjartsýni á nýjan leik. Það sem af er tímabili byrjuðum við mjög illa, en rústuðum svo Derby. Síðan hefur lítið gerst. Þannig að einn stórleikur gegn slöku liði Wigan er ekki alveg nóg. En það má ekki skilja það svo að ég sé ótrúlega svartsýnn og allt það. Það tekur bara tíma fyrir liðið að jafna sig og dafna með nýjann mann við stjórnvölin. Það er kannski eitt sem ég vill tala um varðandi spilamennsku einstakra leikmanna í þessum leik. Það er spilamennska Jenas. Maðurinn spilar mánuðum saman eins og hann sé úti á þekju. Svo kemur einn og einn leikur þar sem hann sýnir hvað hann virkilega getur. Það verður til þess að þegar maður horfir á hann spila hörmulega, leik eftir leik vitandi hvers hann er megnugur verður maður alveg ótrúlega pirraður. Ég vona svo sannarlega að hann sé bara búinn að finna sig og sýni svona leiki oftar en ekki. Annars voru allir leikmenn liðsins nema kannski Chimbo að spila stórvel. Ég er ekki alveg að skilja hvað er að Chimbonda þessa leiktíð. Hann er alveg að leggja mikið á sig og svona en hann er bara engann veginn að skila sínu hlutverki og er engann veginn að spila sem hluti af liði.

Svo að fréttum og slúðri.

Það hefur verið mikið rætt um ummæli sem Ramos lét falla um holdarfar THUDD á dögunum, þar sem hann sagði að THUDD mætti alveg missa nokkur kíló og fengi nú nýtt æfingaprógram.

Mér finnst T.H vera frekar skrýtinn leikmaður, Leikstíll hans er ekki í nokkru samræmi við skrokkinn hans. Spurninginn er þá hvort sé betra að aðlaga skrokkinn að leikstílnum eða öfugt.

Kostir T.H eru þeir að hann er með rosalega góðar sendingar, hann les leikinn ágætlega, Hann er stór og sterkur og mjög yfirvegaður.

Hans stærsti ókóstur er hversu passífur hann er. Það vanntar allt keppnisskap og grimmd í manninn. Þegar talað er um of þunga leikmenn detta mér tveir menn í hug. Gazza og Rooney. Þessir menn voru/eru ekki lélegir þrátt fyrir aukakílóin. Enda hafa þessir menn grimmd og keppnisskap og geta/gátu nýtt sér þyngd sína. Þessir menn geta/gátu sett höfuðið undir sig og keyrt á menn með boltann. Hversu oft sér maður ekki Rooney fá boltann á miðsvæðinu og hann setur bara í fluggírinn og keyrir upp að marki andstæðinganna. Þetta gat Gazza líka. Þú nærð ekkert auðveldlega boltanum af manni eins og Ronney þegar hann er kominn á fullaferð enda sterkur og ákveðinn leikmaður.

Hvað myndi varnarmaður hugsa ef að hann sæji T.H koma á fullu skriði í áttina að sér? Ýmindið ykkur bara þetta ferlíki á fullri ferð þetta er skriðþungi á við flugmóðuskip. En þetta sér maður bara THUDD því miður aldrei gera. Hann stoppar frekar og sendir boltann í fallegum boga yfir á kanntinn.

Sumir hafa bennt á að hann er að upplagi varnarmaður og gæti því spjarað sig betur þar. "Hraði og snerpa er ekki eins mikilvægur kostur þar og á miðjunni". Really? Maðurinn sem tæklar aldrei og vinnur aldrei skallabolta? Hann hefur svo sannarlega líkamann í að verða góður varnarmaður, en ekki hugarfarið. Hann hefur gefið þá afsökun að hann var svo svakalega stór og sterkur þegar hann var unglingur að hann hafi ekkert getað farið í tæklingar án þess að valda annaðhvort meiðslum eða fá rauðaspjaldið.

So what? Þetta er ekki ungliliðið, þetta er aðalliðið. Það þýðir ekkert að koma með vottorð fyrir því að þú meigir ekki tækla. Maðurinn hlýtur að getað æft það eins og annað.

Það er allavega mín skoðun að líkaminn sé ekki hans stærsta vandamál. Hans stærsta vandamál er andlegt. Honum vantar grimmd, keppnisskap og ósérhlífni. Hafi hann það getur hann notað líkamann sér í vil. En auðvitað er ekkert nema gott að hann sé líka að vinna í því að verða hreyfanlegri.
---------------------------------------------

Annað slúður er að Ramos fái nú pening til að kaupa helling í janúar, og allir að vellta því fyrir sér hvaða stórstirni sé á leiðinni.

Skoðum aðeins hverjir hafa verið keyptir á undanförnum árum í janúarglugganum. Svona þeir helstu:

Rocha
Alnwick
Ghaly
Murphy
Dawson
A.Reid
Cerny
Hamdaoui
Limbersky
Emil Hallfreðsson

Undanfarin ár höfum vð ekki keypt nema einn leikmann sem hefur verið að gera góða hluti (Daws). Það hafa ekki verið gerð nein stórkaup undanfarin ár í þessum glugga (Dawson var alls ekki stórt nafn þegar hann var keyptur). Sömu sögu má segja um önnur lið. Það heyrir til algjörra undantekninga þegar mikilsmetinn leikmaður er keyptur í janúar. Þannig að ég á von á nokkrum leikmönnum í janúar en ég efast um að ég hafi nokkurtíma heyrt á þá minnst (s.s engin stór nöfn).
----------------------------------------------------------------

Svo er ég búinn að lesa nokkrar greinar núna að undanförnu um Ramos. Það virðist vera samnefnari í öllum þessum greinum að Ramos hafi tekið við Sevilla sem svona miðlungsliði og gert það að góðu liði sem spilar skemmtilega knattspyrnu. Nú horfði ég ekkert á marga leiki Sevilla á meðan Ramos var við völd þarna, en nokkra þó (horfði kannski á svona 5-6 leiki með þeim í fyrra). Ég verð eiginlega að viðurkenna að allir leikirnir sem ég sá með Sevilla voru ömurlegir. Ég held að ég geti ekki nefnt eitt lið í evrópu sem fór meira í taugarnar á mér en Sevilla. Það er eitt í fótbolta sem ég get orðið ævur af reiði útaf og það er leikaraskapur. Leikaraskapur var einmitt það sem Sevilla bauð áhorfendum uppá leik eftir leik. Þannig að þegar menn tala um fallegann bolta og Harlem Glotrotters fótboltans þegar þeir tala um Sevilla þá hristi ég hausinn.

Sem betur fer er leikaraskapur ekki liðinn á Englandi, ekki af leikmönnum, áhorfendum né dómurum (þó það sjáist nú einstaka leikrænir tilburðir). Þannig að ég geri ekki ráð fyrir að Ramos innleiði þetta í leikmenn.

Ætli ég segi þetta ekki gott í bili. Reyni að skrifa aftur um leið og færi gefst aftur.

Smá skrif um ekkert

2007-11-04T00:07:00.000Z

Ég eiginlega skrifa hérna núna til að láta vita að ég er enn á lífi og enn að fylgjast með Spurs :).

Einhvernveginn finnst mér samt ég eiginlega ekkert hafa að segja þannig séð. Staðan er einhvernveginn þannig að maður þarf bara að bíða.

Við erum að tapa leikjum og gera jafntefli og svona en maður getur eiginlega ekki gagnrýnt liðið. Leikmenn eru að aðlagast nýjum stjóra með nýjar áherslur og því kannski ósanngjarnt að gagnrýna menn fyrir slakan leik á meðan staðan er eins og hún er. Ekki er heldur hægt að gagnrýna þjálfarann, því hann er nýkominn og ekki hægt að ætlast til þess að hann bjargi heiminum í sínum fyrsta leik. Þannig að nú er bara að bíða eftir að allir aðlagist breytingunum svo maður geti áttað sig á hvað koma skal.

Það veldur mér samt smá áhyggjum að Ramos kjósi að setja Berbatov og Keane á bekkinn í sínum fyrsta leik. Heldur hefði ég viljað sjá hann setja Jenas á bekkinn.

Svo vona ég innilega að Ramos gefi BAE og Dervite tækifæri fljótlega. Þá sérstaklega BAE, enda held ég mikið upp á þann leikmann. Svo verður náttúrulega gaman að sjá hvað gerist með Ghaly, fær hann séns?

En merkilegri hluti hef ég víst ekki að segja að svo stöddu. Vona bara að það komi upp einhver stemming meðal leikmanna til að fara vinna leiki.

Jol farinn fyrir Jól.

2007-10-25T22:08:00.000Z

jæja nú verður maður að koma aðeins inn í umræðuna. Ég hef haldið mig til hlés undanfarið vegna þess að innan sem utanvallar eru aðeins vandamál sem öll hafa komið fram í umræðunum. Þannig að ég hef ekki getað bætt neinu við. Nenni ekki að skrifa eitthvað ef það er bara copy/paste.

En nú getur maður ekki annað en kommentað. Jol kallinn hættur störfum. Ég á svo sannarlega eftir að sakna hans. Ég held hinsvegar að ástandið í búningsklefanum hafi verið svo slæmt að það hefði ekki lagast nema með stórkostlegum breytingum eins og þessum. Maður sá það svo augljóslega að eitthvað mikið var að. Það var enginn einhvernveginn eins og hann á að sér að vera. Dawson sem er vanur að mæta í leiki eins og grenjandi ljón, öskrandi og stjórnandi vörninni með harðri hendi, var farinn að vera eins og ljúfur kórdrengur inná vellinum. Chimbo sem er einnig vinnuhestur dauðans var hættur að nenna að verjast. Berbatov var kletturinn sem leikmenn litu upp til á síðasta tímabili. Hann hefur ekki verið skugginn af sjálfum sér á þessu tímabili. Jol sjálfur var líka orðin mjög ólíkur sjálfum sér. Hann var farinn að sitja leikina á enda með vonleysissvip. Þetta var eins augljóst og hægt var í leiknum gegn Newcastle. Þá voru þeir 3-1 yfir en Big Sam var ekkert á því að láta fara vel um sig það sem eftir var. Hann öskraði sig hásann og lét leikmenn vita að þeir ættu að klára leikinn og þeir mættu byrja að slaka á þegar dómarinn flautaði. Á meðna sat Jol sem fastast með vonleysis svipinn og horfði í gaupnir sér á meðan leikmenn voru í bullinu inná vellinum.

Við höfum farið í gegnum lægðir áður undir stjórn Jol, en núna var eitthvað meira í gangi, og kannski er það bara félaginu fyrir bestu að fá inn nýjann mann.

Hinsvegar hef ég alls ekki misst trú á Jol og hæfileikum hans. Þetta er án efa einn af 20 bestu þjálfurum evrópu í dag að mínu mati. Ég minnist veru hans hjá okkur ekki af þeim leikjum sem við töpuðum undir hans stjórn heldur þeim framförum sem liðið tók undir hans stjórn. Áður en hann tók við félaginu vorum við að staðnaðir í að vera miðlungslið í deildinni. Nú þegar hann er farinn erum við lið með stór markmið og erum að þróast í að vera ógn við stórveldin 4.

Menn hafa oft nefnt það að skýringin á velgengni okkar sé að það hafi verið eitt svo og svo mörgum milljónum í leikmenn. Það tel ég vera alrangt. Leikmenn eru ekki hlutir sem þú kaupir út í búð. Ástæða þess að við höfum geta keypt menn eins og Zokora, Berbatov, Chimbonda og fleirri (þrátt fyrir mikinn áhuga stóru liðana) er að klúbburinn hefur verið að gera góða hluti innan vallar sem utan. Leikmenn sjá Spurs sem hot prospect og vilja vera með í uppbyggingunni.

Allavega óska ég Jol velfarnaðar og kveð hann með söknuði. Ég mun halda áfram að syngja "I love Martin Jol". Svo er bara að horfa fram á veginn og vona að leikmenn fái aftur andann yfir sig.

Liverpool 2 - Tottenham 2

2007-10-07T18:05:00.000Z

Ekki léttist á manni lundin við þennan leik. Það var svosem margt gott í þessum leik, jafnvel meira af góðum hlutum en slæmum. En ég er bara orðinn frekar þreyttur á þessu. Þolinmæði mín hefur sín takmörk.

Það fór bara allt í taugarnar á mér í þessum leik. Ef við byrjum að fara aðeins út fyrir völlinn þá fór myndatakan gríðarlega í taugarnar á mér. Spurning um að fá hlutlausa menn á myndavélarnar. Bæði mörk Spurs nást illa. Fyrra markið kom manni í opna skjöldu. Maður þurfti tíma á að átta sig á hlutunum vegna mistaka í útsendingu. Seinna markið er svipað. Myndatökumenn vilja endursýna allt sem Liverpool gera í stað þess að fylgja Spurs eftir í sókn. Arnar Björnsson lýsti leiknum eins og fáráður. T.d fyrra mark L.pool boltanum er neglt rétt fyrir utan teig í varnarmann og boltinn lendir í jörðinni fyrir framan Robbo. Þetta eru gríðarlega erfiðir boltar og oft uppskrift af marki. Robbo nær að slæma höndum í boltann, boltinn dettur inní teig þar sem Voronin kemur einn og óvaldaður að boltanum. En markið skrifast á Robbo???? Er maðurinn ekki með öllum mjalla?

Robbo hefur ekki verið að standa sig vel undanfarið en það gerir það samt ekki að verkum að það meigi skrifa öll mistök sem verða á vellinum á hann.

Í stöðunni 1-2 held ég að flestir Spursarar hafi vonað að við myndum ná jafntefli. Ég velti fyrir mér hvort leikmenn og þjálfari þurfi ekki að kaupa sér minnisblokk, því eitthvað er að. Hversu oft hefur það virkað hjá okkur að komast yfir í leik og pakka í vörn? Kannski í 30% tilvika? Hversu oft þarf þetta að gerast til þess að menn fari að átta sig á að þetta virkar ekki? Í stöðunni 1-2 hefði að mínu viti verið gáfulegra að skipta út allri vörninni fyrir sóknarmenn og blása til stórsóknar. Það hefði þá allavega verið eitthvað nýtt í stað þess að hugsa "við klúðrum alltaf niður forskoti þegar við leggjumst í vörn... uuuhhh Strákar!!! Leggjumst í vörn"

En vissulega var margt jákvætt í þessum leik líka. Jafntefli á Anfield er alltaf ásættanlegt. Flestir leikmennirnir okkar voru að spila vel. Það var barátta í liðinu og margt fleirra. En ég bara nenni ekki að tala um það því mér finnst þetta ekki ásættanlegt að klúðra leiknum á heimskunni einni saman.

Orðinn frekar pirraður.

2007-10-06T15:43:00.000Z

Jæja þá er maður loks tengdur veraldarvefnum á nýjan leik. Þetta hlé gæti hafa valdið kaflaskiptum hjá mér. Ég er nefninlega ekkert voðalega happy yfir stöðu mála. Ég er farinn að standa mig af því að verða mjög pirraður yfir leikjum. Ég hugsa að það sé staðan hjá mörgum öðrum. Málið er að maður sér hvað það býr mikið í liðinu í hverjum einasta leik. Þess vegna verður maður oft ansi pirraður þegar liðið missir dampinn og spilar langt undir getu og klúðrar málunum. Þessi svakalegi óstöðugleiki milli leikja fer líka svolítið í taugarnar á mér þessa dagana.

Í leiknum gegn Fulham komumst við í 1-3 og gátum svo verið ánægðir með 3-3 jafntefli í lokinn miðað við gang leiksins. Gegn villa komast gestirnir í 1-4 og við náum svo að jafna. Við vinnum Famagusta 6-1 í fyrri leiknum en náum svo aðeins jafntefli í seinni leiknum.

Ég veit ekki hverju er um að kenna. Hvað veldur því að leikmaður gengur inná völl þar sem saman eru komnir tugir þúsunda manna til að hylla hann og hann er áhugalaus? Þarf einhverja svaka þjálfararæðu til þess að þú hafir metnað til að standa þig í þessum aðstæðum? Að mínu mati er mesta mótivering sem þú getur fengið að tugir þúsunda manna hvetji þig til dáða. Ef að það hvetur þig ekki áfram þá eru engin orð sem fá þig til þess. En svo er eins og í Villa leiknum að leikmenn hafi fengið samviskubit yfir því hversu svakalega lélegir þeir voru og hafi tekið sig til við að reyna aðeins að bjarga andlitinu. Jol á líklega sök á þessu líka. Hversu vitlaust hefur hann lagt Aston Villa leikinn upp? Ég held að svarið sé að hann hafi lagt hann fullkomnlega vitlaust upp í upphafi og hafi svo náð að bjarga sér aðeins í seinni hálfleik.

Svo á morgun er það Liverpool. Það sem ég óttast mest er að við skíttöpum þessum leik. Það er ekkert í spilunum sem gefur það til kynna að við munum vinna leikinn. En eins og frasinn segir allt er mögulegt í fótboltanum. Ég veit ekki hvort er verra fyrir liðið að tapa leiknum með eins marks mun eða með 7 marka mun. Kannski mun stórtap verða til þess að við náum botninum. Kannski náðum við botninum í síðasta leik í stöðunni 1-4?

ATH

2007-09-22T18:48:00.000Z

Því miður mun ég verða netsambandslaus í nokkra daga vegna flutninga. Á meðan bið ég ykkur að líta alltaf á björtu hliðarnar ;)

Tottenham - Anorthosis Famagusta

2007-09-18T20:56:00.001Z

Jæja nú er að líða að fyrsta leik okkar í Uefa cup og tilvalið að gera eina góða upphitun fyrir leikinn. Þó svo að ég viti ekki mikið um liðið og leikstílinn, er saga félagsins ansi mögnuð og um margt merkilegt félag að ræða.

Anorthosis Famagusta

Liðið var stofnað árið 1911 í Famagusta á Kýpur. Liðið var stofnað út frá Anorthosis lestrarfélaginu. Þetta var hópur kristinna manna sem heimsótti spítala og las fyrir börn og þannig stunduðu þeir bæði trúboð og kennslu/fræðslu.
Borgin Famagusta er um margt merkileg. Um miðbik síðustu aldar var þetta ein eftirsóttasta borgin meðal evrópskra ferðamanna. Borgin var eiginlega tvískipt. Hún skiptist í Varosha hverfið sem var fínahverfið í borginni þar sem Grikkir bjuggu og svo voru hin hverfin í borginni þar sem innfæddir og Tyrkir bjuggu. Anorthosis hafði aðsetur í Varosha hverfinu og hafði þar byggt heimavöll sinn sem heitir G.S.E. Árið 1974 gerðu svo Tyrkir innrás í Kýpur og hertóku m.a borgina Varosha. Íbúar á því svæði flúðu í flóttamannabúðir á meðan Tyrkir lokuðu þessum hluta borgarinnar. Enn þann dag í dag er þessi hluti borgarinnar í lokaður öllum. Bærinn er eins og draugabær. Það er allt þarna nákvæmlega eins og það var árið 1974. Þvottur á snúrum, kveikt á lömpum. Bílar eru á götunum. En engum er hleypt inn í þennann hluta bæjarins og enginn býr þar. G.S.E leikvangurinn er enn þarna í fínu ástandi (fyrir utan að líklega er völlurinn sjálfur orðinn mjög gróinn). Anorthosis Famagusta var því flökkulið í mörg ár þar á eftir og spilaði á hinum og þessum völlum. Eftir að hafa beðið í 12 ár eftir að endurheimta völlinn sinn byggði Anorthosis annann völl í borginni Larnaca og þar spilar liðið enn þann dag í dag.

Lið Anorthosis
Eins og ég segi veit ég lítið um liðið. Af því sem ég hef séð til þeirra eru þeir sókndjarfir og leikur þeirra byggist mikið upp á stungusendingum fyrir aftan varnarmann þar sem einhver leikmaður kemur á blússandi siglingu. Þeir eru léttleikandi af því sem ég hef séð og spila hraðan bolta.

Þeir byrjuðu Uefa Cup í sumar á því að slá út Vardar Skopé samanlagt 2-0 og unnu svo CFR 1907 cluj (fáránlegt nafn) 3-1 samanlagt. Ég ætla svo að láta fylgja hérna eitt myndband úr síðari leik Anorthosis og Vardar til að menn geti glöggvað sig á leik þeirra. Það er reyndar ómögulegt að sjá hvernig liðið verst á þessu myndbandi, en það gefur ágætis mynd af því hvernig sóknarleikur þeirra er (þó svo að þeir muni eflaust ekki spila svona sókndjarft gegn okkur).

Leikurinn
Þó menn séu kannski enn svolítið svekktir eftir síðasta leik held ég að ég þurfi ekkert að peppa fólk upp. Ég held að næstum allir séu á því að við vinnum þennan leik. Við erum margfalt sterkari en þeir og ég er svo sigurviss að það kemur upp í mér svona smá "rooting for the underdog" fílingur hjá mér. Ég eiginlega vona að þeir komi okkur í opna skjöldu og sæki fast á okkur. En við munum að sjálfsögðu alltaf vinna þetta lið.

Ég veit eiginlega ekkert hvað við erum að fara út í. Þetta gæti alveg farið eins og í fyrsta leik okkar í fyrra gegn Slavia Prag þegar við unnum báða leikina 1-0. Þetta gæti líka alveg verið 5-0 leikur. Sumir vilja að við notum þennann leik í að leyfa ungum leikmönnum að spreyta sig. Það er alveg eins líklegt en ég vona að það gangi ekki of langt. Ég myndi eiginlega vilja að við myndum vinna þennan leik mjög sannfærandi. Ég myndi vilja sjá okkur vinna með minnst þriggja marka mun.

Þetta er heimaleikur og því finnst mér meira vit í að stilla upp sterku liði og klára dæmið á WHL og þá geta frekar sparað fastamönnunum ferðalagið til Kýpur eftir hálfan mánuð. En það gerum við ekki ef við vinnum bara með eins marks mun eða eitthvað álíka. Þannig að ég myndi vilja sjá liðið einhvern veginn svona:

---------------------------------Robbo------------------------
Staltery---------------Kaboul-----Daws------------Lee
Lennon---------------Zokora-----Thudd----------Bale
--------------------------Defoe-------Bent--------------------

Ég myndi svo vilja hafa Taarabt (gleymi alltaf hvoru meginn við r-ið auka a-ið er) og Boateng á bekknum og leyfa þeim að koma inná um leið og við erum komnir með þægilegt forskot, ef við náum því þ.e. Einnig myndi ég vilja sjá Ekotto í stað Lee ef Ekotto er búinn að ná sér af meiðslunum. Annars held ég að þetta lið sé bara mjög sterkt. Ég myndi vilja sjá Chimpo aðeins hvíla sig, þar sem það er búið að mæða mikið á honum í upphafi móts. Einnig myndi ég vilja sjá Defoe fá að spreyta sig í þessum leik. Við erum ekki beint að hvetja hann til að skrifa undir samning með því að frysta hann svona á bekknum. Zokora er leikmaður sem ég vill bara sjá sem fyrst í liðinu og ég bara skil ekki af hverju hann hefur ekki fengið að spila meira.

En ég ætla að spá leiknum 4-1 fyrir okkur.

Coys!

Tottenham 1 - Arsenal 3

2007-09-15T16:23:00.000Z

Uss! Nú er ég virkilega svekktur. Eiginlega bara hundfúll. Þess vegna ætla ég mér að gagnrýna svolítið.

Mér langar að setja svolítið spurningamerki við Jenas. Ég er eiginlega bara ekki almennilega að skilja hvað hann hefur fram að færa sem er liðinu svo dýrmætt að hann eigi fast sæti í liðinu. Það býr alveg slatti af hæfileikum í þessum manni því maður hefur séð hann spila mjög vel, en maður sér það kannski ekki nema í svona 1 leik af hverjum 20 eða eitthvað álíka. Þess á milli er hann annað hvort frekar slakur eða lélegur. Við sjáum einfalda hluti eins og hornspyrnur vera eitthvað sem hann ræður illa eða ekki við. Í kannski 5 hverjum leik heppnast hjá honum hornspyrna. Halló!! Er þetta virkilega svo erfitt að koma boltanum yfir fyrsta varnarmanninn? Hlutverk framsækins miðjumanns á að vera að koma upp með boltann og dreyfa spilinu. En það gerir Jenas ekki. Þannig að eðlilegt er að spurja sig hvað er þessi maður að gera? Jú hann skorar nokkur mörk á tímabili en það dugar skammt. Ég er allavega orðinn alltof langeygur eftir næsta góða leik hans og finnst hann ekki vera að vinna fyrir sæti sínu í liðinu.

Ég set svo líka spurningamerki við Lee. Ég er eiginlega að vona að hann sé þarna inni vegna fjarveru Ekotto. Hann er ekkert að gera neina skandala inná vellinum. En við fáum ekkert út úr honum. Hann er rosalega sókndjarfur bakvörður sem er svo sem ekkert slæmt í sjálfu sér. En hann er ekkert að gera fram á við. Spáið í því að Robbo skv. tölfræðinni bar höfuð og herðar yfir Lee í sóknarleiknum. Lee hefur ekki einusinni náð að gefa stoðsendingu hvað þá mark sem leikmaður Spurs. Pælið í því! Og vegna þess hvað hann er mikið framliggjandi er hann yfirleitt ekki mættur í vörnina þegar andstæðingurinn sækir hratt. Þannig að hann er í raun ekkert að nýtast okkur fram á við og nýtist ekki vel í vörninni. Hinsvegar má alveg segja að þegar Lee er í vörninni skilar hann varnarvinnunni ágætlega.

En þessi gagnrýni á ekki bara við um leikinn í dag heldur er ég að gagnrýna þá yfir langt tímabil sem ég hef fylgst með þeim. En að leiknum.

Leikurinn var í sjálfu sér fínn hjá okkar mönnum. Við vorum svo sem ekkert endilega lélgegri aðilinn þó mig gruni að Arsenal hafi verið meira með boltann og sótt stífar. Leikskipulagið fólst í því að draga Arsenal framarlega á völlinn og vinna boltann og spila hraða sókn. Það var alveg að virka þannig séð (náttúrulega erfitt að segja það eftir að við höfum tapað leiknum). Við vorum að skapa helling af úrvalsmarktækifærum og hefðu leikmenn nýtt eitthvað af þessum dauðafærum hefðu úrslitin eflaust verið okkur hagstæðari. Ég stend fastur á því að Zokora hefði átt að spila þennann leik og skil illa ákvörðun Jol um að hafa hann utanvallar. Eftir á að hyggja hefði jafnvel verið best að hafa Zok og Thudd á miðjunni. Af öllum mönnum í liðinu hefði allavega Zok verið mikilvægasti maðurinn í þessum leik.

Ég verð svo enn og aftur að hrósa Bale. Ég er gjörsamlega dýrka þennann mann. Frábærar hornspyrnur og markið sem hann skoraði, my god hvað það var sweet!

Það var mikið gert úr því í leiknum að þetta væri leikurinn sem réði framtíð Jol. Kannski var þetta sá leikur? Það kemur bara í ljós. Þó svo að ég viðurkenni að Jol beri ábyrgð á gengi liðsins fyrir stjórninni, þá finnst mér leikmenn bera ábyrgð á þessu tapi. Leikmenn eins og Berbatov, Keane og Bent eiga ekki að klúðra þeim dauðafærum sem þeir fengu. Dawson og Robbo eru löglega afsakaðir fyrir að klúðra færum eins og þeir fengu en ekki þeir. Við höfum ekki efni á því að klúðra svona dauðafærum á móti sterkum liðum. Það er ekkert við Jol að sakast varðandi þessi klúður. Hann stillti liðinu upp og setti upp leikaðferð sem virkaði. Ég persónulega set spurningamerki við Jenas og Zokora en liðið og leikaðferðin voru næginlega góð til að sigra þennann leik. Það voru mistök leikmanna á ögurstundu sem urðu okkur að falli.

Tottenham - Arsenal

2007-09-14T16:39:00.001Z

Bara smá upphitun fyrir leikinn á morgunn. Brjálað að gera þannig að þetta verður bara stutt.

Mörgum væntanlega til ama er ég handviss um sigur á morgun. Leikirnir hjá okkur undanfarið eru svosem ekki beint ávísun á neitt stórkostlegt. Ég sé samt nokkuð margt gott í þeim leikjum sem búnir eru. Ég hef séð fínann sóknarleik gegn Derby og Fulham. Ég hef séð góða baráttu í vörninni gegn Man U. Þannig að ef við næðum upp baráttu og góðum varnarleik eins og gegn Man U. Góðum sóknum eins og gegn Fulham, þá munum við vinna. Ég veit að ég get verið svartsýnn og sagt að við stóðum okkur vel gegn Man U. en töpuðum, við skoruðum 3 mörk gegn Fulham en klúðruðum því samt. Þannig að við höfum sýnt bæði góða og slæma hluti en ég fæ mig með engu móti til að leggjast í þunglyndi yfir slæmu hlutunum. Þetta verður leikurinn sem við liðið mun draga fram allt sitt besta.

Ég er alls ekki að vanmeta andstæðinginn. Öll tölfræði bendir til þess að við vinnum ekki. Hvort sem við horfum á viðureignir liðana síðustu ár eða gengi liðana það sem af er tímabili, lendir maður á sömu niðurstöðu. Hinsvegar skiptir tölfræðin leikmenn litlu máli þegar inn á völlinn er komið. Leikmenn vita að þetta er leikurinn sem allra augu beinast að. Þetta er leikurinn sem allir leikmenn þrá að spila. Það þarf enga hvatningaræðu frá Jol til að leikmenn komist í gírinn.

Ég ætla að verða svolítið kræfur og spá því að við fáum að sjá markaleik. Ég held að við mætum í leikinn til að sækja til sigurs og leikurinn fari kannski 4-3 fyrir okkur.

Ég spái liðinu svona:
----------------------------Robbo--------------------
Chimbo------------Daws-------Kaboul---------Bale
Lennon------------Jenas-------Zokora-------Steed
---------------------Keane-------Berbatov-----------

Ég held að það ef að allir eru tilbúnir sem eiga að vera tilbúnir eins og Lennon og Dawson muni þetta líta nokkurnveginn svona út. Það er kannski líklegra að Thudd spili í stað Zokora, en samt ekki. Ef að ég hef rétt fyrir mér með að við munum blása til sóknar í leiknum held ég að Zok henti betur. Thudd er kannski hættulegri fram á við, en Zok er hentugri þegar við liggjum framarlega á vellinum. Hann lokar svæðum vel og er snöggur og bindur vörn og miðju betur saman en Thudd, sem er frekar hægur en frábær spyrnumaður og með ágætis auga fyrir sendingum.
Svo er kannski spurning með vinstri helminginn. Bale hlýtur að vera í liðinu og þá spurning hvort Lee eða Steed detti út úr liðinu, nema Lennon sé ekki tilbúinn í heilann leik. Þá mun Steed vera hægrameginn og Bale vinstrameginn og Lee í bakverðinum.
Það er svo líka hugsanlegt að Bent verði þarna frami með Berbatov en ég tippa samt á Keane því hann er í betra leikformi.

En hvernig sem liðið verður mun það vinna leikinn. Ef ég væri gamblari myndi ég eflaust leggja góða summu undir.

Coys!

Hér er svo fín upphitun frá síðasta tímabili

Fulham 3 - Tottenham 3

2007-09-01T22:00:00.000Z

Aðvörun!

Ef þið viljið lesa neikvæða umfjöllun um leikinn í dag er ykkur bent á spjallborð spurs.is, hin ýmsu spjallborð tileinkuð Spurs á englandi, spjallborð West Ham og spjallborð Arsenal á englandi. Eiginlega er þetta einfalt ef þið viljið heyra hvað spurs er lélegt og fleirra í þeim dúr getið þið lesið það allstaðar annarstaðar en hér. Þetta þýðir samt ekki að ég sjái ekki neitt slæmt í leik okkar manna heldur aðeins það að ég nenni ekki að skrifa það sama og allir eru að skrifa um.

Ég er ekki einn af þeim sem eru á þeirri skoðun að það lið sem er heppnast af öllum vinnur deildina. Þeir sem tala alltaf um heppni andstæðinganna og óheppni sinna manna eru að mínu mati þeir sömu og neita að horfast í augu við vanda. Þessi leikur fannst mér samt sveipaður óheppni okkar manna og heppni Fullhammanna. Þegar okkar leikmenn eiga þrumuskot í stöng og Berbatov nær að komast einn á móti marki en á furðulegann hátt er alltí einu mættur Fullhammaður á línuna á réttu augnabliki. Fulham á skot sem Rocha nær ekki að komast nógu vel fyrir og boltinn dettur í fallegum boga undir þverslánna og svo kemur bakfallsspyrna sem dettur niður undir samskeytin. Þetta finnst mér vera leikur þar sem hægt er að tala um heppni og óheppni. En auðvitað var þetta ekki bara heppni og óheppni.

Þó úrslitin hafi verið viss vonbrigði var leikurinn bráðskemmtilegur og margt jákvætt að gerast. Mér fannst menn eins og Bale og Kaboul koma rosalega sterkir inn í liðið, og eiga þeir hrós skilið fyrir framistöðu sína. Berbatov var líka stórkostlegur í þessum leik. Eiginlega átti enginn leikmaður okkar slæmann dag að mínu mati. Mér fannst sóknarleikurinn okkar mjög góður og einnig var gaman að sjá að Bale getur skapað mikla hættu með hornspyrnum sínum, með hann innanborðs ættum við að geta bætt okkur í föstum leikatriðum til muna. Mér fannst reyndar varnarleikurinn alls ekki svo slæmur hjá okkur þó við höfum fengið á okkur 3 mörk.

Þar sem maður er oft duglegur við að láta dómara fá það óþvegið finnst mér að sama skapi að ég eigi að hrósa þeim þegar þeir standa sig vel. Ég er ekki að segja að dómarinn hafi ekki gert nein mistök í dag enda eru það óraunhæfar kröfur. En mér fannst hann hafa mjög góð tök á leiknum. Hann beitti hagnaðarreglunni af mikilli skynsemi og var ekkert að lyfta spjöldunum of mikið. Hann lét leikinn fljóta vel, og stundum sá maður ekki dómarann í langann tíma.

Með Jol þá veit maður ekki alveg hvað maður getur sagt. Liðinu vel stillt upp og leikmenn mættu vel undirbúnir til leiks, en skiptingin á Keane og Defoe var slöpp. En kannski má maður ekki vera svo einfaldur. Defoe á enn eftir að skrifa undir samning og vill fá að spila meira áður en hann fer út í þá sálma þannig að það hefur kannski spilað einhvern þátt í skiptingunni. Svo er heldur ekki hægt að segja að Jol hafi verið að skipta einhverjum viðvaningi inná. Það býr meira í Defoe og hann verður að láta hann taka ábyrgð líka. Hefði Jol vitað að Defoe myndi verða hörmulegur í þennann hálftíma hefði hann líklega ekki skipt honum inná. En það er auðvelt að dæma eftir á.

Ef þessi leikur sýndi manni eitthvað þá sýndi hann manni að við getum auðveldlega unnið Arsenal í næsta leik en þá þurfum við líka að vera einbeittari.

Man U. 1 - Spurs 0

2007-08-26T22:13:00.000Z

Já heldur betur frábær leikur sem boðið var uppá í dag. Held að ég hafi aldrei áður sprottið jafn oft úr sætinu tilbúinn að fagna en þurft að setjast vonsvikinn aftur niður og í dag. En frábær leikur hjá okkur og algjörlega frábært að sjá að þó svo að við séum að notast við miðverði nr.4 og 5 í goggunarröðinni að þá nær vörnin að þétta sig ágætlega.

Mér fannst flestir leikmenn standast áskorunina í dag en varð fyrir svolitlum vonbrigðum með Keane og Steed Malbranque. Aðrir leikmenn stóðu sig vel. Mér finnst ekki hægt að skrifa markið á neinn í okkar liði. Mér finnst aldrei hægt að kenna markmanni um mark þegar skot breytir um stefnu þegar hann snertir einhvern leikmann. Þetta var ekki mikil stefnubreyting en samt nóg. Mér finnst heldur ekki hægt að kenna dómaranum um neitt. Mér fannst það svona 50/50 með Wes Brown hvort við ættum að fá víti. En dómarinn hefði þurft að standa fyrir aftan endamörk til að geta séð þetta og því finnst mér óréttlátt að kenna dómaranum um eitthvað. En það er vitað að gamla tuggan um að það sé ekkert dæmt á stóruliðin mun blossa upp.

Allavega fannst mér við miklu betri aðilinn. Við kannski sóttum ekki jafn mikið en mér fannst liðið allt öruggara í sínum aðgerðum og þó það sé aldrei spurt um hvor var betri aðillinn heldur hvernig leikurinn fór, þá vorum við samt betri aðilinn. Það gefur ekki stig en það gefur mér ánægju og von.

Svo verð ég aðeins að minnast á viðmælenda Harðar Magnússonar fyrir hönd Spurs. Það var hann Bogi Ágústson. Eins og það kann að fara í taugarnar á mönnum hvað ég er bjartsýnn og tala vel um Spurs fer það rosalega í taugarnar á mér þegar menn eru svartsýnir og tala niður til Spurs (þá sérstaklega ef það er stuðningsmaður Spurs). Ég umber það á svona netspjalli og finnst það í lagi ef menn gæta hófs. En þegar menn missa trúnna á sitt eigið félag í beinni útsendingu verð ég brjálaður. Þegar þú situr gegn Liverpoolmanni og Man U.manni þá er eins gott að týna allt það góða til sem Spurs á. Þú getur horft á stöðunna frá sjónarhorni þeirra sem vilja okkur ekki vel og kallað það raunsæji. Þú getur t.d talað um að við höfum aðeins unnið einn leik. Þú getur talað um að fréttir um þjálfaramál muni eyðileggja tímabilið, þú getur talað um hvað okkur vantar.

En svo getur þú líka horft á þetta frá augum stuðningsmanna sem reyna að finna það jákvæða og kallað það líka raunsæji. Þú getur talað um að það séu aðeins fjórir leikir búnir og nóg eftir af mótinu til að koma til baka, þú getur talað um að ef United verður að berjast á toppnum og við erum betri aðilinn á þeirra heimavelli (þrátt fyrir tap) þá ættum við að vera þar líka, þú getur talað um að nú þegar allt fárið í kringum Jol sé búið geti liðið og leikmenn einbeitt sér að því sem er að gerast inná vellinum ofl.

Allavega ef við erum búnir að missa af 4. sætinu vegna lélegrar byrjunar þá er United líka í vondum málum. En að mínu mati verða annað hvort Chelsea og Man U. meistarar og við eigum mjög góða möguleika á CL sæti.

Svo langar mig að óska Mido til hamingju með annað markið sitt i jafn mörgum leikjum (ef mér telst rétt til). Ég sagði þegar hann fór að hann yrði líklega með 10 markahæstu mönnum PL. Það fer kannski eftir því hversu langt Egyptar ná í afríkumótinu en hann er allavega að standa sig vel eins og við var að búast.

Man U. - Spurs

2007-08-25T19:41:00.000Z

Manchester United - Tottenham

Sunnudaginn 26 ágúst kl 15:00 á Old Trafford

Upphitanir á síðasta tímabili
Manchester - Spurs - Eftir leik
Spurs - Manchester

Að mínu mati er Manchester í dag með besta byrjunarliðið í deildinni (þegar allir eru heilir). Ég hef horft svolítið á Man U. nú í upphafi leiktíðar og sé þá gríðarlega sterka þegar líður á mótið. Eflaust vanmeta margir Man U. þar sem þeir hafa enn ekki náð að sigra leik í deildinni. En að dæma Spurs eða Man U. af fyrstu leikjum tímabilsins er að mínu mati dómar byggðir á röngum forsendum.

Leikmenn eins og Nani, Anderson, Hargreavs og Tevez eru nýjir leikmenn en þó þeir séu ekki að falla neitt sérstaklega vel inn í liðið þá munu þeir gera það og þá eru þeir illviðráðanlegir. Man U. hefur líka verið í miklum meiðslavandræðum sem hefur komið niður á þeim. En líkt og hjá okkur eiga þeir líkega eftir að rífa sig upp með hvelli.

Þetta verður svakalegur leikur. En ég er nokkuð viss um að við vinnum þennann leik. Fæstir hafa tekið lítið tillit til þess að við höfum verið í rosalegum meiðslavandræðum. Ég tel það vera ástæðu þess að við erum ekki með fleirri stig eftir þessa fyrstu leiki okkar. Nú erum við hinsvegar að fá leikmenn til baka og þá styrkist liðið. Í raun og veru er ég á þeirri skoðun að ef allir leikmenn liðsins eru heilir erum við ekki langt á eftir bestu liðum Englands. Þannig að ég held að við vinnum 1-2 sigur. Hinsvegar hefur Fergie lofað sigri á morgun. Ekki með óbeinum hætti heldur sagði hann "We will win the game on Sunday. Our performance level will win the game for us." Hinsvegar er það okkur í hag að leikmenn eins og Ronaldo, Park, Neville og Rooney verða ekki með og Van der Sar, Anderson og Saha eru tæpir og verða líklega ekki í byrjunrliðinu.

Ég horfði á leik Man U. gegn grönnum sínum um síðustu helgi. Þó þeir hafi tapað sýndu þeir að þeir geta sótt og haldið upp pressu í 90 mín. Það var aðeins frábærum varnarleik City manna að þakka að þeir fóru með öll þrjú stigin. Ég hef svolitlar áhyggjur af varnarleiknum okkar. Verði hann frábær munum við vinna leikinn. En getur maður treyst miðvörðunum Gardner og Rocha til að halda mönnum eins og Tevez, Nani eða Scholes niðri í 90 mín? Ég set gríðarlega stórt spurningamerki við Gardner því varnarleikurinn mun standa og falla með því hversu kvikir varnarmennirnir eru en það er stærsti veikleiki Gardners. En Zok mun vonandi hjálpa mikið til í vörninni.

Ég ætla að skjóta á bæði liðin.

Man U.
----------------------Kuszczak------------------------
Brown-------Ferdinand------Vidic--------Evra
Eagels-------Anderson------Hargreavs-----Nani
--------------------------Scholes-----------------
---------------------Tevez------------------------

Veit svo sem ekki hvort þetta sé raunhæft lið. Anderson er tæpur en ég set hann samt inn. Eagels var stórkostlegur á móti City, og hann á sætið skilið. Þeim vantar sóknarmenn og því held ég að þeir muni halda sig við 4-5-1, eða 4-3-3 eftir því hvernig á það er litið.

Spurs
--------------------------Robbo----------------------
Chimb.---------Gardner-------Rocha-----------Lee
Steed-----------Zokora--------Jenas----------Tainio
------------------Keane---------Berbatov-------------

Sko Bale er kominn aftur en ég von á að Jol vilji Lee frekar. Vörnin er löskuð eins og hún er og ég held að hann vilji ekki gera hana enn brothættari með því að koma inn með ungling í sínum fyrsta leik með liðinu í svo stórann leik. Miðjan verður svona uppstillt nema Jol vilji setja Steed á vinstri eða Routhy í stað Tainio. Berbatov er tæpur fyrir leikinn en ég held að hann spili samt því Bent er meiddur. Að mínu mati ættum við að leggja leikinn þannig upp að við reynum að sækja mikið upp vinstri kanntinn því þar er Wes Brown ekki að skila góðum leik, hann er umfram allt miðvörður og ræður því illa við stöðuna.

Hvernig sem þetta verður verður þetta áhugaverður leikur. Bæði lið hafa átt slaka byrjun vegna meiðslavandræða. Bæði lið geta eru í vandræðum með stöður á vellinum (miðvarðarstaðan hjá okkur, og framherjastaðan hjá þeim). Þannig að það er jafnt á komið með báðum liðum.

En eins og ég segji 1-2 fyrir okkur.

Coys!

Mido og Jol

2007-08-19T11:42:00.000Z

Nú á dögunum var Mido seldur til Boro. Það eru svona blendnar tilfinningar hjá mér varðandi þessa sölu. Ég hef alltaf haft miklar mætur á Mido og oft á tíðum tekið þátt í að verja hann þegar illa hefur gengið hjá honum. Í mínum huga leikur enginn vafi á því að Mido er góður leikmaður og 6m/p verðmiði finnst mér eiginlega bara sanngjarn. Það var líka alltaf ljóst að Mido var ekki að fara spila neitt hlutverk hjá okkur þannig að ég skil þetta mjög vel. Ég á alveg eins von á því að Mido geti orðið með markahærri mönnum þetta tímabil, en sjáum til.

Eftir sigurleikinn í gær fór ég loks á spursspjallið og ákvað að kíkja á umræður um leikinn. Furðulegt hvað lítið er að gerast þegar vel gengur en allir eru tilbúnir að tjá sig þegar illa gengur? Ætli það sé stór hópur sem eru bara röflarar? Jah maður spyr sig.

Svo er þessi Jol umræða. Hún er náttúrulega bara copy/paste af liverpoolmönnum hérna um árið. Það voru aðeins liðnir nokkrir leikir af tímabilinu eftir að Liverpool vann CL meistaratitilinn að menn byrjuðu að tala um að Benitez væri ekki maðurinn til að ná árangri með Liverpool. Nú náði Jol besta árangri Spurs í áraraðir í fyrra og strax byrjað að tala um að það þurfi að fá nýjann mann í brúnna? Sorry en ég bara skil ekki hugmyndafræðina bakvið það að ef stjóri á frábært tímabil þarf hann að vinna fyrstu tvo leikina af næsta tímabili, eins og það sé prófsteinninn sem sker úr um hæfni stjórans????

Svo er ég ekki alveg að fatta rökin með að við séum búnir að eyða tugum millj./p og ekki meiri árangur en þetta. Þá skal ég uppljóstra hérna algjörum "shockkfactor" eftir mikla rannsóknarvinnu hef ég komist að því að liðin í kringum okkur hafa ekki staðið í stað. Öll liðin í kringum okkur hafa eytt tugum milljóna punda líka í leikmannakaup undanfarin tímabil.

Málið er þetta. Árangur liðsins hefur batnað með hverju tímabilinu síðan Jol tók við því. Þannig að liðið er að þróast og eflast undir hans stjórn. Jafnvel þó hann tapi nokkrum leikjum þá er það heildarmyndin sem ber að líta á.

Svo er reyndar annað þessu tengt. Það hafa borist fréttir af því að það sé ósætti milli stjórnarformanns og Jol. Það er alvarlegt mál og gæti orðið til þess að Jol yrði látinn fara, ef Jol fer þá tel ég þetta einu rökréttu skýringuna á því.

Tottenham 4 - Derby 0

2007-08-18T15:56:00.000Z

Vá! Þetta var einn magnaðasti leikur sem ég hef séð í langann tíma. Svakalega opinn og skemmtilegur. Það sýndi sig líka að vörnin styrktist helling þegar við gátum mannað vinstri bakvörðinn. Ég bara bjóst ekki við svona svakalegum sigri. Að skora 4 mörk og halda hreinu! Það er hreint ótrúlegt! Þvílíkur karakter! Þetta sýnir manni hverju maður má búast við þegar við getum mannað allar stöður á vellinum með okkar bestu mönnum.

Varðandi leikmennina var margt jákvætt í gangi. THUDD er greinilega orðinn liprari og þ.a.l betri. Steed var frábær. Jenas átti góða spretti. Routhledge var svo sannarlega betri en enginn. Í raun var enginn leikmaður að spila illa.

Það besta við þetta allt saman er að nú getur maður loksins farið að lesa umræður spursara aftur án þess að þurfa endalaust að heyra hvað allt sé ömurlegt og að það þurfi að reka Jol og selja helming leikmanna okkar af því að þeir eru svo lélegir o.fl. Nú get ég loksins séð spursara fagna og upphefja leikmennn og liðið sem ég elska.

Tottenham - Derby

2007-08-17T20:51:00.000Z

Já Derby á morgunn. Hvað á maður að segja? Ekki nóg með það að við höfum verið í bullandi vandræðum með að manna lið undanfarna leiki heldur halda menn áfram að meiðast. Flestir kunna að segja að við eigum að vinna þennann leik, en ég er ekki viss um að við séum með nógu sterkt lið til þess. Hefðu allir verið heilir hefði ég jafnvel krafist stórsigurs. En án Dawson, King, BAE, Lennon, Kaboul, Bale og Berbatov er Spurs bara alls ekki sterkt lið. Að mínu mati eru þarna 5 af 8 bestu leikmönnum liðsins meiddir. Það er ekkert lið í deildinni, þá meina ég EKKERT LIÐ sem hefur svo gríðarlega breydd að þau gætu haldið dampi án 5 af sínum bestu leikmönnum.

Ég ætla að vona að leikmenn nái að kreista allt út úr sjálfum sér á morgunn og að heppnin verði okkar megin. Ef það gerist eigum við í það minnsta von á jafntefli. Ef sigur næst er það frábært algjörlega stórkostlegt, og sigur er alls ekki óhugsandi í þessum leik.

Tottenham 1- Everton 3

2007-08-14T20:56:00.000Z

Ég kíkti á spursspjallið eftir leikinn á laugardaginn og omg! Held að ég sleppi bara alfarið að fara þangað inn núna.

Annars var fyrri hálfleikur alveg ótrúlega skemmtilegur, svona hlutlaust mat. Bæði lið sókndjörf og leikurinn galopinn. En því miður var seinnihálfleikurinn ekki jafn skemmtilegur. Þó við höfum tapað er samt framfarir frá fyrsta leik (þó það hafi verið fullt af vanköntum á leik okkar núna) og það er ég ánægður með. Við sóttum meira upp kanntana, Chimbonda var sæmilegur (var lélegur í gegn Sunderland), við sköpuðum okkur fleirri færi, Jol leggur leikinn vel upp, Gardner opnar markareikning okkar á tímabilinu ofl.

Auðvitað er maður svekktur með að hafa tapað leiknum. En það er leikur eftir þennann leik og allt það. Ég er ennþá bjartsýnn um góðann árangur í vetur. Við þurfum bara að sætta okkur við það að við erum ekki lið í úrvalsklassa þegar leikmenn eins og Dawson, King, BAE, Lee, Kaboul (að meðstu leiti), Bale og Lennon eru ekki með. Svona blóðtaka myndi lama hvaða lið sem er.

Sunderland 1 - Tottenham 0

2007-08-11T17:40:00.000Z

Þvílík hörmung. Við eigum eftir að þurfa berjast fyrir sæti okkar í deildinni í vetur. Við getum alveg gleymt öllum evrópukeppnum á næsta ári.

Nei bara grínast. Ég er ennþá sicknote í draumaheimi ;)

Ég veit ekki alveg hvernig á að lýsa þessum leik. Hann var viss vonbrigði en svona samt ekki. Hann var illa spilaður en það eru til skýringar á því. Þannig að svona all in all þá er ég bara rólegur yfir þessu en svona smá svekktur yfir því að við vorum óheppnir.

Ég vissi það alltaf fyrir leik að þetta yrði erfiður leikur. Sunderland var að spila fyrsta leik sinn í Pl eftir nokkra bið og mættu baráttuglaðir, staðráðnir í að sanna sig sem fyrst í deild þeirra bestu. Þeir eru öflugir á heimavelli en við erum ekki mjög öflugir á útivelli. Þannig að það var viðbúið að þetta gæti orðið jafn leikur.

Ofan á það allt saman vorum við í hrikalega miklum meiðslavandræðum. Það voru þrír vinstri bakverðir meiddir og báðir (aðal) miðverðirnir voru meiddir. Þetta þýddi það að undir eðlilegum kringumstæðum var einn leikmaður í vörninni sem á að vera í vörninni, Chimbonda. Til viðbótar við vinstri bak meiðslin var Lennon líka meiddur. Það var því vitað að við værum vængbrotnir (vinstri og hægri vængur).

Ég veit ekki alveg með Steed. Sjónvarpsmennirnir settu hann á hægri vænginn en ég gat ekki betur séð en að hann spilaði allann leikinn vinstrameginn. Þetta gerði það að verkum að við sóttum allann leikinn upp miðjann völlinn og því voru færin svona fá. Sunderland átti í litlum vandræðum með að þjappa sex manna varnarlínuna fyrir framan markið. Ekki bætti það úr skák að Chimbonda var ekki í takt við leikinn, og Jenas var slakur að venju á miðsvæðinu. Með þann mannskap sem Jol hafði úr að velja í dag hefði ég sett Jenas í hægri vænginn (því hann er yfirleitt fínn í þeirri stöðu) og Steed á vinstri. Eða Steed í hægri og Keane á vinstri. Allavega fannst mér Jol ekki gera neitt til að leysa úr vandamálunum á könntunum í þessum leik. Það var bara hent inn fleirri strækerum sem sækja alltaf inn að miðju. Það vantaði í leikinn að við sköpuðum eitthvað á könntunum bæði til að hafa fjölbreyttni í sóknarleiknum og til að dreyfa varnarmönnum Sunderland.

En svona heilt yfir þá er ég ekkert að farast úr reiði. Horfi bara til þess að Robbo virðist vera í fínu formi og átti tvær frábærar markvörslur, og Kaboul var að standa sig feikivel. Tek það góða úr leiknum og býst við okkur sterkum þegar eitthvað af þessum leikmönnum skilar sér úr meiðslum.

Sunderland - Tottenham

2007-08-05T00:15:00.001Z

Sunderland - Tottenham

Laugardaginn 11 ágúst kl: 11:45 á Stadium Of Lights

Sunderland

Stofnað : 1879
Heimavöllur: Stadium of Lights (49.000)
Gælunafn: The Black Cats
Stjóri: Roy Keane
Nágrannarígur: Newcastle

Á meðan flest lið hafa verið stofnuð af krikketliðum sem hafa viljað halda sér í formi yfir vetrartímann eða af iðnaðarmönnum, var Sunderland stofnað af kennara.
Sunderland varð fyrsta liðið sem fékk inngöngu inn í ensku deildina eftir að hún var stofnuð af nokkrum liðum árið 1888. Sunderland hefur 6 sinnum unnið efstudeild, síðast árið 1936. Gullaldarár þeirra voru um lok 18. aldar. Undanfarin ár hafa Sunderland verið eins og jójó milli efstu og næstefstudeildar. Stuðningsmenn Sunderland sjá þó fram á bjarta tíma með tilkomu Roy Keane.

Roy Keane var ráðinn framkvæmdarstjóri eftir að liðið hafði tapað 5 af fyrstu 6 leikjum liðsins. Honum tókst heldur betur að berja saman liðið því liðið náði m.a að spila 17 leiki í röð án taps. Sunderland náði svo að tryggja sér sæti í PL með 5-0 sigri á útivelli gegn Luton í lokaumferðinni. Með sigrinum urðu þeir efstir og sluppu við umspil um sæti í PL. Eftir tímabilið var Roy Keane svo kosinn framkvæmdastjóri ársins í kókdeildinni.

Roy Keane hefur í sumar eytt um 24 millj. punda í leikmannakaup, þar má nefna menn eins og Kieran Richardson og Michael Chopra. Ekki má gleyma furðulegustu kaupum sumarsins, þegar Keane lagði út 9 m/p fyrir markmann Harts, Craig Gordon að nafni. Aðrir leikmenn sem þið gætuð kannast við eru Dwight Yorke, Marton Fulop (fyrrum varamarkvörður Spurs), Dickson Etuhu, Graham Kavanagh og Stanislav Varga. Þetta eru allavega þau nöfn sem hringja bjöllum hjá mér.

Tottenham
Tottenham hefur verið að standa sig vel í sumar, bæði á leikmannamarkaði og í undirbúningsleikjunum. Við höfum verið að fá nokkra unga og mjög efnilega leikmenn eins og Bale, Kaboul, Taarabt og Prince-Boateng. Tilkoma Darren Bent mun styrkja okkur töluvert fram á við og vonandi að við fáum að sjá nokkra stórsigra í vetur.

Við höfum unnið alla leiki okkar á undirbúningstímabilinu og leikmenn virðast koma ágætlega undan sumarleyfum. Hinsvegar má alls ekki gleyma því að undirbúningstímabilið er ekki mælikvarði á hvar lið stendur. Þessir leikir eru oftast svona vináttuleikir þar sem menn fara lítið í tæklingar og leikmenn oft prófaðir í nýjum stöðum í nýjum leikkerfum. Úrslit eru aukaatriði í þessum leikjum.

Leikurinn
Þessi leikur gæti verið mjög erfiður fyrir okkur. Leikmenn Sunderland hafa beðið eftir að spila í úrvalsdeild í rúmt ár. Það er því nokkuð ljóst að þeir eru að fara í leikinn með því hugarfari að sýna sig og sanna. Þeir vita það líka að pressan er ekki á þeim í þessum leik. Undir stjórn Keane hefur Sunderland aðeins tapað tveim heimaleikjum en unnið 14. Þó það hafi verið í kókdeildinni þá sýnir það engu að síður það að þeir eru sterkir á heimavelli. Hinsvegar náðum við aðeins 5 sigrum á útivelli í fyrra. Það þýðir 15 stig af 57 mögulegum!!!

Þeir hafa það líka fram yfir okkur að þegar þessi orð eru skrifuð er enginn leikmaður á meiðslalista hjá þeim. Hinsvegar eru nokkur stór nöfn á okkar meiðslalista eins og King, Ekotto, Lennon, Lee og Bale er tæpur.

Við höfum því alls ekki efni á því að vera með eitthvað vanmat. Ef maður lærði eitthvað af síðasta tímabili var það það að enginn útileikur er bókuð 3 stig.

Hinsvegar komum við inní leikinn sem sterkari aðilinn. Við hljótum að teljast sigurstranglegri í þessum leik. Við "eigum" að vinna þetta lið og þó það eigi ekki eftir að verða auðvelt er ég viss um að við tökum 3 stig úr þessum leik. 1-3 ætla ég að spá þessum fyrsta leik úrvalsdeildarinnar.

Liðið

----------------------Robbo------------------------
Chimpo---------Daws------Kaboul-------Bale
Lennon---------Jenas------Zokora------Steed
------------------Keane------Berbatov------------

Það er alltaf erfitt að spá hvernig þetta lítur út í fyrstu leikjunum. Það er spurning hvort Jol vilji byrja með Kaboul eða Rocha. Líklega mun það vera Kaboul. Svo er spurning hvort Bale verði orðinn fitt. Ef ekki gæti Tainio spilað vinstri bak. Svo veit maður ekki hvort Bent sé fyrsti valkostur við hlið Berbatov eða hvort það verður Keane. En hvernig sem það verður þá held ég að þetta lið sé nokkuð nálægt lagi.

Tölfræði

*Við höfum mætt Sunderland 12 sinnum í PL og unnið 9 og aðeins tapað 2 leikjum.

*Eftir því sem ég kemst næst er þetta fyrsti leikurinn sem Spurs spilar á dagsetningunni 11 ágúst (í það minnsta frá árinu 1911).

* Spili Berbatov og Chimbonda munu þeir báðir spila sinn fimmtugasta leik í Spurstreyju.

Nú er bara að bíða eins og barn eftir jólunum til fyrsta leiksins. Góða skemmtun!

Coys!

Spá/vangaveltur fyrir komandi tímabil

2007-08-04T22:54:00.000Z

Þá er það fyrsti pósturinn um komandi tímabil, og þar langar mér aðeins að vellta fyrir mér möguleikum okkar. Ég ætla að byrja á að telja upp þau lið sem við munum ekki vera berjast við.

Manchester United
Chelsea
Liverpool.

Auðvitað er aldrei hægt að segja aldrei. Á pappírunum eru þessi lið bara einfaldlega of sterk. En fótbolti er fullur af óvæntum uppákomum. En ef við horfum t.d á Man U. Þá eru þeir að fara vinna CL í ár sé tekið mið af mannskapnum. En auðvitað gæti það orðið basl hjá Fergie að pússla saman þessum stjörnum. En líkurnar á því eru litlar.

Chelsea er líka klassanum fyrir ofan okkur. Frábær mannskapur og engar byltingar á leikmannamarkaðnum í sumar. Ég er eiginlega mest viss um að þeir verði í topp 3 af öllum liðunum. Litlar breytingar þýða oftast meiri stöðugleika.

Liverpool hafa verið grimmir á leikmanna markaðnum í sumar. Leikmenn eins og Babel og Voronin munu styrkja liðið mjög mikið og hópurinn er nægilega sterkur til að þeir geti verið að slást um Englandsmeistara titilinn. Það er ekki ónýtt að hafa Voronin, Kuyt og Crouch til að velja úr sem framherja og geta þá haft mann eins og Torres á bekknum.

Þá er bara spurning um fjórða sætið. Ég blæs á allar raddir sem segja að Spurs eigi það sæti á silfurfati eftir að Henry fór frá Arsenal. Nú er ég ekkert að fara upphefja Arsenal neitt sérstaklega en við spiluðum held ég 4 leiki gegn Arsenal í fyrra án þess að Henry kæmi við sögu. Tölfræðilega voru þeir samt sterkari en við. Arsenal brilleraði í bikarkeppnunum (allavega annari) án Henry. Auðvitað var hann frábær hjá þeim en við skulum þó ekki halda að Arsenal hafi staðið og fallið með Henry.
Hinsvegar eigum við alveg góða möguleika á að enda ofar en Arsenal. Fjórða sætið er alveg raunhæfur möguleiki. En það er fásinna að ætla að það verði auðvelt að ná því. Við þurfum að spila fanta vel og hafa heppni með okkur til að ná fjórða sætinu. Það myndi ekki koma mér á óvart þó að það yrðu Arsenal, Blackburn og Spurs sem væru að berjast um þetta sæti fram í lokaumferðina. Ég myndi allavega vilja sjá það sem markmið (vill ekki tala um það sem kröfu eins og sumir) fyrir þetta tímabil að við myndum enda í 4. sæti.

Smá svona skemmtilegar og óskemmtilegar vangaveltur

Undanfarin tímabil hafa einkennst af lægð eftir áramót. Janúar og febrúar hafa ekki verið að skila miklu undanfarin ár. Í ár lítur janúar og febrúar svona út:

Aston Villa - úti
Chelsea - úti
Sunderland - heima
Evert0n - úti
Man U. - heima
Derby - úti
Chelsea - Heima

Ég myndi segja að líkurnar á rýrum upphafsmánuðum næsta árs séu nokkuð miklar. En mars og Apríl hafa verið okkar mánuðir og leikjaplanið þar gefur góð fyrirheit.

Svona af því að ég er byrjaður að spá eins og norn langar mig að henda fram nokkrum spám í viðbót svona til að geta sagt "I told you so" þegar tímabilið er búið.

*Zokora verður frábær á þessu tímabili.
*Prince (nýji maðurinn með þrjú nöfnin) á eftir að koma á óvart.
*Taarabt mun verða svona ágætur á þessu tímabili (verður svona frískur af bekknum í nokkrum leikjum).
*Defoe á því miður ekki eftir að ná sér á strik þetta tímabilið en nær þó nokkrum góðum leikjum fyrir áramót.
*BAE á eftir að sanna sig sem vinstri bakvörður nr 1 hjá Spurs (kannski meiri óskhyggja en spá).
*Steed og Tainio eiga eftir að verða ansi mikilvægir leikmenn á tímabilinu.

Coys!

Kaboul kominn.

2007-07-05T22:02:00.000Z

Þá bætist þriðji (4) maðurinn í safnið. Finnst eins og ekki sé hægt að tala um Taraabt sem nýjann leikmann þó hann hafi verið keyptur í sumar.

Ég vona að þetta hljómi ekki eins og þversögn við það sem ég hef verið að predika en ég er ánægður með kaupin. Ég vill nefninlega sjá svona unga og efnilega leikmenn koma til liðsins. Þetta eru líka fín kaup að því leitinu til að þau leysa vandamál. Eitt af okkar stærstu vandamálum síðastu tímabil hefur verið fjarvera King. Þetta er leikmaður sem skv. því sem ég hef lesið á að vera nokkuð góður og hefur alla burði til að vera enn betri. Hann er þó engin stjarna sem myndi ekki sætta sig við að þurfa berjast fyrir sæti sínu. Hann kemur til liðsins vitandi það að hann þarf að gefa allt fyrir félagið til að geta orðið byrjunarliðsmaður.

Hinsvegar held ég að landi hans Dervite eigi eftir að reynast honum stærri andstæðingur en hann á von á. Að einhverjum völdum hef ég óbilandi trú á Dervite, og ég veit ekkert af hverju? Ég hef aldrei séð heilann leik með honum eða neitt. Samt hef ég það á tilfinningunni að Dervite sé ein af okkar skærustu vonarstjörnum.

Bent Kominn!

2007-06-29T19:38:00.000Z

Þá er kappinn kominn. Ég ætla að bjóða hann velkominn og mun styðja hann sem og alla aðra Spursleikmenn. Langar samt að klára að segja mína skoðun á þessum heimskulegu kaupum í þessari færslu og síðan ekki söguna meir.

Málið er að ég hef heyrt marga reyna að réttlæta þessa upphæð sem hann var keyptur á (16,5 m/p). Það er bent á (ps. lofa að koma aldrei með þessa bylgjubrandara um nafnið hans) að hann hafi skorað gríðarlega mikið af mörkum hjá félagi sem skoraði ekki gríðarlega mikið af mörkum. Ég ætla ekki að segja að hvaða maður sem er hefði getað skorað svona mikið, en við skulum líka athuga það að Charlton spilaði 4-5-1 leikkerfið með Bent fremstann. Það væri í hæsta máta óeðlilegt að maður sem spilar fremstur í svona leikkerfi bæri ekki höfuð og herðar yfir aðra menn í markaskorunn. Ég hugsa að Defoe hefði verið með svipað markahlutfall ef hann hefði spilað fremstur í 4-5-1 hjá Charlton. Þannig að þetta eitt réttlætir ekki þennann verðmiða.

Hefði Berbatov farið hefði ég verið ánægður með kaupin í heild sinni. En fyrst Berbs verður áfram (guði sé lof) er ég ekki beint himinnlifandi. Mér finnst kaupin á Bent bera svona Chelsea keim af sér. Chelsea kaupir oft leikmenn á alltof mikinn pening þó þeim vanti ekki beint leikmanninn. Mér finnst vanta meiri hugsjón í þessi kaup. Koma Bent býður ekki upp á neina alvöru auka breidd. Þá á ég við að fyrir kaupin á Bent vorum við með frábæra sókn, alltí lagi miðju og ágætis vörn. Hvað hefur breyst? Nú erum við með frábæra sókn, alltí lagi miðju og ágætis vörn. Auðvitað styrkir Bent sóknina hjá okkur, en af hverju fannst forráðamönnum liðsins það mest aðkallandi að styrkja okkar sterkasta hlekk? Af hverju var ekki lögð meiri áhersla á að styrkja veiku hlekkina? Okkur sárvantar fleirri skapandi miðjumenn. Af hverju var ekki eytt fúlgu í svoleiðis kaup?

En til að fyrirbyggja allann misskilning mun Bent styrkja liðið. Ekki nokkur spurning. En leikmaður í sama klassa í annari stöðu á vellinum hefði aukið breiddina og styrkt liðið þar sem þar var veikt fyrir... og fyrir þá sem ætla að segja að Mido hafi verið veikasti hlekkurinn í liðinu vill ég meina að það hafi kannski alveg þurft að grípa til svo stórtækra aðgerða við að finna backup fyrir Berbatov.

En það þarf ekki meira til en að Berbatov meiðist illa (guð forði okkur frá því) og þá er þessi færsla öll orðin mjög heimskuleg. Ég vill líka taka það fram að mér líkar ekkert illa við Bent og tek sáttur á móti honum, þessari færslu var beint í átt að stjórn félagsins en ekki beint gegn Bent sem leikmanni.

Það besta við þessi kaup er þó vafalaust það að nú þurfa menn ekki sjá það í öllum tölfræðiupplýsingum um Spurs að dýrasti leikmaðurinn sem Spurs hefur keypt sé Sergei Rebrov. Nú þarf maður ekki að roðna niður í tær þegar maður er spurður að því hvað sé dýrasti leikmaður sem Spurs hefur keypt.

Héðan í frá mun ég fjalla um Bent og komu hans á jákvæðann hátt og býð hann velkominn og óska honum góðs gengis.

Nú vill ég ekki sjá nein stórkaup í viðbót. Í mesta lagi unga efnilega leikmenn fyrir lítinn pening.

Bent að koma?

2007-06-22T23:00:00.000Z

Nú er slúðrað svo mikið um að Bent sé á leiðinni til okkar fyrir 16 m/p að manni stendur ekki á sama. Í mínum huga getur koma Bent þýtt tvennt. Við erum að fara missa Berbatov, eða ráðamenn hjá Spurs hafa misst vitið. Það er svo sem gott og blessað að fá góðann "stórann" sóknarmann. Mido er líklega á förum þannig að okkur vantar einn stórann.

Nú á Spurs nóg af seðlum og getur leyft sér að kaupa góða menn í þær stöður sem okkur vantar í. Meira að segja gætum við eytt allt upp í 6 m/p í stórann sóknarmann. Það eru mjög miklir peningar, en það myndi lýsa metnaði félagsins að kaupa svo dýrann leikmann. Þegar við förum hinnsvegar að eyða 16 m/p í leikmann lýsir það bara heimsku... Nema eins og ég segi að Berbatov sé á förum. Þá eru þessi kaup skiljanleg.

Nú kunna margir að vera að hugsa að ég sé búinn að missa það. "Af hverju er það slæmt að kaupa leikmann í gæðaklassa, sem hefur skorað 31 mark í 68 deildarleikjum? Berbatov og Bent væri frábært dúó"

Svarið við þessu er einfalt. Bent er vissulega frábær leikmaður og ég tel komu hans ekki slæmt mál af því að mér finnst hann ekki nógu góður, alls ekki hann er frábær. En málið er að við þurfum að laga vandamálin. Sóknin er engin vandræðastaða hjá okkur. Berbatov og Keane eru frábært par sem mér finnst að eigi að fá að þróa samvinnu sína. Þá vantar okkur backup fyrir þá tvo. Við eigum Defoe sem backup fyrir Keane og það er ágætis backup. En eigum við að fara kaupa leikmann fyrir 16 mills sem backup fyrir Berbatov? Ég held ekki. Ef við þurfum nauðsynlega að eyða 16 mills ættum við að kaupa mann sem myndi virkilega styrkja stöðuna sem hann spilar í. Hvað með að kaupa mann sem spilar helminginn af tímabilinu á móti King á meðan hann er meiddur? Það var vandamál í fyrra og það er meiri þörf á að leysa það vandamál en sóknina. Nú eða eyða góðri summu í vinstri vængmann (ef að Bale á að spila LB).

Okkur vantar tilfinnanlega menn fyrir aftan sóknina sem geta skapað færi fyrir sóknarmennina. Það er vandamál sem mætti eyða 16 m/p í að leysa.

Ég vona þó svo innilega að ef að Bent komi sé það vegna vitleysisgangs en ekki vegna þess að Berbatov sé að fara. Ég gæti ekki höndlað það.

Silly season orðið of silly?

2007-06-07T22:15:00.000Z

Venjulega hefur silly season (sumartíminn, þegar slúðurblöð bendla alla við okkur og alla okkar menn frá okkur) verið í miklu uppáhaldi hjá mér. Mér hefur fundist gaman að vellta mér uppúr slúðrinu og bíða spenntur eftir hvort umræddur komi eða ekki.

Nú er eitthvað breytt. Það gæti verið að ég sé orðinn raunsærri eða þá að pressan sé búin að missa sig. Kaboul, Figo, Giggs, Petrov, Bent, Gamst og fleirri og fleirri eru sagðir vera á leiðinni til okkar. Berbatov, Defoe, Chimbonda, THUDD og fleirri eru sagðir vera á förum. Þetta er svosem í lagi. Svona hefur þetta alltaf verið (kannski fullmargir leikmenn nefndir?). En það sem mér finnst vera öðruvísi núna er að það eru engar einhliða fréttir. Í fyrra dag var t.d NewsNow alveg stórfurðuleg. Berbatov hafði þá látið hafa eftir sér að það væri Man U. væri skemmtilegt lið með nokkrum skemmtilegum leikmönnum sem hann væri til í að spila með. En hann væri þó ekkert á förum þar sem honum liði vel hjá Spurs og allir væru svo næs og bla bla. Þá var c.a önnur hver frétt á þá leið að Berbatov væri að sárbiðja Sir Alex um að fá að koma og þær fréttir sem voru á milli voru á þá leið að Berbatov væri ekki á förum frá félaginu. Allt út frá sama viðtalinu.

Þetta er komið algjörlega út í vitleysu að mínu viti. Ég bið frekar um þá tíma þegar slúðurblöðin höfðu eitthvað eftir heimildarmönnum sínum úr innstu röð félagana (sem var í næstum öllum tilfellum rugl). Það var gott slúður. Ég segi ekki að ég fari að fylgjast með tottenhamhotspur.uk til að fá fréttirnar (menn þurfa minnst að spila 10 leiki fyrir Spurs áður en sú síða staðfestir að þeir séu komnir til félagsins) en ég mun allavega draga úr því að lesa slúðurfréttirnar. Þar til þær fara að batna og verða að alvöru slúðri en ekki bara túlkun og mistúlkun á einhverjum orðum á blaðamannafundum.

Annars bíð ég alltaf eftir fréttum af Mido. Ég var svo viss um að hann yrði seldur um leið og tímabilinu myndi ljúka, en eitthvað er lítið verið að bendla hann við önnur lið.

uppgjör, Tölfræði

2007-05-28T15:46:00.001Z

Þá er það síðasti pósturinn í uppgjöri tímabilsins. Ég ætla að grúska svolítið í tölfræði. Ég nota tölfræðiupplýsingar frá hinum ýmsu síðum og er þetta allt skrifað með fyrirvara um að tölfræðiupplýsingarnar eiga það til að vera misjafnar. Ég ætla ekki að byrta tölfræði eins og flestar aðrar síður gera heldur ætla ég einungis að byrta þá tölfræði sem mér finnst skemmtileg/áhugaverð og skrifa kannski eitthvað í kringum þessa tölfræði.

Þær síður sem ég mun nota við þetta eru BBC, Sky, Soccernet, Jim Duncan, Paul Smith, Tottenhamhotspurs.uk, Spurs.is, Premierleague.com, Uefa.com, SpursMad, NewsNow. Ef þið viljið finna almenna tölfræði eins og leikir spilaðir, mörk skoruð, felstar stoðsendingar, gul spjöld ofl. er það allt að finna inná þessum síðum.

Spilaðir leikir.
Robinson 54 leikir allir í byrjunarliði.

Dawson 58 leikir þar af 57 í byrjunarliði.
King 27 leikir allir í byrjunarliði

Defoe 49 leikir 29 í byrjunarliði
Keane 44 leikir 31 í byrjunarliði.

Það sem er athyglisvert við þetta er að það fór aðeins einn leikur fram hjá Spurs þar sem Dawson kom ekkert við sögu... BARA EINN LEIKUR ÁN DAWSON!!! Við fengum Dawson á lítinn pening á sínum tíma sökum þess hversu lítið hann gat spilað sökum meiðsla. Það kemur skemmtilega á óvart að Dawson er sá leikmaður í ensku deildinni sem spilaði flesta leiki í byrjunarliði í öllum keppnum, á eftir Frank Lampard.

Ástæaða þess að ég setti Robbo þarna inn er sú að hann var sá sem kom næst Dawson í leikjum spiluðum.

Eins og sást á í póstinum Uppgjör Bestu... fyrir stuttu kaus ég Ledley King sem vonbrigði ársins. Ástæðan: mikil meiðsli. King spilaði aðeins 27 leiki á tímabilinu, sem er það sama og hann spilaði í fyrra. Málið er hinsvegar að í fyrra spilaði hann 67,5 prósent leikjanna. Í ár spilaði hann tæp 46% leikjanna. HANN VAR MEIDDUR Í YFIR HELMING ÞEIRRA LEIKJA SEM VIÐ SPILUÐUM!!!! Þetta er sláandi og ekki hægt að túlka þetta öðruvísi en sem vonbrigði. Það er enginn vafi á því að King er hæfileikaríkasti varnarmaður okkar. En þegar hann er ekki til staðar í yfir helming leikja okkar er ekki hægt að tala um hann sem mikilvægasta varnarmann okkar. En það er ekki út í neinn að sakast, sumir eru bara óheppnir með meiðsli. Við vonum bara að hann nái góðu tímabili næst. Ef það gerist aukast líkurnar á betri árangri töluvert.

Ástæða þess að ég byrti tölfræðina yfir Keane og Defoe er sú að mér finnst ansi merkilegt að Keane hafi einungis byrjað inná í tveimur leikjum fleirri en Defoe og að Defoe hafi allt í allt spilað fleirri leiki en Keane. Þrátt fyrir þessa tölfræði er Defoe enn einusinni sagður vera á förum frá félaginu. Hvað þaf Defoe að spila marga leiki svo pressan hætti að smjatta á þessari sömu frétt í hverjum einasta leikmannaglugga?

Framherjarnir
Í fyrra vor voru stuðningsmenn óhræddir að láta í ljós skoðun sína á Mido. Margir vildu sjá hann í burtu frá félaginu sökum þess hversu slakur hann var seinni hluta tímabils. Þeim mönnum varð tímabundið að ósk sinni þegar Mido fór í nokkra mánuði aftur til Roma. Við vorum hinsvegar 2 eða 3 sem vildum endilega hafa Mido áfram. Ég skrifaði m.a þetta eftir leiktíðina í þeim tilgangi að fá fleirri í lið með okkur sem vildum halda honum. Hvað haldið þið? Sicknote ætlar að endurtaka leikinn (nú reyndar meira í gríni en alvöru, þó tölfræðin sé rétt)

Nú ætla ég að byrta tölfræði yfir þá framherja sem spiluðu í hlutfallslega flestum sigurleikjum.
1)Mido - 62% (52%)
2)Keane - 56% (52%)
3)Berbatov - 50% (49%)
4)Defoe-48% (51%)

Á þessu sést að liðið sigraði í 62% tilfella sem Mido byrjaði inná. Einnig sést að ef teknir eru með í reikninginn þeir leikir sem hann kom inná líka er hann enn á topnum (ásamt Keane). Það er því nokkuð ljóst að við sigruðum hlutfallslega flesta leikina þegar Mido kom við sögu. Ég er í rauninni búinn að finna fleirri leiðir til að koma Mido á toppinn en ég nenni ekki að tapa mér í einhverri vitleysu. En þessi tölfræði finnst mér þó skemmtileg.

Að öllu mikilvægari tölfræði. Nú er það hvaða framherji skoraði mest per. leik. Ath. Þetta er bara meðaltal, deili einfaldlega fjölda marka niður á spilaða leiki.

1) Keane 22 mörk í 44 leikjum = Skoraði að meðaltali í 50% leikjanna sinna.
2) Berbatov 23 mörk í 49 leikjum = Skoraði að meðaltali í 47% leikjanna.
3) Defoe 18 mörk í 49 leikjum = Skoraði að meðaltali í 37% leikjanna.
4) Mido 5 mörk í 23 leikjum = Skoraði að meðaltali í 22% leikjanna.

Svo er það tölfræðin yfir framherjapörin. Ég ætla að láta Mido vera fyrir utan þetta enda nennir enginn að hlusta á að Mido og t.d Keane hafi verið besta framherjaparið. Tölfræðin nær bara yfir þau framherjör sem byrjuðu saman.

Berbatov - Keane (25 leikir)
Sigrar 15
Jafnt 4
Tap 6
(Markatala 42-31)

Berbatov - Defoe (18 leikir)
Sigrar 9
Jafnt 7
Tap 2
(markatala 34-28)

Ég held að ég útnefni Berbatov - Keane sem besta framherjaparið. Það par var með betra sigurhlutfall (60% gegn 50%), og fleirri stig per. leik (1,96 stig í leik gegn 1,89) . Auk þess skoruðu Keane (15) og Berbatov (11) 26 mörk þegar þeir spiluðu saman. Berbatov (9) og Defoe (10) skoruðu 19 mörk samanlagt. En það má ekki miklu muna á þessum tveimur pörum svona á tölfræðinni. En upplifun mín á tímabilinu hefur verið að Berbatov - Keane sé án efa okkar sterkasta par.

Ef við skiptum leiknum upp í sex 15 mínútna kafla lítur markaskorunin svona út í ensku deildinni:

Ef við höldum okkur við markaskorun liðsins í PL þá er einnig merkilegt að við skoruðum ekki eitt einasta mark í september mánuði.

Við unnum 11 af 17 leikjum okkar með eins marks mun. Við töpuðum hinsvegar 3 leikjum af 12 með meira en tveggja marka mun.

Að lokum.
Því miður eru tölfræðiupplýsingarnar sem ég gat fundið hvergi nærri nógu ýtarlegar. Ég var spenntastur fyrir því að bera saman tölfræði Carricks, Davids, Tainio og Zokora en því miður finn ég hvergi tölfræði yfir tæklingar þeirra, sendingar eða neitt slíkt. Ef einhver lumar á þeirri tölfræði væri hún vel þegin.

Svo koma hérna þrjár spurningar í lokin sem þið getið giskað giskað á svörinn við.

1) Dawson byrjaði inná í öllum leikjum tímabilsins nema tveimur. Hann kom inná sem varamaður gegn MK Dons. Spurningin er þá: Í hvaða leik á tímabilinu kom Dawson ekkert við sögu?

2) Hvaða leikmaður var oftast allra leikmanna Spurs dæmdur brotlegur (ekki spurning um gul eða rauð spjöld heldur hver braut oftast af sér)?

3) Hverjir voru keyptir og seldir í Janúarglugganum?

Gareth Bale kominn

2007-05-26T12:10:00.000Z

Jæja þá býður maður nýjann leikmann Spurs velkominn í hópinn. Við vorum að kaupa Gareth Bale frá Southampton (Saints). Kaupverðið er talið geta orðið allt að 10 m/p eftir árangri hans með liðinu. Hann er einungis 17 ára og var fastamaður hjá Saints á síðasta tímabili auk þess að eiga tvo landsleiki að baki með Wales. Nú keppast menn eins og Ryan Giggs, Redknapp og fleirri við að lofa manninn og segja að við höfum landað stjörnu. Ég skrifaði póst í vetur þar sem ég kallaði hugsanleg kaup á honum í janúar vitleysu. En hefur skoðun mín breyst?

Ég er eiginlega á báðum áttum hvort ég sé ánægður með kaupin. Okkur vantar ekki vinstri bakvörð að mínu viti. Við höfum Lee, Ekotto og Dervite til að leysa þá stöðu og mér finnst það í sjálfu sér nóg (veit að margir eru ósammála mér þarna). Síðasti varnarmaður sem við keyptum frá Saints var Dean Richards sem kostaði þá 8 m/p sem var líklega meiri pengur fyrir leikmann í þá daga en hann telst í dag.

Mér finnst alltaf mjög hæpið að kaupa unga leikmenn sem eru ágætir og segja "hann er bara 17 ára". Það er ekkert lögmál að menn bæti sig með tímanum. Ég man fyrir svona 3 árum hömuðust Liverpoolmenn við að segja mér hversu björt framtíðin væri hjá þeim. Þeir væru með Markmann eins og Cris Kirkland sem væri einn efnilegasti markvörður sem England hefði alið. Einnig væru þeir með Paul Welsh og fleirri unga leikmenn sem myndu komast í byrjunarliðið hjá flestum liðum í úrvalsdeildinni. Fyrir c.a 7 árum var hjá okkur leikmaður að nafni Anthony Gardner sem var ekki orðinn tvítugur og var farinn að spila nokkra leiki sem byrjunarliðsmaður. Hann var að spila með yngri landsliðum Englands og fékk meira að segja tækifæri með A landsliði Englands. Það vantaði ekki lofyrðin á þennann mann hjá okkur Spursurum, og sögusagnir um mettilboð í hann komu með reglulegu millibili. Málið er bara að það felst alltaf áhætta í að kaupa unga leikmenn. Stundum borgar áhættan sig og leikmenn verða betri og betri. Stundum standa þessir leikmenn ekki undir væntingum. Þess vegna er ég svolítið efins með að vera borga svona mikið fyrir svona ungann leikmann, því þetta er jú áhættufjárfesting. Ef hún borgar sig þurfum við samt að borga Saints hluta af verði leikmannsins ef hann verður seldur. Það er fínn díll fyrir annann aðilann.

Á hinn bóginn má benda á að Jol er enginn vitleysingur þegar kemur að því að meta unga leikmenn. Það virðast allir sem eitthvað þekkja til Bale vera sammála um að hann er með hausinn í lagi. Hann þykir víst líka skuggalega góður þó hann sé aðeins 17 ára. Ég held að Jol hafi heldur ekki endilega verið að kaupa vinstri bakvörð heldur vinstri vængmann. Það er svo bara staðreynd að það er erfitt að finna góðann örfættann leikmann í dag. Þeir leikmenn eru því orðnir mjög eftirsóttir. Það er ekki eins og við höfum úr mörgum örfættum leikmönnum að velja þegar kemur að því að velja mann í vinstri vænginn. Mér skilst að við höfum borgað 5 m/p út og svo eiga Saints möguleika á 5 m/p ef hann stendur sig hjá Spurs. Með þessu erum við búnir að takmarka áhættuna að nokkru leiti.

Þannig að ég er ekki viss um þessi kaup. Ég læt að sjálfsögðu félagið njóta vafans og fagna komu hans. Leikmaðurinn á hið minnsta skilið tækifæri til að sanna sig, og það gef ég honum. Ég er því bara nokkuð sáttur.

Ps'
Ég er enn að vinna í póstinum um tölfræði leikmanna. Það tekur töluvert lengri tíma en ég bjóst við þar sem ég þarf að mestu leiti að reikna tölfræðina sjálfur sem ég vill finna. En af því sem komið er er margt sem kemur á óvart.

Þjóðarskömmin

2007-05-20T21:23:00.000Z

Var að kíkja á spursspjallið eins og venjan er á hverjum degi. Þá rifjaðist upp fyrir mér að ég ætlaði alltaf að skrifa póst sem ég hafði svo trassað og gleymt. Hérna kemur þessi póstur.

Mér finnst Björk leiðinleg söngkona, en mér finnst frábært að hún sé að gera góða hluti um allann heim og vona að henni gangi sem allra best. Ég gef heldur ekki mikið fyrir tónlist Nylon, Sigurrós eða Garðars Thors, en vona að þeim gangi sem allra best. Ég hef lítinn áhuga á sundi, en finnst frábært þegar Örn Arnarson vinnur stórmót. Ég þoli ekki golf, en vona að Birgir Leifur nái að festa sig í sessi á stórmótum. Ég fylgist lítið eitt með handbolta, en er rígmontinn af handboltamönnum okkar eins og Óla Stef., Guðjóni Val, Róberti Gunnarssyni og fleirrum. Ég vona líka að þeim gangi allt í haginn á komandi árum. Ég læt ófeiminn stuðning minn við allt þetta fólk í ljós hér og nú.

Af þeim ástæðum skil ég ekki af hverju svona margir horfa með fyrirlytningu á fólk sem studdi Stoke eða styður West Ham eða styður Eið Smára. Ég held að það viti allir hvað ég á við. Ef menn byrja að styðja lið vegna þess að íslendingur tengist því á einhvern hátt eru þeir litnir hornauga. Það er eins og það sé einhver landlæg skömm fólgin í því að styðja landa sína. Meira að segja þegar þú ferð á landsleik í fótbolta færðu fyrirlytningaglottið ef þú gerir tilraun til að öskra og hvetja liðið. En Íslendingar eiga í litlum vandræðum með að fara á völlinn á Englandi að styðja sitt lið í PL. Er það virkilega svona ömurlegt að styðja við bakið á löndum sínum? Er þjóðarskömmin svona svakaleg?

Ég að sjálfsögðu get aldrei snúið bakinu við Tottenham. En ég vona að West Ham gangi vel á meðan Eggert og félagar eru við völd. Ef krakkar velja ekki að styðja Spurs vona ég innilega að þeir velji að fylgja West Ham að málum. Þá menn sem studdu Chelsea á meðan Eiður var þar hvet ég til að styðja West Ham vilji þeir ekki styðja Spurs.

Á meðan þjóðarskömmin er svona svakaleg lít ég upp til þeirra sem þora að segja "Ég styð Eið" eða "Ég styð West Ham" þrátt fyrir alla þá vanþóknun sem aðrir kunna að sýna þeim fyrir að sýna samstöðu með löndum sínum. Ég lít líka upp til þeirra sem þora að styðja Íslenska landsliðið í fótbolta með því að standa upp og öskra sig hása þrátt fyrir augngoturnar.

Maður velltir svo líka fyrir sér hvaða ástæða fyrir að halda með klúbb gerir mann gjaldgengann sem stuðningsmann. Ég hef margoft lýst því að ég byrjaði að halda með Spurs þegar Klinsman kom til Spurs. Af viðbrögðunum að dæma virðist það vera góð og gjaldgeng ástæða, allavega hef ég sloppið við fyrilytningarsvip við þessa fullyrðingu mína. En er þessi ástæða eitthvað verri en að byrja að halda með liði því Eiður spilar með því eða af því að Eggert og félagar keyptu lið? Ef ég reyni að skilja þennann hugsunarhátt myndi ég jafnvel telja það betri ástæðu en mína. Ég get því ekki skilið þetta á annann hátt en að þjóðarskömmin sé að svo svakaleg.

Nú dýrka Argentínumenn Maradonna og Brasilíumenn Pele og þar fram eftir götunum. Þetta eru stærstu stjörnur þessara landa. En á Íslandi virðist það vera að því betri sem leikmaðurinn er því meiri fyrirlytningu hljóta þeir sem styðja hann. Sjáum t,d Eið. Stuðningsmenn Eiðs hafa alltaf verið litnir hornauga. En stuðningsmenn Charlton eða Reading hafa sloppið betur sökum þess að Íslendingarnir sem spila þar eru ekki jafn áberandi og eru þ.a.l okkur ekki jafn mikið til skammar. Eggert er nú mjög áberandi og um leið eru stuðningsmenn West Ham á Íslandi litnir hornauga á sama hátt og stuðningsmenn Eiðs/Chelsea voru litnir hornauga.

Á sama hátt og biblían segir "Ég er drottinn guð þinn þú skalt eigi aðra guði hafa" (sko maður lærði eitthvað í fermingafræðsluni í denn), mun aðeins eitt lið rúmast í hjarta mínu og það er Tottenham Hotspur.

Uppgjör... Tímabilið

2007-05-19T23:45:00.002Z

Jæja nú þegar tímabilið er á enda er rétt að gera upp tímabilið. Þetta er líklega mikilvægasti pósturinn sem komið hefur á inn á þessa síðu hingað til. Ástæða þess að ég segi það er vegna þess að það sem ég sé mest eftir af þeim póstum sem glötuðust við hökkun spjallborðs Spurs.is eru uppgjörspóstarnir eftir tímabilið. Svona einn þráður sem coverar allt tímabilið frá sjónarhorni aðdáanda.

Fyrir tímabilið var ljóst að við myndum vera án Michael Carrick sem gekk í raðir Man. U. Það var öllum ljóst að það var mikill missir af þessum frábæra leikmanni. En þetta var eini alvöru leikmaðurinn sem við misstum.

Við fengum hinsvegar marga alvöru leikmenn í staðinn. Dimitar Berbatov gekk til liðs við okkur í sumar. Það vissu um leið allir að þar var kominn frábær leikmaður. Í hreinskilni sagt held ég þó að ekki nokkur maður hafi leyft sér að vona að hann yrði eins góður og raunin hefur orðið. Hann var frábær hjá Leverkusen en enska deildin er bara allt annað og við höfum séð það alltof oft að leikmenn sem þykja góðir í utan Englands hafa átt erfitt með að fóta sig í ensku deildinni.

Við fengum einnig Pascal Chimbonda í hægri bakvörðinn. Það efaðist enginn um að hann myndi styrkja liðið þar sem hann var valinn í úrvalslið PL tímabilið áður. Það kom allavega mér á óvart hversu fljótur hann var að aðlagast liðinu.

Didier Zokora var annar leikmaður sem kom til okkar í sumar. Væntingarnar til þessa manns voru gífulegar eftir að hann hafði staðið sig stórkostlega í HM í þýskalandi um sumarið. Það tók hann hinsvegar langann tíma að aðlagast liðinu/Landinu/Deildinni. Það var ekki fyrr en í febrúar sem hann fór að sýna sitt rétta andlit og rúmlega það.

Steed Malbranque var svo fjórða stjarnan sem kom til okkar í haust. Það voru skiptar skoðanir meðal stuðningsmanna Spurs um hann en flestir voru þó sammála um að hann var skárri en þeir leikmenn sem höfðu barist um stöðu vinstri vængmanns.

Einnig kom til okkar ungur vinstri bakvörður frá Frakklandi að nafni Ekotto sem átti að veita Lee samkeppni. Fæstir bjuggust við einhverju stórkostlegu frá þessum leikmanni en töldu hann þó ágætis viðbót.

Þrátt fyrir að Carrick hafi farið voru þó flestir á því að liðið væri sterkara en það var vegna tilkomu þessara nýju leikmanna. Væntingar manna byggðust þar af leiðandi af árangri síðasta tímabils og tilkomu nokkurra heimsklassa leikmanna. Margir voru farnir að sjá fram á nýtt glory tímabil Spurs þar sem þeir myndu sigra England og Evrópu á einu bretti. Það var svo ekki til að draga úr væntingum manna að við fórum taplausir gegnum undirbúningstímabilið þrátt fyrir að nánast allir okkar bestu menn væru enn í sumarfríi vegna HM.

Premier League
Fyrsti leikur tímabilsins var því eins köld tuska framan í yfirspennta og stórhuga aðdáendur. Leikur okkar við Bolton var hreint út sagt ömurlegur á að horfa og veittum við þeim enga mótspyrnu. 4 stig úr fyrstu 6 leikjunum var því ansi hörð lending fyrir vel flesta stuðningsmenn og voru menn strax farnir að snúa baki við Martin Jol og farnir að velta fyrir sér framtíð hans.

Oktober mánuður byrjaði þó á öðrum sigri vetrarins þegar við unnum Portsmouth á heimavelli með einu umdeildasta atviki vetrarins þegar Zokora lét sig falla í vítateig andstæðinganna. Við fórum taplausir gegnum þann mánuð og það sem meira var að við vorum strax búnir að stórbæta árangurinn í CC bikarnum með 0-5 sigri á MK Dons.

Ef oktober byrjaði vel þá byrjaði Nóvember stórkostlega. Eftir að hafa unnið Club Brugge 3-1 í byrjun Nóvember komu Chelsea í heimsókn. Það þarf vart að fjölyrða um þann leik þar sem leikurinn þar sem við loksins unnum eitt af stóruliðunum mun vera greyptur í huga manna næstu árin. Mánuðurinn var líka ágætur að örðu leiti aðeins eitt tap leit dagsins ljós það sem af lifði mánaðarins. Þessi mánuður er einnig minnistæður fyrir þær sakir að það fæddist stjarna á WHL. Ungur og efnilegur leikmaður að nafni Tom Huddlestone fékk nokkur tækifæri með aðalliðinu sökum meiðsla Jenas og Tainio.

Eins og síðustu tveir mánuðir höfðu byrjað vel var byrjunin á annars ágætis desembermánuði sú ömurlegasta sem hugsast gat. 3-0 tap fyrir erkiféndunum í Arsenal var meira en menn sættu sig við. Annars samanstóð desember mánuður af 4 sigrum og 3 tapleikjum.

Það er þó óhætt að segja að leikurinn gegn Aston Villa á annann í jólum hafi markað tímamót á þessu tímabili. Við þurftum að bíða í 57 daga eftir næsta sigri í deildinni og það var meira en menn sættu sig við. Ansi margir stuðningsmenn höfðu misst trúnna á liðið, leikmenn og þjálfara.

Þó svo að ég hafi reynt að vera bjartsýnn í lægðinni (mörgum til ama) verð ég að viðurkenna að þessi lægð tók svolítið á mann. Einhvernveginn innst inni vissi ég þó að þetta var tímabundið ástand og að liðið myndi sýna mátt sinn á ný. Það var svo raunin. Eftir að hafa tapað 0-4 gegn Man U. og 2-1 gegn Sheffield var botninum náð. Leikmenn tóku sig heldur betur á og unnu hvern leikinn á fætur öðrum og skoraði endalaust af mörkum. Næstu 8 leikir samanstóðu af 7 sigrum og einu jafntefli gegn Englandsmeisturum Chelsea á útivelli.

Nú voru menn aftur orðnir bjartsýnir og þeir bjartsýnustu jafnvel farnir að gjóa augunum að meistaradeildarsæti. Þeir raunhæfu stilltu væntingunum í hóf og vonuðust eftir að komast í Uefa Cup annað árið í röð.

Undir lok aprílmánaðar var ljóst að CL væri ekki lengur möguleiki og þegar kom að lokaleiknum var staðan þannig að við þurftum hið minnsta jafntefli til að tryggja okkur í Uefa Cup og með sigri okkar og tapi eða jafntelfi Everton áttum við von á að jafna árangurinn frá því í fyrra hvað deildarkeppnina varðar með að ná 5. sæti. Og draumurinn rættist. Everton gerði jafntefli í síðasta leik sínum á meðan við sigruðum Man City 2-1, og 5. sætið því okkar.

Uefa Cup
Eftir lélegann árangur utan deildarkeppninar í fyrra, slaka byrjun tímabilsins og eftirvæntingar vorum við aðdáendur Spurs á nálum yfir þessari keppni. Við höfðum mátt bíða í allnokkurn tíma eftir að fá að sjá Spurs keppa við lið utan Englands og því var óttablandin spenna eftir þessari keppni. Við drógumst í forkeppninni gegn Slavia Prague og fyrsti leikurinn á útivelli. Við höfðum ekki unnið leik hvað þá skorað mark í Uefa frá því Gordon Durie skoraði árið 1991. Við fengum hinsvegar að sjá Jenas skora glæsilegt mark sem tryggði okkur sextugasta sigur okkar í Uefa í hundraðasta leiknum okkar í þeirri keppni. Hálfum mánuði seinna tryggðum við okkur þáttökurétt í riðlakeppninni með 1-0 sigri og samanlagt 2-0 sigri á Slavia Prague.

Það leit ekki vel út fyrir okkur að margra mati þegar uppröðun leikja var tilkynnt í riðlakeppninni. Við áttum að spila útileik við Besiktas í fyrstu umferð sem menn óttuðust mjög, einnig var útileikur gegn Leverkusen sem lagðist misjafnlega í menn. Ekki hjálpaði það til að á þessum tímapunkti vorum við í lægð og strögluðum í 14-17 sæti. En það var eins og leikmenn fengju auka kraft og viljastyrk þegar þeir spiluðu í Uefa. Við þutum í gegnum riðlakeppnina með fullt hús stiga og í flestum ef ekki öllum leikjunum unnum við verðskuldaða sigra. Eftir riðlakeppnina var svo hefðbundið c.a tveggja mánaða hlé. En við vorum dregnir gegn Feyenoord í fyrstu umferð útsláttarkeppninar. Feyenoord var hinsvegar dæmt úr keppni fyrir ólæti áhorfenda í síðasta heimaleik sínum. Spurs var því sjálfkrafa komið í næstu umferð.

Andstæðingar okkar í fjórðu umferð Uefa var belgíska liðið FC Braga. Útileikurinn fór 2-3 fyrir okkur með tveimur mörkum frá Keane og einu frá Steed. Við unnum svo seinni leikinn með sömu markatölu 3-2 þar sem Berbatov skoraði tvennu og Steed eitt. Það lá því ljóst fyrir að við vorum að fara keppa við sigurvegara Uefa frá síðasta ári Sevilla. Hvort það hafi verið mikið leikjaálag samfara meiðslavandræðum eða hvort við mættum ofjörlum okkar er ekki gott að segja en fyrsta leiknum töpuðum við 2-1. Það má svo segja að Sevilla hafi gert útaf við vonir okkar á fyrstu 10 mínútunum í seinni leiknum. Þegar staðan var orðin 0-2. En okkar menn áttu þó hrós skilið því okkur tókst að jafna leikinn með mörkum frá Defoe og Lennon. En lengra komumst við ekki.

Frammistaða okkar í þessari keppni er samt sem áður frábær. Auðvitað var maður farinn að dreyma um úrslitaleikinn og jafnvel sigur en árangurinn er engu að síður frábær.

Bikarkepnnirnar.
Það þurfti svo sem ekkert kraftaverk til að bæta árangur okkar í bikarkeppnunum frá síðasta tímabili. En við bættum árangurinn heldur betur mikið.
Þeir eru nokkrir sem halda því fram að næst besti eða þriðjibesti árangur sem lið getur náð í bikarkeppnum sé að detta út í fyrstu umferð. En það finnst mér alröng hugsun. Þvert á móti finnst mér það stolltsins vegna mikilvægara komast sem lengst í þessari keppni.

CC. Bikarkeppnin
Fyrsti leikur okkar var gegn annaradeildarliðinu MK Dons. Þó leikurinn hafi ekki verið sýndur var töluverð eftirvænting hjá stuðningsmönnum. Þetta var fyrsti bikarleikurinn á tímabilinu og með því einu að sigra þann leik höfðum við þá þegar átt betra bikarár en tímabilið áður. En við gerðum gott betur. Við unnum stærsta sigur okkar í tvö ár. Mk Dons 0 - Spurs 5. Við slóum svo út hvert neðrideildarliðið á fætur öðru og þar á meðal Southend sem hafði slegið Man U. út í umferðinni áður. Það var ekki fyrr en í undanúrslitum að við mættum erkiféndunum í Arsenal að við duttum út. Úrslitin réðust í framlengingu í seinni hálfleik, og þó að það hafi auðvitað verið sárt að tapa fyrir þeim gátum við borið höfuðið hátt. Þetta var okkar besta framistaða frá tímabilinu 2001-02.

FA Cup
Ekki var þáttaka okkar í FA mikið verri. Líkt og í C.C þurftum við aðeins einn sigur til að toppa árangurinn frá því í fyrra. Þetta leit ekkert alltof vel út í fyrsta leiknum gegn Cardiff. Úrslitin 0-0 voru ekki þau sem stuðningsmenn óskuðu sér. En í seinni leiknum á heimavelli sýndum við styrk okkar og fórum áfram með 4-0 sigri sem hefði víst auðveldlega orðið stærri. Við mættum svo Southend í annað skiptið og unnum 3-1, svo unnum við Fulham 0-4. Næsti leikur í bikarnum var svo gegn Chelsea. Við mættum með vængbrotið lið sökum meiðsla og leikjaálags á heimavöll Chelsea en öllum að óvörum var staðan í hálfleik 1-3 fyrir Spurs. En sennilega sökum mikillar þreytu misstum við leikinn niður í jafntefli. Chelsea sló okkur svo út í seinnileiknum með 1-2 sigri. Á þessum tímapunkti var eins og áður sagði mikil meiðslavandræði og stutt á milli leikja. Árangur okkar í þessari keppni er frábær. Sérstaklega ef horft er til árangurs síðasta árs.

Það er ansi gaman að vellta sér uppúr því að í fyrra settum við vafasamt met með því að vera það úrvalsdeildarlið sem hafði spilað fæsta leiki á einu tímabili (40 leikir). Í ár spiluðum við við fleirri leiki en við höfum nokkurntíma gert frá stofnun PL (óstaðfest tölfræði). Við spiluðum samtals 59 leiki í öllum keppnum þetta tímabil. Persónulega finnst mér það full mikið. En ég myndi samt umfram allt vilja að við myndum spila fleirri leiki næsta tímabil. En kannski er raunhæfara og betra markmið að ná að vinna eina keppni en að komast langt í öllum.

Ég ætla að fara að grúska eitthvað í tölfræði næstu dagana, og reyna að finna einhverja skemmtilega tölfræði um leikmenn. Ekki endilega bara hverjir skoruðu mest og eitthvað svoleiðis heldur ætla ég aðeins dýpra í þetta og láta það vera loka póstinn í uppgjörinu.

Uppgjör, Bestu ....

2007-05-13T21:34:00.001Z

Nú er tímabilið á enda og þá þarf að gera það upp. Þetta er fyrsti pósturinn í uppgjörinu. Ég er búinn að búa til nokkrar svona spurningar um "bestu og verstu" í Spurs. Það væri gaman að sjá sem flesta svara þessum spurningum.

1.Besti leikmaðurinn: Berbatov er án nokkurs vafa í mínum huga besti leikmaður tímabilsins. Hann var t.a.m eini leikmaður Spurs sem komst í úrvalsliðið og er að mínu mati besti framherji deildarinnar.

2.Kom mest á óvart: Ég þarf að gera upp á milli Berbatov, Huddlestone og Robbinson. Sá síðast nefndi kom svolítið á óvart fyrir að hafa ekki staðið sig eins vel og hann getur. Berbatov kom mér mjög á óvart þó ég hafi alltaf vitað að hann væri góður leikmaður gerði ég mér grein fyrir því að fjöldinn allur af góðum leikmönnum kemur til Englands ár hvert en ná ekkert að sýna. Að Berbatov hafi strax á fyrsta tímabili sannað sig sem einn besti sóknarmaður deildarinnar ef ekki sá besti hefur komið mér á óvart. Ég held að ég láti þó Huddlestone fá viðurkenninguna þar sem ég bjóst ekki við neinu af honum. En hann varð á tímabili fastamaður í liðinu og stóð sig frábærlega.

3.Bestu kaupin: Berbatov, engin spurning.

4.Efnilegasti leikmaðurinn: Lennon er í mínum huga ekki lengur bara efnilegur heldur góður leikmaður. Ekotto og Dervite (sem mig grunar að verði hittari á næsta tímabili) eru líka efnilegir. Huddlestone er þó að mínu mati sá leikmaður sem gæti orðið gríðarlega stór stjarna með smá þjálfun. THUDD fær því mitt atkvæði.

5.Besta framistaðan í leik: Framistaða Chimbonda gegn Chelsea í nóvember er án nokkurs vafa besta framistaða leikmanns á tímabilinu. Jafnvel besta framistaða leikmanns Tottenham í áraraðir. Þegar menn fórna öllu fyrir félagið eiga menn hrós skilið. Fyrir utan það að hann var maður leiksins í stærsta sigri vetrarins þá spilaði hann leikinn meiddur og virtist ekki hlífa sér hið minnsta.

6.Vonbrigði vetrarins: Í mínum huga koma þrír leikmenn til greina. Robinson var lengi vel að spila langt undir væntingum en náði sér aðeins á strik seinni hlutann á tímabilinu. Einnig var ég fyrir nokkrum vonbrigðum með Mido. Hann á að geta svo miklu betur en hann sýndi. Það er svosem hægt að færa rök fyrir slæmu gengi hans, en ég var þó fyrir vonbrigðum. En sá sem ég var fyrir mestum vonbrigðum með var fyriliðinn Ledley King. Ég gerði mér vonir um að hann myndi vera kletturinn í vörninni í ár eftir mikil meiðsli á síðasta tímabili. En í raun var hann töluvert meira meiddur þetta tímabil en tímabilið á undann. Þó það sé ekki hægt að kenna honum persónulega um þetta þá var ég samt fyrir mestum vonbrigðum með hann.

7.Tilþrif vetrarins: Það er á nokkru að taka í þessum flokki, markið sem Robbo skoraði var auðvita eitt af tilþrifum vetrarins. Stoðsending Lennons með hælnum. Nánast hver einasta hreyfing Berbatov var tilþrif, en ég vel tilþrif tímabilsins atvikið þar sem Robbie Keane fór illa með hægri bakvörð Chelsea sem hafði haldið Ronaldinho niðri í síðasta leik sínum. Hann gjörsamlega sólaði hann upp úr skónum þar til þessi leikmaður (heitir eitthvað Boulanroux eða eitthvað) datt bara á rassinn og svo kom brilljant sending inn í teiginn frá Keano.

8.Baráttuhundur ársins: Nokkrir sem koma hérna til greina. Tainio, Chimbonda, Zokora og Dawson t.d. En Dawson vinnur þetta með nokkrum yfirburðum þó.

9.Mark vetrarins: Án nokkurs vafa mark Paul Robinson af 80 metra færi.

10.Markvarsla vetrarins: Robinson varði víti á tímabilinu. Ætli það verði ekki bara fyrir valinu.

11.Herra stöðugleiki: Dawson, man ekki eftir neinum leik þar sem hann var lélegur.

12.Herra óstöðugleiki: Að mínu mati er það Ghaly. Ghaly átti nokkra rosalega fína spretti í vetur en átti líka marga hörmulega leiki.

13.Vanmetnasti leikmaðurinn: Þeir sem hafa lesið síðuna í vetur ættu ekki að hrökkva við þegar ég segi að vanmetnasti leikmaðurinn sé Ekotto. Að mínu mati er þetta frábær leikmaður.

Liðið

14.Leikur ársins: Þetta er svona leikurinn sem stendur uppúr á tímabilinu, besta framistaða liðsins í vetur. Í mínum huga og eflaust margra annara er það leikur okkar gegn Chelsea í nóvember þegar okkur tókst loksins að vinna eitt af stórliðunum.

15.Skemmtilegasti leikurinn: Virkar kannski eins og sama spurningin og að ofan. Ég er samt að meina þetta öðruvísi, þó auðvitað gæti sami leikurinn hæft báðum þessum flokkum. Þetta er ekki endilega best spilaði leikur okkar á tímabilinu heldur bara út frá skemmtanagildi. Þó Chelsea leikurinn margumræddi komist vissulega nálægt þessu og allir evrópuleikirnir með tölu verð ég þó að velja leik okkar gegn West Ham í mars. Bæði lið spiluðu sókndjarft og skemmtilega og úrslitin 3-4 með marki Stalteri þegar 6 mínútur voru liðnar af uppbótartíma er líklega leikur sem ég á eftir að horfa á aftur.

16.Mesti karakterinn: Það er aftur um þessa tvo leiki að ræða leikinn gegn West Ham í mars og leikurinn gegn Chelsea í nóv. Ég held þó að leikurinn gegn Chelsea fái mitt atkvæði þarna.

17.Leiðinlegasti leikurinn: Frá sjónarhorni Spursara var leikurinn gegn Arsenal í des. sá leikur sem maður vill gleyma sem fyrst. En opnunarleikurinn gegn Bolton mun ég seint gleyma sama hvað ég reyni. Ég man varla eftir að hafa séð leiðinlegri leik. Bæði lið spiluðu ömurlega leiðinlegann bolta og ekkert að gerast milli marka.

5. Sætið er okkar!!!!

2007-05-13T17:36:00.000Z

Já við tryggðum okkur 5. sætið annað árið í röð. Þvílíkur endir á frábæru tímabili. Ég óska öllum Spursurum til hamingju með árangurinn sem var stórkostlegur... að lokum. Ég vona að næstu daga snúist umræðan um frábærann árangur okkar, en ekki um hvað þarf að bæta í sumar... allavega ekki núna strax eftir tímabilið. Það er nægur tími til að vellta sér upp úr vandamálunum á næstu mánuðum.

Ég bara varð að óska ykkur til hamingju með 5. sætið, í augnablikinu rignir uppí nefið á mér af stolti yfir frábæru gengi okkar manna. En vonandi næ ég að klára einn póst fyrir kvöldið, sem ég hendi inn.

lokaumferðin

2007-05-12T22:22:00.000Z

Jæja lokaumferðin á morgun. Staðan er svipuð og í fyrra, en þó ekki. Við eigum loka leikinn gegn svona miðlungsliði og getum tryggt okkur áframhaldandi evrópuþáttöku með jafntefli hið minnsta. Í ár stefnum við að 5. sætinu sem væri frábær árangur.

Menn kunna að segja sem svo að Man City ætti að verða auðveld bráð þar sem þeir hafa að engu að stefna. Ég held hinsvegar að Citymenn séu að fara mæta dýrvitlausir til leiks. Það eru ekkert lið sem er tilbúið að tapa lokaleiknum. Lokaleikurinn er álíka mikilvægur og 5 leikir á miðju tímabili, þá á ég við í hugum stuðningsmanna. Spáið í því hvað var til þess að við komumst ekki í CL í fyrra... Var það tapið gegn Bolton í nóvember? eða tapið gegn Fulham í lok janúar? Nei, var það ekki magakveisan og tapið í lokaleiknum gegn West Ham? Það eru töp og sigrar í loka leiknum sem skipta öllu máli. Það vill ekkert lið senda stuðningsmenn sína inn í sumarhléið með tap í lokaleiknum. Vinni City leikinn munu stuðningsmenn þeirra vera glaðir og fagna sigrinum. Vonbrigði yfir gengi þeirra í vetur verður ekki efst á baugi heldur frækinn sigur á stórliði Spurs. Þeir eiga von um að ná 12 sæti með sigri en 15 sæti með tapi. Þó svo að þetta sé ekki jafn háleitt markmið eins og stefna okkar á evrópukeppni er þetta næg ástæða fyrir þá til að mæta á WHL til að gefa allt í leikinn.

Ég býst því við að bæði lið munu gera sitt allra besta á morgun til að vinna leikinn. Ég á von á góðum leik þar sem bæði lið munu berjast til síðasta blóðdropa. Við munum hafa sigur að sjálfsögðu. Ég stilli þó væntingum mínum í hóf og vonast eftir evrópusæti. Endi leikurinn jafntefli og Everton tapi mun ég samt sem áður vera ánægður með liðið. Ég hef þó enga trú á að við séum að fara gera jafntefli á morgunn. Þetta verður sigur sama hvað menn tauta og raula yfir lokasprettinum undanfarin ár.

Það er annars að frétta að ég hef háleit markmið um að slútta tímabilinu með nokkrum póstum sem eru í vinnslu og mun því vonandi pósta inn nokkrum póstum á næstu dögum.

Catching up

2007-05-04T23:40:00.000Z

Enþá er allt vitlaust að gera í vinnunni og ég alveg að detta úr öllu sambandi við umheiminn og fótboltann. Náði samt að horfa á bróðurpartinn á móti Middlesbrough og var bara nokkuð sáttur. Við erum með betra lið en þeir, en þeir eru svo óútreiknanlegir að það koma engin úrslit á óvart lengur þegar þeir eiga í hlut. Þeir geta unnið besta lið deildarinnar sannfærandi en geta svo skíttapað í næsta leik á móti lélegasta liði deildarinnar.

Á loka kaflanum í mótinu finnst mér engu máli skipta hvernig leikur okkar er á að horfa. Úrslitin eru það eina sem skiptir máli. Spurs hefur orð á sér fyrir að klúðra hlutunum á síðustu metrum tímabilsins, þ.a.l er eina krafan sem ég geri til liðsins að við tryggjum okkur 7. sætið.

Þar sem ég fer út á land að vinna á mánudagsmorguninn og verð fram á föstudag mun ég missa af tveimur af 3 síðustu leikjum Spurs á tímabilinu. Mér finnst það ansi grátlegt og er mjög svekktur með það. Ég held að leikurinn gegn Charlton verði mjög erfiður. Þeir eru auðvitað í bullandi fallbaráttu og þá eru liðin oft illviðráðanleg. Það skemmtilega við þetta er þó að ég veit um tvo Arsenalmenn á ísl. sem munu vonast eftir sigri Spurs þar sem þeir styðja West Ham í fallbaráttunni. Ég vill meina að síðustu tveir leikirnir séu þó alfarið í okkar höndum. Við erum á heimavelli í báðum leikjunum. Man. City mun ekki vera undir neinni virkilegri pressu um að ná sigri í síðasta leiknum og vonandi mun staðan vera sú sama hjá Blackburn (þ.e ef þeir tapa gegn Newcastle um helgina). Draumurinn væri samt auðvitað að vinna rest. Þá er 5. sætið okkar og það er bara virkilega ásættanlegur árangur. En brennt barn forðast eldinn og ég sætti mig við sjöunda sætið.

Eins og ég segi mun ég horfa á leikinn gegn City og bind ég vonir við að vera hættur allri aukavinnu á þeim tíma og þá mun ég henda inn nokkrum góðum póstum.

Tottenham 2 - Arsenal 2

2007-04-21T13:54:00.000Z

Jæja loksins pósta ég aftur.

Íslenskir Spursáhangendur sem fóru á völlinn geta glaðst yfir úrslitum leiksins þó þetta sé ekki það sem menn vonuðust eftir. Við getum allavega glaðst yfir því að við stálum sigrinum af Arsenal. Þetta geta varla talist sanngjörn úrslit. Arsenal réð ferðinni nánast allann leikinn. Það skiptir svo sem engu máli, það sem skiptir máli eru úrslit leiksins. Annars lítið annað um leikinn að segja. Enginn leikmaður spilaði hörmulega og enginn að skara framúr í liðinu. Rocha kom mér svona helst á óvart. Átti svona von á að hann ætti erfitt með að spila vinstri bakvörðinn en hann var þó sæmilegur. Robbie Keane var frábær framan af en greinilegt þegar líða tók á leikinn að hann væri ekki í 100% formi, enda var jafnvel ekki búist við að hann yrði leikfær í dag.

Við erum enn í góðri stöðu til að ná 7. sæti sem er klárlega markmið liðsins. Við erum tæknilega líka með í baráttunni um meistaradeildarsætið þó það sé svona frekar langsótt.

Undanfarnir leikir valda mér samt smá hugarangri. Eftir að hafa rifið okkur all svakalega úr lægðinni í febrúar (unnum 7 af 8 leikjum okkar) höfum við aðeins verið að dala. Orðspor Spurs um að klúðra alltaf málunum undir lok tímabilsins er réttlætanlegt. Nú höfum við aðeins sigrað einn leik af síðustu 7. Ég vill ekki ganga svo langt að segja að við séum dottnir aftur niður í lægð, því við höfum verið að spila ágætlega og verið í nokkrum meiðslavandræðum og andstæðingarnir verið heilt yfir sterkir. En þetta er vissulega eitthvað sem leikmenn og þjálfari þurfa að hugsa um.

Ég bið enn og aftur afsökunar á litlum afköstum hérna. Ég er að fara kaupa íbúð á næstunni og er að vinna eins og skeppna. Ég reyni enn að horfa á leiki og fylgjast með fréttum um Spurs og ætla mér að taka góða törn í skrifum áður en tímabilinu líkur.

Evrópudraumurinn á enda.

2007-04-13T19:29:00.000Z

Það var vissulega erfitt að horfa á okkur detta úr evrópukeppninni í gær. En í dag er nýr dagur og nú fagnar maður glæsilegum árangri í keppninni. Það er búið að vera frábært að horfa á okkur loksins spila við lið utan Englands.

Leikurinn
Leikmenn Sevilla munu seint hljóta virðingu í mínum augum. Enginn leikmaður þeirra á skilið að vera kallaður fótboltaleikmaður heldur fótboltaleikarar. Þeir spiluðu óheiðarlega og komust upp með það þökk sé lélegum dómurum frá smáríkjum Lúxenburg og Austurríkis. Í leiknum í gær komst t.a.m Navarro upp með að gefa Berbatov á kjaftinn. Poulsen sparkar í höfuð Jenas. Kanoute hendir sér í jörðina að tilefnislausu þar sem hann hélt að Dawson væri á leiðinni í skallaboltann. Hægri bakvörður þeirra virtist líða vítiskvalir við minnstu snertingu og engdist um í grasinu og skokkaði svo stálsleginn í burtu eftir að sjúkraliðarnir höfðu gefið honum vatn að drekka.

Já þetta var ömurleg "spilamennska" hjá Sevilla. En það er ekki heiðarleiki sem kemur félögunum í næstu umferð, því miður. En árangur okkar er þrátt fyrir tapið frábær. Það eru líklega tugir ára síðan við náðum svona langt í evrópukeppni. Það er svo sannarlega hægt að byggja þessum árangri, og í dag eftir að vonbrigðin hafa runnið af manni er maður bara þakklátur því að hafa fengið að horfa á Tottenham ná langt í evrópukeppninni. Óska ég því þar með öllum spursurum til hamingju með glæsilegan árangur.

ps.
Það er ansi mikið að gerast hjá mér þessa daganna og lítill tími til að skrifa. Reyni samt eftir fremsta megni að koma með einn og einn pistil.

Samantekt undanfarna daga.

2007-04-09T19:25:00.000Z

Jæja ég bloggið er búið að vera í páskafríi sem er senn að ljúka. Ef við byrjum á Sevilla leiknum, þá var þetta kaflaskipt. Við komum inn í seinnihálfleik sem allt annað lið. Dómarinn var slakur og allt það, en ég nenni ekki að tala mikið um það. Ef að seinni leikurinn fer illa skal ég kannski taka til við að bölva þessum dómara en ekki fyrr. Úrslit leiksins voru svona allt í lagi en kannski ekki það sem maður vonaðist eftir. En úrslitin voru ekki svo slæm að við eigum ekki möguleika í síðari leiknum, síður en svo. Ég tel okkur eiga góða möguleika á WHL á fimmtudaginn.

Leikurinn við Chelsea var þó annað mál. Ég er búinn að vellta því fyrir mér hvort úrslitin hafi verið slæm eða ekki. Auðvitað er tap alltaf slæm úrslit í deildinni en ef tekið er mið af aðstæðum er hægt að færa rök fyrir því að 1-0 tap á heimavelli englandsmeistaranna sé ekki svo slæmt. Þá er ég að taka inn í reikninginn að við hvíldum nokkra lykilleikmenn og spiluðum nokkrum örþreyttum leikmönnum og vorum í meiðslavandræðum. Kannski hefði verið eðlilegt að búast við stórtapi og þar af leiðandi hægt að segja að úrslitin hafi verið eins góð og maður þorði að vona.

Að öðru. Nú virðist allt stefna í að L.King sé að verða leikfær. Þvílíkur léttir svona á lokasprettinum. Það væri auðvitað geðveikt ef hann næði að spila kannski 3-5 leiki áður en hann meiðist á ný. Hver einasti leikur sem hann spilar er gulls í gildi fyrir okkur. Hann er jú enn kóngurinn.

Svo finnst mér svolítið magnað að lesa spjallsvæði Spurs. Það eru einhverjar svaka umræður um hvort hægt sé að kalla Ziegler til baka úr láni þar sem Lee er meiddur? Hvað er það? Til hvers? Fyrir það fyrsta eigum við tvo leikmenn í varaliðinu sem eru skárri en Ziegler. So why? Ekotto á að koma aftur ef allt gengur vel í leikinn gegn Wigan og Murphy á að vera leikfær eftir tvær vikur. Ziegler yrði ekki gjaldgengur í leikinn geng Sevilla. Er þá verið að vellta því fyrir sér að hafa Ziegler sem 3-4 kost í vinstri bakvörðinn? Eða er þetta bara gamla tröllatrúin á Ziegler? Ég hef kannski séð svona 8-10 leiki með Ziegler. Ég samt eftir að sjá leik þar sem hann spilar vel eða ásættanlega. Mér finnst eiginlega honum best lýst sem efni í að vera efnilegur leikmaður, ekkert meira en það.

Kannski er þetta bara stimpillinn sem menn eru búnir að stimpla Ekotto með, að hann sé rosalega slæmur leikmaður. Það er auðvitað bara matsatriði en mér þykir Ekotto samt sem áður vanmetnasti leikmaður Spurs nú þegar menn eru búnir að taka Zokora í sátt. Hann er allavega að mínu mati besti vinstri bakvörðurinn okkar í dag.

Sevilla - Tottenham

2007-04-04T22:42:00.001Z

Nafn: Sevilla FC
Borg: Sevilla, Andalucia
Gælunafn: Rojiblancos (Rauðu og hvítu)
Stofnað: 1905
Heimavöllur: Estadio Ramón Sánchez Pizjuán (45.511)
Þjálfari: Juande Ramos
Nágrannarígur: Sevilla - Real Betis

Um Sevilla.
Sevilla er höfuðborg Andaluciu sem er fjölmennasta hérað Spánar (Spáni er skipt upp í 17 héröð). Sevilla var stofnað árið 1905, en árið 1909 kom upp ósætti í stjórn félagsins og það klofnaði. Nokkrir úr stjórn félagsins sögðu skilið við Sevilla og stofnuðu annað lið... Real Betis. Nágrannarígurinn milli þessara tveggja liða þykir einn sá harðasti á Spáni. Fyrir stuttu gerðist atvik sem flestir muna eftir þegar stuðningsmenn Betis gengu af göflunum í leik liðanna í bikarkeppninni og rotaðist þar þjálfari Sevilla eftir að flösku hafði verið kastað í höfuð hans af áhorfanda Betis. Áhorfendur liðsins kalla sig "biris".

Fyrir þetta tímabil státaði Sevilla af mögnuðum árangri. Af 27 leikjum sem þeir höfðu spilað á heimavelli við lið utan Spánar höfðu þeir ekki tapað einum einasta leik. Í leik gegn AZ Alkmaar á heimavelli þann 14 des. síðastliðin tókst Shota Arveladze leikmanni AZ að tryggja þeim sigur með því að skora bæði mörk AZ í 1-2 sigri á Sevilla fyrst allra erlendra liða.

Sevilla er ansi merkilegt félag að því leitinu til að það er ekkert eignarhaldsfélag um liðið. Sala hlutabréfa í liðinu var gefin frjáls og því eru það mest megnis aðdáendur liðsins sem eiga liðið. Stærstu hluthafarnir eru svo stjórnarformenn liðsins.

Sevilla í dag

Sevilla er í dag eitt af toppliðunum evrópu leyfi ég mér að fullyrða. Sumir vilja jafnvel meina að þeir séu að spila best allra liða í spænsku deildinni, en þeir eru í öðru sæti fast á hæla Barca. Þeir hafa sýnt það í fyrra og nú í ár að þeir eru verðugir andstæðingar hvaða liðs sem er í evrópu. Leikmannahópur liðsins er gríðarlega sterkur. Eins og hver einasti Spursari veit spilar Fredi Kanoute fyrrum leikmaður Spurs með liði Sevilla þó svo að hann hafi ekki verið neinn yfirburðamaður á Englandi er hann það nú á Spáni. Það er nokkuð ljóst að leikstíllinn á Spáni hentar honum best. Hann var í fyrra og er nú þeirra helsti markaskorari. Hann hefur skorað 19 mörk í 26 leikjum í deildinni sem er stórkostlegur árangur.

Aðrir leikmenn sem menn annaðhvort ættu að þekkja eða ættu að taka eftir eru t.d varnarmaðurinn Javi Navarro sem er spænskur landsliðsmaður (þó ekki fastamaður í byrjunarliði). Brasilíski hægri bakvörðurinn Daniel Alves þykir einnig mjög góður. Barcelona hefur þennann mann á óskalistanum sínum, og líklegt að þeir nái að kaupa hann í sumar þrátt fyrir himinháan verðmiða. Danski miðjumaðurinn Cristian Poulsen spilar einnig með Sevilla og er þar fastamaður. Annar miðjumaður að nafni Jesus Navas hefur verið undir smásjá stórliðana í nokkurn tíma og reyndi m.a Arsenal að krækja í pillt í janúar. Arsenal reyndi einnig að krækja í miðjumann að nafni Antonio Puerta en áhugi frá Real Madrid, Man U og fleirri hækkaði verðmiðann ansi mikið og urðu þau því frá að hverfa. Eitt er víst að hann mun fá nokkur tilboð í sumar. Framherjinn Javier Chevanton er kannski ekki eitt af þekktari nöfnunum í Sevilla en mér finnst rétt að nefna hann af þeirri ástæðu að hann hefur skorað 4 mörk í 3 leikjum í Uefa. Annars fær hann lítið að spila, hefur aðeins spilað 3 leiki í deildinni. Þekktasta nafnið ásamt Kanouté hlýtur þó að vera brasilíski framherjinn Luis Fabiano, landsliðsmaður Brassa. Hann er næst markahæsti maður liðsins og þykja hann og Fredi mynda gríðarlega sterkt framherjapar.

Leikurinn
Það er nokkuð ljóst að bæði lið bera mikla virðingu fyrir hvort öðru. Leikmenn Sevilla keppast við að koma fram í fjölmiðlum til að mæra Spurs og leikmenn liðsins og telja okkur sigurstranglegri aðilann. Leikmenn Spurs hafa hinsvegar verið duglegir við að lýsa aðdáun sinni á Kanouté, og þar fram eftir götunum. Auðvitað er þetta líka sálfræði. Þjálfari Sevilla hefur séð sig knúinn til að hvetja áhorfendur til að mæta á völlinn sem að öllu jöfnu er þétt setinn. Skírdagur er nefninlega stærri hátíðisdagur þar í landi en hér, og því búist við að það hafi áhrif á aðsókn á leikinn.

Þetta verður mjög athyglisverður leikur. Ensk lið hafa oftar en ekki staðið sig vel á móti þeim spænsku en þetta er öðruvísi. Ensku liðin hafa yfirleitt komist áfram á mjög góðri vörn en við erum eiginlega ekki týpískt enskt lið. Það er því áhugavert að sjá hvernig leikaðferð okkar manna verður. Okkar menn vilja auðvitað helst pressa framarlega á vellinum. Það getur þó verið ansi hættulegt á móti liði eins og Sevilla á útivelli. Við gætum auðvitað legið aðeins til baka og treyst á skyndisóknir. En ég held að á móti góðum sóknarliðum sé það ekki vænlegt til árangurs. Ég held því að leikurinn muni fara af stað með þreyfingum en við munum svo stjórna leiknum.

Liðið

-----------------------Robbo------------------
Stalteri-----Chimb.--------Daws-------Lee
Lennon----Jenas----------Zokora-----Tainio
-------------Keane---------Berbatov----------

King, THUDD, Gardner, Ekotto og Murphy eru meiddir og Rocha er ekki löglegur í Uefa. Ef eitthvað breytist verður það líklega að Tainio detti út. Ég vill samt hafa hann þarna þar sem skarð er hoggið í vörn okkar með fjarveru Gardners og Rocha. Ég á ekki von á að Jol hvíli neina leikmenn fyrir Chelsea leikinn á laugardaginn. Jol leggur ofuráherslu á Uefa. Við erum ekki með það breiðann hóp að við getum leyft okkur að hvíla menn án þess að veikja liðið.

Ég ætla að spá leiknum 1-3. Það er gríðarleg bjartsýni því í raun ætti það að vera ásættanlegt að gera jafntefli eða jafnvel að tapa leiknum 3-2. En ég hef bara þessa tilfinningu fyrir leiknum.

Coys!

Tottenham 1- Reading 0

2007-04-01T17:08:00.000Z

Já nú loks fengum við að sjá okkar menn halda hreinu í deildinni. Ekki það að ég hafi verið neitt óþolinmóður eftir þessu. Það er svosem ekki margt að segja um leikinn við sköpuðum okkur urmul af færum en nýttum engin þeirra (vítaspyrna færi eða ekki færi?). Umræðan mun kannski snúast um að hinir jákvæðu sjá það að við séum að skapa okkur færi sem gott mál, en hinir neikvæðu benda á að við nýttum ekki færin okkar. Bæði góð og gild rök en ég er jákvæður eftir sigurleiki og sé þetta sem jákvætt mál.

Eitt stórt vafaatriði sem geriðst í leiknum sem mig langar að minnast á. Það var dæmt af okkur mark þegar Defoe skoraði. Nú hef ég svosem enga sérfræðiþekkingu en ég held að línuvörðurinn hafi veifað á Berbatov. Þó svo að Berbatov (sem var rangstæður) hafi ekki snert knöttinn, hafði hann áhrif á leikinn því hann hljóp að boltanum og fipaði þar með markvörðinn.

Í rauninni voru tvö vafaatriði því vítaspyrnudómurinn var ansi vafasamur. Það er ekki hægt að dæma vítaspyrnu nema hann hafi viljandi handleikið knöttinn eins og lýsendur sky bentu réttilega á. Það er svolítið hart að ætla að Readingmaðurinn hafi snert boltann viljandi. Kannski má segja að vafaatriðin hafi fallið í sitthvora áttina og því ekki hægt að kenna dómaranum um úrslit leiksins.

Annars var leikurinn svona sæmilegur. Allir áttu fínann leik í okkar liði. Berbatov og Keane voru ágætir en geta miklu meira. Lennon og Zokora deila titlinum maður leiksins að mínu mati.

Tottenham - Reading

2007-03-30T20:45:00.000Z

Jæja nú er ballið að fara byrja aftur eftir kærkomið hlé. Það verður nokkuð ljóst í svona fríum hvað þetta er svakalega tímafrekt áhugamál. En nóg um mig.

Við erum að fara mæta Reading og ansi margar spurningar ósvaraðar fyrir leikinn. Hafa leikmenn misst dampinn í fríinu? Var fríið kannski kærkomin hvíld fyrir lykilleikmenn? Munum við hefna 3-1 tapsins fyrr í vetur gegn Reading? Er Reading að missa dampinn?

Reading er án nokkurs vafa spútniklið ársins í Pl. Janúarmánuður var eflaust einhver sá ótrúlegasti í sögu félagsins. Þeir byrjuðu á að vinna West Ham 6-0 á nýársdag, og markaði það upphafið af 9 leikjum án taps í röð. Þeir unnu 7 af 9 fyrstu leikjum sínum á árinu og gerðu tvö jafntefli. En hæðir og lægðir eru tímabundið ástand eins og við þekkjum. Nú hafa þeir ekki náð að sigra leik í síðustu 5 leikjum. Reyndar hafa þeir ekkert verið að spila illa undanfarið. Þeir hafa verið óheppnir og hafa spilað bæði við Arsenal og Man U. í síðustu 5 leikjum, og þeir stóðu sig vel í báðum leikjunum þrátt fyrir tap. Þeir eru aðeins stigi á eftir okkur í deildinni með jafn marga sigra og eru því í sætinu fyrir neðan okkur.

Eitt er víst að Reading hefur sýnt það og sannað að það labbar ekkert lið auðveldlega í gegnum leiki gegn þeim. Þeir hafa verið að stríða öllum stærstu liðunum í Englandi með aðdáunarverðri baráttu og seiglu. Þó svo að við séum sigurstranglegri aðillinn í þessari viðureign og ég búist við sigri, á ég von á gríðarlega erfiðum leik þar sem við munum sigra með einu marki. Með sigri gæti svo farið að við næðum 5. sætinu, og því eftir miklu að sækjast.

Liðið
-----------------------Robbo--------------------
Chimb.-------Daws.-------Rocha-------Lee
Lennon------Zokora------Jenas-------Tainio
---------------Keane--------Berbatov---------

Öftustu 5 eru eiginlega sjálfkjörnir. Ekotto og Gardner eru meiddir og því er þetta okkar sterkasta varnarlína. Zokora og Tainio eru mikilvægustu menn liðsins í þessum leik. Ég býst við að við pressum þá framarlega og því verður ansi hörð barátta á miðjunni. Ég stilli upp liðinu eins og ég býst við að það verði en helst myndi ég vilja sjá Jenas á hægri kanntinum og Lennon á vinstri og Tainio og Zok saman á miðjunni. Keane og Berbatov eru svo sjálfkjörnir í framlínunni.

Ef spá mín um liðsuppstillingu gegnur eftir mun:

- Robbo spila 200asta deildarleik sinn á ferlinum.
- Lennon mun spila sinn 50asta leik sinn fyrir Spurs
-Tainio mun líka spila sinn 50asta leik fyrir Spurs.

Ég ætla að tippa á 3-2 sigur okkar manna.

Coys!

Að væla yfir væli...

2007-03-21T21:12:00.000Z

Nú er eitt vinsælasta umræðuefnið á spurs.is hvað Wenger og Mourinho eru að væla. Það er alveg rétt að þeir kasta sökinni oft á aðra og eru oftar en ekki áskrifendur af fyrisögnum blaða með heimskulegum aðdróttunum, kvörtunum yfir dómurum og allt það. Persónulega finnst mér þeir tveir vera með þessu að sýna snilli sína. Góður þjálfari hefur stjórn á öllu. Það eina sem þjálfarar hafa ekki stjórn á í sínum herbúðum eru blaðaskrif og umræða um liðið... Nema þeir tveir, og þá sérstaklega Mourinho.

Það sem skilgreinir velgengni blaða er salan, og til þess að slúðurblöð seljist þarf að hafa eitthvað nógu krassandi umfjöllunarefni. Blaðamenn geta verið ansi útsmognir að finna fréttina sem selur blaðið. Þeir hafa leikmenn undir smásjánni alla daga í leit sinni að næsta skandal sem mun selja blaðið. Þetta tekur á leikmenn og slúður um leikmenn er vissulega áhrifaþáttur hjá leikmönnum. C. Ronaldo sagði t.d að þegar hann var sakaður um nauðgun í fyrra að það hafi haft gríðarleg áhrif á hann. Þannig að blaðaskrif er auðvitað þáttur sem þjálfarar myndu vilja hafa stjórn á.

Mourinho hefur nú náð að stjórna blaðaskrifum með því að auðvelda blaðamönnum starfið. Þeir þurfa ekki að hafa alla leikmenn Chelsea undir smásjánni til að selja blaðið. Mourinho gefur blaðamönnum alltaf eitthvað sem getur selt blaðið þeirra. Með þessari aðferð nær Mourinho að stjórna umræðunni um Chelsea. Það er hann sem býr til fréttirnar með ummælum sínum og því er hann með blaðaskrifin líka undir control.

Það er einnig nokkuð ljóst að með því að stjórna blaðaskrifunum stjórnar hann einnig umræðunni. Stuðningsmenn annarra liða fá aldrei nóg af því að væla yfir vælinu hans Mourinho. Umræðan snýst sjaldnast um leikmenn Chelsea eða eitthvað annað tengt Chelsea. Umræðurnar snúast alltaf um Mourinho. Þannig að þegar ég sé Mourinho væla yfir einhverju eða segja eitthvað heimskulegt minnir það mig á af hverju hann er að ná góðum árangri. Hann er fær stjóri með allt í höndum sér.

Samt myndi ég aldrei vilja fá hann í staðinn fyrir Jol.

Spurs 1 - Chelsea 2

2007-03-19T22:16:00.000Z

Uss... Þá er þáttöku okkar í ensku bikarkeppnunum lokið. Ég með trega óska dómaratríóinu sem og öðrum Chelseamönnum til hamingju með sigurinn. Ekki það að ég kenni dómurunum um tapið. Vafaatriðin voru ekkert frekar að detta Chelseameginn heldur voru það augljósu atriðin sem dómaratríóið lokaði augunum fyrir. Það að Carvalho (stafs) skuli ekki hafa fengið rautt, ekki einusinni gult er auðvitað bara dómaraskandall. Undir lokin var svo rúsínan í pylsuendanum þegar línuvörðurinn stendur við hlið Chelseamannsins sem sparkaði boltanum útaf og ÞEIR fá horn. Oooooohhh ég er svo pirraður. En ég ætlaði nú ekki að röfla svona mikið útaf dómaranum. Það vorum VIÐ sem töpuðum leiknum og ekki hægt að saka dómarann um hvernig fór.

Þetta var svo sem ekkert lélegur leikur hjá okkar mönnum. Það varð okkur hinsvegar dýrkeypt að lykilmenn voru ekki að ná sér á strik. Menn eins og Berbatov, Lennon, Zokora og fleirri voru ekki að sýna sínar bestu hliðar. Á móti liði eins og Chelsea gengur ekkert annað en að allir leikmenn eigi mjög góðann dag.

Æji ég er samt svo fúll eitthvað að mér langar helst að blóta og bölva. Ég kannski skrifa eitthvað meira þegar ég er búinn að róast aðeins.

Tottenham - Chelsea

2007-03-18T13:36:00.000Z

Það er engin umfjöllun um Watfordleikinn núna. Ákvað að láta taka hann upp fyrir mig og ætla mér að horfa á hann í landsleikjafríinu. En ég mun að sjálfsögðu fara á pubbinn til að horfa á leik okkar gegn Chelsea.

Hefðum við verið að fara keppa við þá í janúar eða byrjun febrúar hefði maður varla þorað að dreyma um að við ættum möguleika gegn Englandsmeisturunum. En þegar við erum á svona miklu skriði eru möguleikarnir orðnir ansi raunhæfir. Við erum allt í einu orðið eitt af beittustu sóknarliðum Englands og þó víðar væri leitað. Þegar við erum orðnir svo sóknarsinnaðir að markmaðurinn er farinn að skora er sóknarboltinn fullkomnaður.

En maður verður að passa sig á að gleyma sér ekki í gleðinni. Ég hugsa að hlutlaust mat sé að Chelsea sé sigurstranglegri aðilinn í þessum leik. Það er nokkuð ljóst að Chelsea er ekki að fara vanmeta okkur því þeir hafa ekki enn náð sigri út úr þessum tveimur leikjum á þessu tímabili. Máltakið "all good things must come to an end" á auðvitað við okkur líka, það er bara spurning um tíma. Ég vona svo sannarlega að sigurganga okkar verði ekki stöðvuð á morgun.

Liðið
-----------------------Robbo-----------------
Chimb.---------Daws----Rocha--------Lee
Steed----------Zokora---Jenas-------Lennon
------------------Keane---Berbtatov------------

Tainio er víst enn meiddur og það er gríðarlegur missir. Við þurfum að berjast eins og ljón á miðjunni og þar eru fáir jafn öflugir og Tainio. Annars held ég að menn séu nokkuð sáttir við þetta lið. Ghaly gæti hugsanlega verið þarna í stað Steed... en þó ekki. Það er spurning á hvorum kanntinum Lennon verður en annars er þetta held ég eftir bókinni. THUDD held ég að verði ekki þarna. Honum vantar einfaldlega snerpu og ákveðni í varnarleiknum þannig að ég lít á hann sem sókndjarfann miðjumann. Það væri kannski helst að hann fengi séns ef Jenas er ekki tilbúinn í annann leik svo skömmu eftir að hafa komið úr meiðslum.

Hjá Chelsea er Joe Cole meiddur fram á sumar og Wayne Bridge verður ekki með. Jose Morinho segir að það séu möguleiki á að Essien verði búinn að ná sér fyrir leikinn gegn okkur, en ég held að það sé þvaður. Hinsvegar munu Chelsea vera búnir að fá Terry aftur úr meiðslum, sem skiptir þá gríðarlegu máli enda var vörnin þeirra úti á þekju þegar við mættum þeim síðast, þá án Terry.

Ég vonast eftir sigri og spái því leiknum 2-1 fyrir okkur. Það verður athyglisvert að sjá hvernig bestu vörn deildarinnar gengur á móti heitasta sóknarliði deildarinnar.

Of mikið af hinu góða

2007-03-16T20:38:00.000Z

Nú er ansi þétt spilað í deild og utan deildar hjá Spurs. Þrír leikir á viku er eiginlega bara orðið normið hjá okkur. Ég verð eiginlega að játa það að eins gaman og mér finnst að horfa á og ræða um Spurs finnst mér prógramið orðið full þétt hjá okkur. Nú spilum við við Braga á miðvikudaginn og svo líða tveir dagar og þá er komið að næsta leik. Það eru sannkölluð stakkaskipti hjá okkur milli ára. Í fyrra vorum við að spila svo fáa leiki að það var met. Í ár munum við spila fleirri leiki en við höfum gert í meira en áratug.

Ég verð samt að viðurkenna að að sumu leiti er skemmtilegra að spila færri leiki. Það gerðist nefninlega ansi oft í fyrra að við áttum næstum tveggja vikna frí. Á þeim köflum var maður eins og krakki að bíða eftir jólunum. Maður reyndi að eyða tímanum í að vellta fyrir sér hverjir fengju að spila og umræðurnar voru svo miklu fjölbreyttari, því ekki var hægt að ræða um síðasta leik í tvær vikur. Menn gátu byrjað að spá í næsta leik alveg 5 dögum fyrir leikinn og þegar að leikdegi kom gat maður vart beðið með að komast á barinn að horfa á leikinn.

Nú er öldin önnur. Nú er svo stutt á milli leikja að það er óvinnandi vegur að geta hallað sér aftur og notið sigursins í síðasta leik því næsti leikur er að fara byrja. Þetta hefur líka áhrif á umræðurnar. Þegar maður skoðar Spursspjallið sér maður ekki lengur vandaða og fróðlega pósta. Flestir póstarnir eru innan við 10 setningar og svörin flest innan við 5 setningar. Þetta eru engin leiðindi gagnvart spjallinu hjá mér heldur er þetta eðlilegt þegar svo mikið er að gerast. Ég hef t.a.m ekki fundið neinn tíma til að skrifa um neitt annað en upphitun og eitthvað smá eftir leiki og innan við 5 setningar á spursspjallinu af og til. Þetta leikjaálag kemur líka fram í öðru. Ég er nánast hættur að lesa fréttir af Spurs. Nú fer svo mikill tími í að horfa á leiki og skrifa í kringum þessa leiki að ef maður ætlaði að lesa fréttir og slúður í kringum þetta allt líka væri maður ekki að gera neitt annað en það og vinna og sofa.

Helst myndi ég vilja að leikjunum yrði fækkað aðeins. Ég myndi vilja sjá að lið myndu spila til þrautar í bikarkeppnum í stað þess að ef staðan er jöfn eftir 90 min að það sé spilaður annar leikur. Ég myndi vilja sjá að lið sem spila í evrópukeppnum kæmu seinna inn í bikarkeppnirnar og eitthvað í þeim dúr. Nú er ég bara að vellta fyrir mér þessu leikjaálagi frá sjónarhorni áhangandans. Það er auðvitað líka þannig að leikmenn myndu hagnast á því að leikjaálaginu yrði létt.

Nú vill ég passa mig vel á að enginn misskilji mig. Ég vill auðvitað frekar að við spilum marga leiki í stað þess að spila fáa og ná þá engum árangri. Mér finnst alltaf gaman að horfa á leiki. En mér finnst full mikið að hafa 4 leiki á rétt rúmri viku (8 dagar) eins og staðan er núna þessa stundina. Þá er einhvernveginn miklu minni stemming í manni. Ég vill ná að byggja með mér stemmingu og eftirvæntingu fyrir leiki, þannig að mér líði eins og krakka á þorláksmessu deginum fyrir leik.

Ástæða þess að ég skrifaði þetta var m.a sú að ég var að kíkja á leikjaplanið áðan og fattaði að það sé leikur á morgunn. Það verður því engin upphitun fyrir leik morgundagsins gegn Watford.

Spurs 3 - Braga 2

2007-03-14T22:25:00.000Z

Vá hvað ég á eitthvað erfitt með að finna eitthvað gott sjónarhorn á leikinn. Þannig að þetta verður bara stutt, en segir allt sem segja þarf.

Berbatov er snillingur og maður leiksins. Skorar tvö mörk og leggur upp hitt. Einn sá besti í boltanum í dag.

Robbie Keane er sjóðandi heitur líka. Enda eru Berbatov og Keane búnir að skora 13 af 23 mörkum okkar í síðustu 7 leikjum.

Cerny stóð sig vel í markinu. Átti aldrei séns á að verja þessi tvö mörk.

Chimbonda stóð sig vel í miðverðinum þrátt fyrir að lítið hafi reynt á hann.

Dómarinn arfaslakur, en ég nenni ekki að kvarta þegar vel gengur.

Kannski er maður bara farinn að venjast sigrum aftur. Allavega fannst mér þessi leikur ekkert voðalega vel spilaður hjá okkur og ekkert illa spilaður heldur. Bara svona skildusigur í höfn og klapp á bakið á Braga "stóðuð ykkur vel". Engin dramatík í þessu. En að hafa unnið núna 6 af 7 leikjum er alveg hreint frábært. Mér sýnist svona mestu svartsýnisseggirnir vera búnir að draga sig í hlé frá umræðum, allavega heyrist mun minna í þeim mönnum núna. Ekki það að ég sé að bögga þá. Ég á sjálfur í mesta basli með sjálfan mig. Þetta er svo óvænt að ég þarf að taka mér mun lengri tíma í öll mín skrif núna. Ég var búinn að finna mig í að verja liðið og líta á björtu hliðarnar. Nú þarf ég ekki lengur að benda á þær þar sem þær blasa við öllum og engin ástæða til að verja liðið.

Ég óska því öllum Spursurum til hamingju með frábærann árangur undanfarið og með að vera komnir í næstu umferð UEFA Cup!

Tottenham - Braga

2007-03-13T19:40:00.000Z

Ég vill benda mönnum á sem vilja eitthvað vita um Braga að lesa upphitunina fyrir síðasta einvígi liðanna Hér.

Ég er búinn að vera frekar kokhraustur fyrir þennann leik. Hef haft það á tilfinningunni að við séum að fara sjá stórsigur. En eftir því sem nær hefur dregið hafa hlutirnir ekki beint verið að vinna með okkur. Við áttum gríðarlega erfiðann leik á sunnudaginn og stutt í næsta leik eftir þennann. Við höfum aðeins einn miðvörð heilann, þar sem King og Gardner eru meiddir og Rocha má ekki spila í Uefa. Jenas er ennþá meiddur og Berbatov þurfti að fara af velli á sunnudaginn vegna meiðsla. Robinson er enn meiddur.

Ég er samt ekkert að búast við að við dettum út á morgunn. Ég býst ennþá við sigri en geri mér ekkert frekar vonir um stórsigur.

Liðið

------------------------Cerny---------------------
Stalteri---------Dawson----Chimb.--------Lee
Ghaly----------Tainio-------Zokora------Lennon
-----------------Keane-------Berbatov-------------

Nú er ég nánast viss um að eitthvað sé þetta vitlaust. Ég ætla að gera ráð fyrir að Chimb. sé miðvörður en það gæti allt eins verið að THUDD, Zok eða einhver úr varaliðinu spili miðvörðinn. Miðjan er líka spurningamerki í mínum augum. Veit ekkert hvað er að gerast með Steed. Hann er farinn að sjást ansi lítið í byrjunarliðinu. Ég kann engar skýringar á því þannig að ég byggi miðjuna bara af fyrri reynslu frá Chelsea leiknum. Keane er búinn að jafna sig eftir meiðslin og mun því að öllum líkindum byrja enda er hann með "edge-ið" yfir Defoe þessa dagana. En það er spurning hvort hann sé búinn að ná sér að fullu. Sama má segja um Berbatov. Maður veit ekki hversu mikil þessi meiðsli voru sem hann hlaut í síðasta leik. Ég veit þó að þau voru ekki alvarlegri en svo að hann er í leikmannahópnum fyrir leikinn. Það getur þó verið spurning hvort Jol vilji hafa hann á bekknum til að taka ekki óþarfa áhættu. Þá gæti Mido byrjað og ef við lendum í bobba gæti Berbatov leyst hann af hólmi. Svo gæti líka verið að Jol myndi vilja hvíla einhverja leikmenn. Þannig að ég verð að viðurkenna að þessi liðsuppstilling er skot í myrkri hjá mér.

Ég ætla að spá þessum leik 3-1 fyrir okkur. Byggi það m.a á því að Braga hefur verið arfaslakt á útivelli í vetur, bæði í deildinni og í Uefa.

Coys!

Metrómaðurinn Gardner meiddur.

2007-03-13T18:58:00.000Z

Ég var að lesa um meiðsli Gardners og bara varð að koma með þetta. Nú hef ég ekkert á móti metrómönnum en spyr mig á sama tíma hvort ekki sé of langt gengði í tilfelli Gardners. Fréttir eru að berast af því að Gardner sé frá út tímabilið. Ástæðan er skv heimasíðu Spurs ... "HAIRLINE fracture". Bwahahahah...

En auðvitað á maður ekki að hlægja af meiðslum annara. Fannst þetta bara fyndið heiti á meiðslum. En annars er þetta brákað bein í ökla hjá honum. Þetta eru mjög leiðinleg meiðsli því þau geta rifið sig upp aftur ef menn fara ekki þeim mun rólegra af stað aftur.

Jæja farinn að skrifa upphitun.

Chelsea 3 - Tottenham 3

2007-03-11T14:57:00.000Z

Þá er enn einum stórskemmtilega leiknum lokið. Maður er bæði ánægður og vonsvikinn. Maður er vonsvikinn með að hafa misst leikinn í stöðunni 1-3 niður í jafntefli. En fyrir leikinn hefði maður varla þorað að vonast eftir jafntefli. Þannig að ég held að maður taki þann pól í hæðina að vera sáttur við úrslitin.

Þegar ég sá hver byrjunarliðin voru var ég ansi smeykur. Okkur vantaði aðeins of mikið af mönnum í öftustu línuna til að geta verið kokhraustur.

Leikurinn fór af stað eins og undanfarnir leikir. Andstæðingarnir pressuðu en við sóttum hratt upp völlinn. Þetta gerði það að verkum að Chelsea þorðu ekki að pressa mjög hátt á vellinum því við vorum of hættulegir fram á við. Það var nokkuð ljóst á varnarleik Chelsea að þeir söknuðu Terry mikið. Við gerðum svo þau regin mistök að ætla færa okkur aftar á völlinn. Við höfum ekki verið að gera það upp á síðkastið og það hefur verið að skila okkur sigrum. Ég held einhvernveginn að það hafi kannski verið einhver óttablandin virðing sem hrakti okkar menn út í þá ákvörðun. En heilt yfir þá spiluðum við vel og allir fá klapp fyrir.

Ég ætla að halda áfram að nota sömu aðferðir við að kjósa mann leiksins. Þær eru að þeir leikmenn sem komu mest á óvart með góðum leik fá heiðurinn. Ég á í smá basli með þá ákvörðun því Stalteri, Lee, Ghaly, Cerny og Rocha spiluðu allir yfir væntingum.

Ég vona að menn fari nú að hætta að líta fram hjá því sem Stalty gerir vel og einbeiti sér bara að þeim mistökum sem hann gerir. Hann er búinn að standa sig mjög vel í síðustu tveimur leikjum sem hann hefur spilað. Hann átti sigurmarkið gegn West Ham og spilaði svo hörku vel í dag. Hann er svo sem ekkert að sanna sig sem sá besti en hann er að sanna sig sem góður og traustur varamaður.

Lee varðist betur en oft áður og á hann hrós skilið fyrir það. Ég styð ennþá Ekotto í baráttunni um sætið, en geri það aðeins á hans verðleikum en ekki með því að rífa niður Lee. Lee kemur því sterklega til greina sem sá maður sem maður leiksins.

Ghaly er auðvitað óútreiknanlegur. Maður veit ekkert við hverju maður á að búast þegar hann stígur inn á völlinn. Hann gæti farið í vitleysuna og reynt alltaf erfiðu leiðina og klúðrað öllu, eða hann getur spilað frábærlega. Í dag spilaði hann mjög vel. Skoraði frábært mark og var þyndarlaus í hlaupum sínum um völlinn. Hann á svo sannarlega hrós skilið fyrir þennann leik því ekki stendur á gagnrýninni þegar hann á slakann leik.

Cerny spilaði mjög vel líka. Ég vissi eiginlega ekki við hverju var að búast því hann er líklega í mjög lélegri leikæfingu og þetta var ansi stór leikur til að koma inn í. En hann varði á köflum mjög vel og var alltaf á tánum. Það er því óþarfi að kvíða ef Robbo verður eitthvað lengur frá.

En maður leiksins er að mínu mati Rocha. Þetta var klárlega besti leikur sem ég hef séð hann spila og hann var mjög solid þarna. Það er spurning hvort með tímanum hann og Dawson geti ekki bara orðið gott og traust teymi þarna aftast. Hann kom mér mest á óvart af öllum og fær því titilinn maður leiksins frá mér.

Menn eins og Dawson, Tainio, Zokora, Lennon og Berbatov spiluðu einnig gríðarlega vel. En ég hef séð þá spila svona áður og mun vonandi halda áfram að sjá þá spila svona vel.

En ég er mjög sáttur og tel möguleika okkar á heimavelli gegn þeim góða. Jose Morinho hefði kannski átt að spara aðeins stóru orðin fyrir leikinn. Það verður allavega gaman að fylgjast með viðbrögðum hans í dag.

Að hugsa sér að við séum taplausir í 6 leikjum í röð. Það eru eflaust margir sem voru búnir að afskrifa okkur fyrir mánuði síðan farnir að klóra sér í kollinum.

Annríki

2007-03-10T21:12:00.000Z

Vegna annríkis fellur upphitun niður fyrir leik Chelsea og Spurs á morgun. Ég verð að viðurkenna að ég er ekkert rosalega bjartsýnn en vona það besta.

Braga 2 - Tottenham 3

2007-03-09T19:19:00.000Z

Jæja nú er ég hættur að vera hissa. Það er kominn óstöðugur stöðuleiki hjá okkur ef svo má segja. Fyrir nokkrum misserum gat maður nánast bókað það að Spurs skori ekki sigurmark undir lok leikja. Allt í einu getur maður bókað það að ef staðan er jöfn þegar líða tekur á leikinn munum við skora sigurmark. Þannig að ég er kátur með þróun mála. En að leiknum...

Það kom svosem fátt á óvart í leiknum. Braga var að standa sig mjög vel og voru hreyfanlegir. Ég verð að viðurkenna að ég var farinn að geyspa ansi reglulega áður en við skoruðum fyrsta markið. Það spilar inní að dagurinn var erfiður og klukkan að ganga ellefu. En ég hrökk þó snarlega við þegar á sjónvarpinu til hliðar byrtist hálfnökt veðurfréttakona, og flutti veðurfréttirnar af mikilli sæmd. Smellpassaði inn í staðalýmindina um karlrembuna og fótboltann ;)

Markvörður Braga var að standa sig eins og hetja framan af og kom í veg fyrir að Berbatov ræki lokahöggið á snilldartilþrif hvað eftir annað. Mér var hugsað til þess hvort hönnuður búninga okkar í fyrra hafi kannski verið fenginn í að hanna búning hans. Hann var allavega ekki víðari en þeir búningar. En Bragamenn pressuðu meira bróðurpart leiksins án þess að skapa sér mikið af færum. Við hinsvegar fengum mörg úrvalsmarktækifæri sem fóru forgörðum. Það má því segja að við höfum verið líklegri aðilinn allann leikinn.

Mér fannst dómari leiksins mjög fínn mestann part fyrrihálfleiks. Hann var að leyfa mönnum að spila mjög fast og hélt þeirri línu. En þegar líða fór að seinni hálfleik missti hann tökin. Alltí einu fór hann að dæma á brot sem hann sleppti í upphafi leiksins og allt fór í rugl hjá honum. En ég nenni þó ekki að eyða tíma í að rakka hann niður, geymi svoleiðis til tapleikjanna.

Aftur get ég ekki fundið neinn einn leikmann Spurs sem var framúrskarandi og engann sem var lélegur. Keane fær atkvæðið mitt í valinu á manni leiksins. Zok, Lennon og Berbatov voru einnig mjög góðir.

Ég sagði að enginn hafi verið lélegur. Það er kannski með réttu hægt að segja að THUDD hafi verið lélegur í gær. En honum er vorkun af hlutverki sínu. Til að geta spilað vel á móti mjög hreyfanlegu liði þarf leikmaðurinn að vera sjálfur hreyfanlegur. Það er morgunljóst að THUDD er líklega einn svifaseinasti leikmaðurinn í boltanum. Hann er mjög góður á mörgum sviðum fótboltans og snillingur í sumu, en hann er rosalega seinn á fæti. Því skil ég ekki alveg hvað Jol gekk til með að setja hann inná. Þessi leikur hentaði honum aldrei. Því vill ég skrifa framistöðu hans á reikning Jol, þannig séð.

En allavega frábært að sigra þetta lið á heimavelli þeirra. Þessi sigur svo gott sem tryggði okkur farseðilinn í næstu umferð.

Sporting Braga - Tottenham

2007-03-06T21:44:00.000Z

Fimmtudaginn 8 mars kl. 21:35 á Estádio Municipal de Braga

Hvernig í ósköpunum á ég að fara að því að telja mönnum trú um að leikurinn sé ekki unninn nú þegar? Við erum svo hátt uppi að það er virðist ógerlegt að koma mönnum á jörðina. En staldrið aðeins við þetta... Þetta er oft það sem verður mönnum að falli. Ég býst við að leikmenn séu jafn hátt uppi og við stuðningsmennirnir eftir síðasta leik og undanfarnar vikur. Það er besta ávísun sem fyrir finnst á vanmati á andstæðingunum. Þess vegna skulum við reyna að róa okkur niður og reynum að virða andstæðinginn. Ég ætla gera mitt besta til þess að fá ykkur niður á jörðina, og hefst þá upphitunin.

Sporting Braga FC.

Stofnað: 1921
Gælunafn: Arsenal do Minho
Heimavöllur: Estádio Municipal de Braga (30.154)
Borg: Braga (norður Portúgal)
Nágrannar: Engir (Braga er eina fótboltaliðið í þessari borg)
Stjóri: Jorge Costa

Þetta Braga lið er frekar áhugavert lið. Þrátt fyrir að hafa verið meira og minna í efstu deild í 86 ár, eða frá því liðið var stofnað hefur því aldrei tekist að blanda sér af alvöru í toppbaráttuna. Porto, Benfica og Sporting Club hafa skipt með sér efstu sætunum í áraraðir. Besti árangur Braga í deildarkeppninni er 4. sætið. en því hafa þeir náð nokkrum sinnum (m.a síðustu 2 tímabil). Eini titillinn sem þeir hafa landað var þegar þeir unnu portúgölsku bikarkeppnina árið 1966.

Viðurnefnið þeirra Arsenal do Minho er fengið þar sem leikvangurinn er í Minho hverfi í Braga og tengingin við Arsenal er komin þar sem þjálfari liðsins á öðrum áratug síðustu aldar fór til Englands að horfa á leik með Arsenal. Arsenal vakti svo mikla hrifningu hjá honum að hann ákvað að láta liðið spila í samskonar búningum og Arsenal. Þessi félög eru því svokölluð "vinafélög" og hafa af og til spilað æfingaleiki gegnum tíðina. Fátt annað virðist vera merkilegt í sögu þessa liðs.

Þó svo að liðið sé ekki hátt skrifað í evrópu eru þarna nokkrir menn sem eru þekkt nöfn. Það kannast eflaust einhverjir við þjálfara þeirra Jorge Costa. Costa þessi spilaði megnið að ferlinum með Porto en gat sér gott orð í portúgalska landsliðinu. Fernando Couto og Jorge Costa þóttu eitt besta miðvarðarpar í sögu landsliðsins.

Það kannast eflaust líka margir við leikmanninn João Pinto sem gerði garðinn frægann með Benfica á árunum 1992-2000, þar sem hann var þrisvar valinn knattspyrnumaður Portúgals. Þrátt fyrir að vera orðinn 36 ára gamall er hann þeim samt mikill liðsstyrkur.

Annar leikmaður sem kannski einhverjir kunna að kannast við er Argentínumaðurinn Andres Madrid. En hann hefur lengi verið eftirsóttur af liðum á Englandi og á Spáni. Þessi leikmaður þykir gríðarlega teknískur og yfirvegaður. Það er eins gott fyrir okkar leikmenn að hafa gætur á honum í leiknum.

Að öðru leiti verð ég að játa fáfræði mína á leikmönnum þeirra. En fyrst ég er byrjaður að tala um leikmenn þeirra er gaman að geta þess að Richardo Rocha sem spilar með Spurs í dag var leikmaður þeirra á árunum 1999 -2002. Hann spilaði þar 85 leiki og skoraði í þeim tvö mörk. Hann mun því eflaust geta gefið leikmönnum Spurs einhverjar upplýsingar um andstæðingana.

Leikvangurinn
Þegar ég fór að kynna mér lið Braga kolféll ég gjörsamlega fyrir leikvangi þeirra og hef því ákveðið að gefa honum smá kynningu. Leikvangurinn heitir eins og áður sagði Estádio Municipal de Braga. Það sem gerir þennann leikvang að fallegasta leikvangi sem ég hef séð er að hann er þannig séð BYGGÐUR INN Í FJALL. Já þið lásuð rétt. Margir muna kannski eftir að hafa séð þetta þegar spilað var á þessum velli í EM árið 2004. Leikvangurinn var einmitt byggður EM. Völlurinn er því ekki með þessa hefðbundnu hringlaga stúku, heldur eru stúkur sitthvoru meginn á langhlið vallarins. En myndir segja meira en þúsund orð um þetta mannvirki.Það voru margir sem gagnrýndu hönnun mannvirkisins af þeim ástæðum að það væri erfiðara að mynda stemmingu þegar stúkurnar tengist ekki. Reyndin hefur hinsvegar orðið önnur þar sem þetta er talinn einn erfiðasti völlurinn í Portúgal. Áhangendur eru þekktir fyrir ólæti og henda þá allskyns hlutum inn á völlinn. Sjáið bara þetta!!!

Þetta var þó ekki alveg stemmingin í síðasta evrópuleik gegn Parma. Það mættu rúmlega 6.000 manns á þann leik sökum hás miðaverðs. En ég á ekki von á að það muni gerast gegn okkur og tippa ég á troðfullann leikvang enda mikil eftirvænting eftir leiknum í Braga.

Braga í dag
Sporting Braga situr sem stendur í fjórða sæti portúgölsku deildarinnar. Þeir hafa verið að standa sig mjög vel á heimavelli, en verið ósannfærandi á útivöllum. Það er því mikil bjartsýni fólgin í því að ætla rúlla yfir þá þar því þeir töpuðu síðast á heimavelli í oktober. Braga komst inn í riðlakeppnina með 3-2 sigri á Chievo. Braga endaði svo í þriðja sæti riðilsins en komst engu að síður áfram á stigum.

Braga í Uefa Cup.

Eins og sést á töflunni hafa Braga unnið alla leiki sína á heimavelli samanlagt 7-0. Á útivelli hafa þeir aðeins unnið einn leik (gegn Parma) en tapað 2 leikjum í riðlakeppninni. Eins og menn sjá unnu Braga Parma samanlagt 2-0. Það má vissulega horfa á það þannig að Parma sé ekki beint sterkir í dag. Spekingar sögðu þó að þetta hefði verið frekar óvænt úrslit.

Tottenham.
Við höfum svo sannarlega komið á óvart í þessari keppni. það kemur kannski ekkert á óvart að við séum komnir svona langt.. þannig séð. Það sem kemur hinsvegar á óvart er hversu leikur Spurs í þessari keppni hefur verið skemmtilegur. Jafnvel þegar ekkert gekk í deildinni spiluðum við samt alltaf eins og stórlið í þessari keppni. Það er því kannski umhugsunarefni hvað muni gerast í þessari keppni núna þegar allt er á uppleið í deildinni? Við höfum nú unnið fjóra leiki í röð og skorað í þeim 14 mörk en fengið á okkur 5. Það veit hver einasti Íslendingur sem hefur vott af fótboltaáhuga hvernig síðasti leikur fór hjá okkur gegn West Ham.

Tottenham í Uefa Cup

Eins og við öll vitum var einvígið í 32. liða úrslitum aflýst þar sem Feyenoord var dæmt úr keppni vegna óláta stuðningsmanna þeirra í riðlakeppninni. Af þeim leikjum sem komið er höfum við ekki enn fengið á okkur mark á útivelli og skorað samanlagt 3 mörk í tveimur leikjum frá og með riðlakeppninni, en við unnum einnig útileik gegn S.Prag í forkeppninni 0-1. Staðan er því sú að við höfum ekki fengið á okkur mark á útivelli og Braga hefur ekki fengið á sig mark á heimavelli í þessari keppni.

Liðið
----------------------Robbo------------------
Chimb.------Dawson----Gardner-----Lee
Lennon-----Zokora------Tainio------Steed
---------------Keane-------Berbatov---------

Jenas er því miður meiddur og mun því ekki spila. Sömu sögu er að segja af Mido og Ekotto. Rocha verður einnig fjarverandi þar sem hann má ekki spila í Uefa vegna þáttöku sinnar með Benfica í evrópukeppninni. Val á markmanni og varnarmönnum ætti því ekki að valda Jol miklum heilabrotum. Ég býst svo að sjálfsögðu við að Steed Malbranque fái loksins byrjunarliðssætið sitt aftur. Ég býst einnig við að Tom Huddlestone verði á bekknum þar sem Zokora hefur verið að spila frábærlega undanfarið.Keane kemur aftur úr banninu og ég býst fastlega við honum frammi með Berbatov. En ef Berbatov skorar verður hann fyrsti leikmaðurinn í sögu Spurs til að skora í 4 leikjum í röð í Uefa Cup.

Leikurinn
Í raun hef ég ekki miklar áhyggjur af þessum leik. Ekki vegna þess að ég er 100% á að við vinnum, heldur vegna þess að ég er viss um að við munum rúlla yfir þá á heimavelli. Ef við töpum leiknum núna 2-0 mun ég ekki fá taugaáfall. Við getum rifjað það upp að 1984, tímabilið eftir að við unnum Uefa cup, unnum við þá samanlagt 9-0 og unnum útileikinn 0-3. En ég ætla ekki að missa mig í bjartsýninni og spá þessu 1-2 í erfiðum leik. Við sýndum það gegn Besiktas að við getum unnið leiki á erfiðum útivöllum og því munum við gera það sama gegn Braga. Ég hugsa hinsvegar að heimaleikurinn fari alltaf 4-0, en ég skal þó endurskoða það eftir þennann leik.

Skemmtið ykkur vel yfir leiknum.

Coys!

West Ham 3 - Tottenham 4

2007-03-04T18:16:00.000Z

Ég spyr enn og aftur HVAÐ ER Í GANGI?

Er Tottenham ekki liðið sem tapar leikjum á lokamínútunum? Erum við ekki liðið sem hafði aðeins unnið 2 útileiki í deildinni. Nú vinnum við og skorum 4 mörk??? Vorum við ekki að tapa leiknum? Stalteri af öllum mönnum er sá sem tryggir okkur sigur. Maður er einhvernveginn svo ringlaður að ég næ eiginlega ekki utan um þennann leik. Ég ætla samt að reyna.

Framan af kom svo sem ekkert á óvart þannig séð. Maður vissi auðvitað að West Ham myndu mæta brjálaðir í þennann leik sem og þeir gerðu. Ég verð að gefa þeim risastórt klapp fyrir frábærann leik sem þeir hefðu í raun átt skilið að vinna. Ég alveg sárvorkenni öllum West Ham aðdáendum. Þetta verður ekki sárara en þetta. Þessi leikur hefði getað bjargað þeim hugsanlega frá falli en nú held ég að sú von sé úti þrátt fyrir að tölfræðilega sé þetta mögulegt. Þegar andstæðingurinn skorar mark þegar tvær mínútur eru komnar fram yfir viðbótatímann er viðbjóðslega sárt.

En ég ætla ekki að velta mér meira upp úr þeim. Ég verð að segja að eins sárt og þetta tap var fyrir þá var þetta jafn sætt fyrir okkur. Þegar maður sér svona karakter hjá liðinu sínu er maður auðvitað í skýjunum. Þetta var þriðji útisigurinn í röð!!! Við erum búnir að skora 13 mörk í 4 leikjum. Ef að þetta eru ekki tölur sem fá mann til að brosa út að eyrum er mönnum líklega ekki við bjargandi.

Leikur okkar manna var þó ekkert stórfenglegur og enginn að sýna stórleik. Ég sé samt enga ástæðu til að tíunda mistök einhverra leikmanna þegar við vinnum útileikina. Hinsvegar langar mig að draga athygli að unglingi sem kom inná undir lok leiksins. Taraabt náði kannski ekki að sanna sig í leiknum, en hann náði svo sannarlega að vekja á sér athygli. Þvílík ákveðni í þessum dreng. Hann minnir um margt á Lennon ef marka má framistöðu hans í dag. Þetta er sko drengur sem ég ætla að hafa auga á í framtíðinni.

TIL HAMINGJU ALLIR MEÐ FJÓRÐA SIGURINN Í RÖÐ OG NJÓTIÐ HANS ALVEG FRAM Á FIMMTUDAGSKVÖLD!

West Ham - Tottenham

2007-02-27T21:53:00.000Z

Sunnudaginn 4.mars Kl: 16:00 á Boleyn Ground

Saga West Ham

Stofnað: 1895 sem Thames Ironworks F.C.
Gælunafn: Hammers,The Irons, Academy of football
Heimavöllur: Boleyn Ground (35.647)
Borg: (austur) London
Nágrannarígur: Millwall, Chelsea og Spurs
Stjóri: Alan Curbisley

West Ham virðist vera eitt af fáum liðum sem er ekki stofnað af krikketliði sem vildi halda sér í formi yfir vetrartímann. West Ham er stofnað af járniðnaðarmönnum sem ákváðu að hafa smá hobby eftir vinnu. Fyritækið sem félagið var stofnað af hét Thames Ironworks and Shipbuilding Company. Eins og nafnið gefur til kynna var þetta aðalega skipasmíði sem fyritækið sá um. West Ham er nafnið á úthverfi London sem nafnið á félaginu er dregið af. Gælunafnið Hammers er dregið af hömrunum sem eru á merki félagsins og hamrarnir á merki félagsins eru til komnir vegna uppruna félagsins. Gælunafnið The Irons eða Járnin er auðvitað líka dregið af uppruna félagsins. Gælunafnið Academy of football er aðalega notað af stuðningsmönnum West Ham til að leggja áherslu á hversu margir góðir leikmenn koma þaðan. Tottenham hefur einmitt notið góðs undanfarið af ungmennastarfi West Ham. Þeir leikmenn sem við höfum fengið frá West Ham undnfarið eru m.a Defoe, Kanoute og Carrick. Reyndar var fyriliðinn Ledley King leikmaður ungmennaliðs West Ham áður en Spurs krækti í kappann á unglingsaldri. Þeir eru margir að gera það gott þessa daganna sem komu frá West Ham. Þar má m.a nefna Frank Lampart, Joe Cole, Rio Ferdinand, Glen Johnson ásamt auðvitað fyrrnefndum leikmönnum.

West Ham er ekki með sigursælustu liðum Englands. Þeim hefur aldrei tekist að vinna Englandsmeistaratitilinn. Þeir hafa unnið evrópukeppni bikarhafa einusinni, Intertoto einusinni og FA bikarinn þrisvar. West Ham féll úr úrvalsdeild árið 2003 eftir 10 ára veru í efstu deild. Þeir komust svo aftur upp í úrvalsdeild árið 2005. Þetta fyrsta ár í úrvalsdeild fór fram úr björtustu vonum. Ekki aðeins náðu þeir að halda sér uppi (9. sæti) heldur komust þeir í úrslitaleikinn í FA bikarnum þar sem þeir töpuðu reyndar fyrir Liverpool í vítaspyrnukeppni. Með því að komast í úrslitaleikinn höfðu West Ham tryggt sér sæti í UEFA cup.

Eins og hver einasti Íslendingur veit er liðið í eigu Eggerts Magnússonar. Það eru því eflaust margir sem vilja að þeir haldi sér uppi. Ég er einn þeirra manna, en vona þó að þeir þurfi að gera það með tap gegn Spurs á bakinu.

West Ham
Nú hefur maður verið að fylgjast svona með öðru auganu alltaf með West Ham. Það sem hrjáir þeim hvað mest er skortur á skipulagi og óheppni. Það er alltaf ágreiningsefni hvað sé óheppni og hvað ekki. En það virðist gerast nánast í hverjum leik að boltinn fer í tréverkið og út en ekki inn. Skipulagsleysið er gríðarlegt í öftustu vörn. Þeir eiga erfitt með að samstilla sig og því virkar rangstöðugildran sjaldan hjá þeim. Það ætti því að henta okkur ágætlega því við erum að þróast út í að vera eitt beittasta sóknarliðið í deildinni. Það virðist því vera að Davenport og Ferdinand séu ekki að ná nógu vel saman. En Davenport hefur heitið því að mæta tvíefldur í þennann leik.

Sóknin er þó ágæt hjá þeim. Þeir eru með marga góða sóknarleikmenn. Vandamálið er í raun það sama þar og í vörninni. Þeir eru ekki að spila sem heild og sóknarleikurinn gengur oftast út á einstaklingsframtak. Ef þeir ná að spila eins og lið myndi sóknin vera mjög sterk.

Þó West Ham sé ekki í góðum málum í deildinni getum við ekki búist við auðveldum leik. Þvert á móti getum við átt von á mjög erfiðum leik. Hamrarnir eru komnir upp að vegg og vita að hver einasti leikur héðan af er upp á líf eða dauða í úrvalsdeildinni. Jafntefli er ekki ásættanleg úrslit fyrir þá. Þeir munu spila til sigurs því þeim bráðvantar stigin og þurfa að taka áhættu. Það má líka búast við því að þeir hafi náð botninum í síðasta leik þegar þeir töpuðu gegn keppinautunum í fallbaráttunni. Þeir skíttöpuðu fyrir Charlton 4-0. Það má því búast við þeim staðráðnum í að gera betur á sunnudaginn.

Tölfræði

Taflan fyrir leiki helgarinnar

West Ham Síðustu 6 leikir
Charlton - West Ham...........4-0 Tap
West Ham - Watford............0-1 Tap
Aston Villa - West Ham........1-0 Tap
West Ham - Liverpool..........1-2 Tap
Newcastle - West Ham.............2-2 Jafnt
West Ham - Fulham...................3-3 jafnt

Tottenham síðustu 6 leikir

Tottenham - Bolton...........4-1 sigur
Everton- Tottenham..........1-2 sigur
Sheff. Utd. - Tottenham......2-1 Tap
Tottenham - Man U...........0-4 Tap
Fulham - Tottenham.........1-1 Jafnt
Tottenham - Newcastle......2-3 Tap

Viðureignir liðanna frá upphafi. (127 leikir)
Tottenham....................51
West Ham.....................43
Jafnt..............................33

Viðureignir liðanna á Boylen Park frá upphafi Premier League. (11 leikir)
Tottenham..................3
West Ham...................6
Jafnt............................2

Við spiluðum fyrri leik okkar gegn West Ham 22 oktober síðastliðinn. Við unnum leikinn 1-0 á WHL. Þetta er því einn af fjórum leikjum tímabilsins sem við höfum ekki fengið mark á okkur. Það var enginn annar en Mido sem tryggði okkur sigur í þeim leik.

Tottenham
Eins og menn kannski muna var það West Ham sem gerði út um vonir okkar á sæti í CL í loka leiknum í fyrra á Boylen Park. Okkur hefur nefninlega ekkert gengið of vel með West Ham á útivelli. Mér finnst það langt því frá gefið að við vinnum þó ég vona og búist við því. Mér finndist það í hæsta máta óeðlilegt að lið sem kemur heim eftir 4-0 tap sé á þeim buxunum að láta valta yfir sig öðru sinni, nú fyrir framan sína eigin áhorfendur vitandi að þeirra bíður fall. West Ham á gríðarlega erfitt prógram fyrir höndum sér og þurfa að byrja undir eins að krækja í stig.
Að því sögðu er rétt að áætla að okkar menn séu heldur ekkert á því að fara binda endi á sigurgöngu sína. Liðið er í feiknar ham og hefur virst óstöðvandi. Ég verð að viðurkenna að ég man varla eftir svona góðum kafla. Í fyrra var ég mjög ósáttur að liðið gæti ekki rústað öðrum liðum þrátt fyrir yfirburði á vellinum. Ég er því skiljanlega í hæstu hæðum núna. Ástæða þess að við höfum verið að skila tveim mjög sannfærandi sigrum í hús af þremur leikjum tel ég vera vegna þess að Jol er búinn að finna leiðina til sigurs. Það vita það allir Spursarar að okkar veikleiki er að geta ekki bakkað og haldið forustu. Í leiknum gegn Bolton sannaðist þessi hugarfarsbreyting hjá Jol. Eftir að hafa orðið einum færri hefði maður búist við að Jol myndi láta liðið bakka og halda. En annað kom á daginn. Við vorum sókndjarfari aðilinn nánast allann leikinn á enda. Það er því ljóst að við erum töluvert betra sóknarlið heldur en varnarlið.

En það er ekki bara það sem hefur verið að skila okkur sigri. Maður þakkar auðvitað fyrst og fremst breyttu hugarfari leikmanna. Nú loksins er maður farinn að sjá vilja, samvinnu og leikgleði hjá leikmönnum.

Ég býst því við að bæði lið sætti sig ekki við neitt nema sigur. Þó svo að við séum komnir á ágætis "run" núna má ekki gleyma því að við höfum aðeins unnið 2 leiki á útivelli í vetur og báðir hafa þeir unnist með einu marki. Ég vona því að menn hugsi ekki sem svo að við séum að fara rústa West Ham. Þrjú stig er það eina sem ég get farið fram á. Ef leikurinn vinnst ekki nema með einu marki er það í mínum augum stórsigur. Því allir leikir sem vinnast á útivöllum það sem af er mun ég telja til stórsigra.

Liðið
--------------------Robbo-----------------------
Chimb.------Daws-------Rocha---------Lee
Lennon-----Jenas-------Zokora--------Tainio
--------------Defoe-------Berbatov--------------

Þetta er nánast sama lið og spilaði síðasta leik nema að Keane er að sjálfsögðu í banni. Eftir síðasta leik er mér nokk sama hvort það verði Gardner eða Rocha sem spili við hlið Dawson. En líklega verður það Rocha sem spilar þar sem Gardner er ekki búinn að ná sér fullkomnlega af meiðslum. Það kæmi mér svo sem ekkert á óvart þó Steed kæmi inn í liðið núna. Ég held að Tainio eða Steed séu svona 50/50. Tainio hefur staðið sig gríðarlega vel að undanförnu enda hafa síðustu þrír leikir hentað honum vel. Fulham, Everton og Bolton eru öll með gríðarlega sterka miðju og því höfum við þurft menn sem eru tilbúnir að berjast um hana. Það er Tainio í hnotskurn, hann hefur svo sannarlega baráttuna í svoleiðis leiki. West Ham hefur að mér finnst ekki verið að berjast jafn mikið á miðjunni eins og hin þrjú. Þá er kannski betra að hafa mann eins og Steed sem getur skapað færi. Hinsvegar held ég að West Ham muni berjast mikið í leiknum og þess vegna er ég ekki viss. Treysti Jol bara fyrir þessu (Update! Steed ku vera meiddur og fregnir herma að hann muni ekki vera orðinn leikfær fyrir sunnudaginn).

Defoe er auðvitað sjálfkjörinn við hlið Berbatov þar sem Keane er í banni. Ég held mig enn við samsæriskenninguna að Defoe sé búinn að vera í andlegri krísu undanfarið. Ég var farinn að minnast á það þegar hann var ennþá að spila. Af einhverjum ástæðum hefur hann svo ekki fengið að koma inn á í ansi langann tíma. Ég vona að ég fái að sjá leikgleði hjá Defoe á morgun fremur en að sjá hann pirraðann. Enda hlýtur leikgleði samherjanna að smita út frá sér.

Mín spá
Eins og ég hef komið inná má alveg búast við að West Ham muni taka sig taki nú eftir að hafa ekki unnið leik svo mánuðum skipti og eftir að hafa verið niðurlægðir af keppinautunum í síðasta leik. Þeir munu ekki vanmeta okkur vegna gengi okkar í síðustu leikjum. Þeir munu heldur ekki ofmeta okkur vegna þess að við höfum verið slakir á útivöllunum og horfa þeir því á að það er stutt síðan Sheffield vann okkur á heimavelli sínum.

Ég hef mun meiri áhyggjur af því að við munum vanmeta West Ham. En ef það er eitthvað sem leikmenn og þjálfari eiga að vita er það það að við getum ekki bókað útisigrana fyrirfram. Ég spái að sjálfsögðu sigri. Ég ætla að spá þessu 1-3 og vona þar með að lánleysið ellti West Ham í þessum leik eftir nokkur skot í tréverkið. En sigurinn á eftir að vera tæpari en markatalan segir til um. Ef spá mín rætist mun Eggerti ekki veita af þessum slakandi baðsöltum sem hann fékk sent í vikunni.

Einn alveg sorglega lélegur hérna í lokin:
Það er víst að Sheringham mun ekki vera í ham með West Ham gegn Tottenham.

COYS!!!

Meistarabragur

2007-02-25T17:20:00.000Z

Hvað er í gangi???????????

Þetta er einhvernveginn svo ótrúlegt að ég er ekki alveg að meðtaka leikinn. Það er ekki hægt að finna nógu stór og áhrifamikil orð um það sem er að gerast þessa vikuna og það sem gerðist í dag. Ég er bara dofinn. Ekki nóg með að við fáum okkar fyrstu stig í tvo mánuði á heimavelli heldur erum við búnir að vinna 3 leiki í röð með markatölunni 10-2 samanlagt. Portsmouth og Newcastle sem við erum að berjast við töpuðu bæði leikjum sínum og Arsenal tapar úrslitaleiknum í bikarnum. Nei! Þetta er of gott til að vera satt.

Það er óneitandi mjög freistandi að nudda svartsýnisseggjum undanfarna mánuði upp úr því sem er að gerast í dag og koma með eitt feitt "I told you so". En ég vill ekki skemma stemminguna og óska þeim þess í stað til hamingju með sigurinn og daginn. Fyrir tveimur vikum vorum við að ná mórölskum botn en í dag er besti dagur okkar í allann vetur. Þetta er svo frábært að ég nenni ekki að eyða orðum á ákvarðanir Poll. Keane mun aldrei fá bann út á þetta og við fengum að sjá yfirburði okkar manna þegar við spilum meirihluta leiksins einum manni færri en berum samt höfuð og herðar yfir andstæðinginn sem var heilum 5 sætum fyrir ofan okkur.

Hver einasti maður í Spurs átti stórleik. Það bar enginn leikmaður af í okkar liði því allir gerðu sitt besta. Ég útnefni því Robinson og Zokora menn leiksins því mér finnst þeir loksins vera að sýna sitt rétta andlit. En leikmenn eins og Rocha, Lee, Jenas, Tainio, Steed og Keane fá einnig stórt klapp fyrir það sama, að vera loksins að sýna sitt besta. Menn eins og Chimb, Lennon, Dawson og Berbatov voru auðvitað frábærir og þá sérstaklega Chimb. og Berbatov. En þeir hafa allir verið frábærir í allann vetur.

INNILEGA TIL HAMINGJU ALLIR SPURSARAR MEÐ ÞENNANN FRÁBÆRA DAG OG MEGI ÞIÐ NJÓTA HANS SEM BEST OG LENGST.

Tottenham - Bolton

2007-02-24T20:00:00.000Z

Jæja nú kemur gamla formið á upphituninni aftur þ.e að koma stuðningsmönnum niður á jörðina. Þrátt fyrir glæsilega viku þar sem maður hefur getað bent á hverjir séu Spursarar af brosinu einu saman. Verðum við að vera raunsæ. Í dag er Bolton með betri tölfræði hvernig sem á málið er litið. Við höfum alltaf getað sagt þegar við spilum á heimavelli að við munum vinna. Við skulum hinsvegar átta okkur á því að við höfum ekki fengið eitt einasta stig á heimavelli síðustu tvo mánuðina!!! Við getum líka slegið því föstu að Bolton er með töluvert betri vörn en við. Okkur hefur ekki tekist að halda hreinu í 17 leikjum í röð í deildinni og aðeins haldið hreinu í 4 leikjum. Bolton hefur hinsvegar náð að halda markinu hreinu í 11 leikjum og hafa fengið 11 mörkum færra á sig. Þeir stefna á að komast í 4 sætið upp fyrir Arsenal með sigri á morgunn. Við vonumst hinsvegar eftir að komast í 9 sætið með sigri (og von um tap hjá Newcastle). Bolton unnu okkur eins og margir muna í okkar fyrsta leik á tímabilinu 2-0. Ég man að okkar menn litu afar illa út á vellinum í þeim leik.

Það er því margt sem bendir til þess að við eigum erfiðann leik fyrir höndum á morgunn. En að sjálfsögðu vonumst við eftir sigri. Við höfum engar staðreyndir bakvið þessar vonir en við höfum þó það að við erum allir að koma til. Tveir glæsilegir útisigrar í röð er eitthvað sem maður var búinn að gefa upp alla von að myndi gerast í vetur. Everton og Bolton eru svipuð að mörgu leiti því leikur þeirra beggja snýst um að ná tökum á miðjunni. Við gáfum Everton ekkert eftir í síðasta leik á miðsvæðinu þannig að ég býst við að við ættum að geta staðið í Bolton þar líka. En fyrir fram sætta líklega bæði lið sig við jafntefli. Jafntefli er vissulega ásættanleg úrslit fyrir okkur. En maður veit líka að ef að leikmenn Spurs eiga góðan dag munu þeir geta unnið þá. Það er náttúrulega það sem blundar í manni.

Liðið
------------------------Robbo----------------------
Chimb.---------Dawson------Gardner--------Lee
Lennon---------Zokora--------Jenas----------Tainio
------------------Keane--------Berbatov------------

King, THUDD og Mido eru meiddir. Gardner er eitthvað tæpur líka og fer í síðbúna læknisskoðun fyrir leik. Ef hann nær ekki að spila mun að sjálfsögðu Rocha taka sæti hans. Ég vona þó að Gardner verði með því Rocha hefur ekki verið að finna sig í þeim leikjum sem ég hef séð. Ég held að Tainio verði áfram á vinstri vængnum þar sem okkur vantar baráttuhunda í leikinn. Ef Defoe er búinn að fá almennilega sálfræðiaðstoð mun hann kannski byrja. Við þurfum virkilega að hafa Defoe í lagi og ég vona að hann sé að ná sér. Annars held ég að þetta sé nokkuð eftir bókinni.

Ég spái leiknum 3-2. Mér líkar það að sem virðist vera að gerast núna hjá Jol. Hann er búinn að átta sig á því að við erum ekki með mestu fautana í okkar liði og því þýðir ekkert að bakka um leið og við náum forustu. Styrkur okkar er meiri fram á við heldur en í vörninni, svo ég tali nú ekku um þegar fyrirliðinn Ledley King er meiddur. Ég spái því að Bolton byrji leikinn aftarlega en um leið og við skorum fyrsta markið mun leikurinn galopnast og bæði lið byrja að spila sóknarbolta.

Dómari leiksins er hinn umdeildi Graham Poll.

Coys!

Everton 1 - Tottenham 2 !!!

2007-02-21T22:19:00.000Z

Jeeeeeeeeeessssssssss!!!!

Nú er gaman að vera Spursari. Ef leikurinn gegn Fulham var sætur þá veit ég ekki hvaða lýsingarorð hægt er að nota um þennann leik. Það er nokkuð ljóst að það verður erfitt að festa svefn í nótt sökum adrenalínflæðis. Annar útisigurinn í deildinni staðreynd og fyrsti sigur okkar í 7 vikur í PL. Það sem gerir þetta kannski enn sætara er að við vorum ekki vinna eitt af botnliðunum á útivelli heldur lið sem stefnir á UEFA sæti í deildinni.

Þetta var kannski ekki okkar fallegasti leikur. Leikurinn var eiginlega barátta um miðsvæðið allann leikinn. Menn voru að gefa lélegar sendingar sem vill gerast við þær aðstæður. Hvorugt liðið náði undirtökunum í leiknum. Hinsvegar kom mér á óvart að Everton virtist vera búið að sætta sig við jafnteflið þegar líða fór á seinni hálfleikinn. Þeir voru ekki að taka neina sénsa fram á við eða neitt slíkt. Einhvernveginn fannst mér eins og við værum frekar að freista þess að skora eitt í lokin.

Þegar við vinnum útileiki gegn liði í efrihelmingnum er mér samt nokk sama þó við spilum ekki sambabolta. Gleðin sem fylgir sigrinum yfirskyggir allt annað. Ég vona nú að allir séu tilbúnir að taka sér frí frá allri neikvæðni á þessum tímapunkti og séu tilbúnir að tala vel um liðið sitt. Þetta er heldur betur tíminn til þess!!!

Til hamingju allir Spursarar með sigurinn og njótið hans sem allra best.

(Tala kannski betur um leikinn seinna þegar mesta víman er runnin af mér!)

Everton - Tottenham

2007-02-20T20:52:00.000Z

Þá er komið að enn einum útileiknum, eða þeim þriðja í röðinni. Á morgunn tökum við á móti Everton í leik sem átti að fara fram fyrr í vetur en varð frestað. Ég óttast margt við þennann leik. Leikmenn þurfa að koma sér niður á jörðina og halda einbeitingu og stuðningsmenn búast kannski við annari eins framistöðu og í síðasta leik.

Það er í raun svolítið sárt að fá ekki að njóta sigursins í síðasta leik aðeins lengur. En þá er bara að vona að við getum haldið gleði okkar áfram eftir morgundaginn. En það er langt því frá að við eigum auðveldan leik fyrir höndum. Þó svo að við höfum unnið 0-4 á útivelli í síðasta leik skulum við átta okkur á því að það var einn leikur. Reynslan í vetur sýnir okkur að það er frekar undantekning að við vinnum leik á útivelli. Það skal enginn vanmeta Everton. Þeir tóku okkur algjörlega í bakaríið á WHL í upphafi tímabilsins og hafa verið að spila vel í vetur. Ég lít svo á að jafntefli sé bjartsýnisspá en sigur er draumur og draumar geta ræst.

Everton er taplaust í síðustu 4 leikjum í deildinni og unnu síðasta leik gegn Blackburn á heimavelli og gerðu jafntefli í þarsíðasta leik gegn LFC á Anfield. Við höfum hinsvegar ekki unnið leik í PL í tæpa tvo mánuði. En til að hljóma ekki of svartsýnn skal þess getið að þarsíðasti leikur þeirra á heimavelli í PL endaði 1-1 gegn Reading. Svo má einnig bæta því við að við höfum unnið á Goodison Park síðustu tvö tímabil.

Liðið
--------------------------Robbo-------------------------
Chimb.----------Dawson----Gardner------------Lee
Lennon---------Zokora-----Jenas--------------Steed
------------------Keane------Berbatov-----------------

Já spái bara tveimur breytingum frá liði síðasta leiks. Spái því að Jenas komi inn úr leikbanni í stað Tainio og Berbatov inn fyrir Mido. King og Ekotto eru meiddir þannig að það er bara spurning um hvort Rocha komi inn, að öðru leiti er vörnin nokkurnveginn sjálfskipuð. Ég útiloka ekki að THUDD komi inn í liðið eða Defoe fái að byrja. Jol verður auðvitað að taka púlsinn á leikmönnum og sjá hvort menn séu líkamlega tilbúnir í leikinn. Það er auðvitað bara tveir dagar á milli leikja þannig að það má vera að einhverjir séu enn þreyttir.

Eins og ég segi þá er jafntefli fyrirfram mjög góð úrslit. En við þurfum að fara ná nokkrum frábærum úrslitum ef við eigum að eiga einhverja möguleika á evrópusæti gegnum deildarkeppnina. Eins frábært og síðasti sigur var þá mun sigur í þessum leik ekki slá á þá gleði. En ég sætti mig mjög vel við jafntefli.

Þeim sem vilja lesa meira geta lesið upphitun frá því fyrr í vetur HÉR

COYS!

FULHAM 0 - SPURS 4 !!!!!!!!!!

2007-02-18T18:12:00.000Z

Ef það var erfitt að gera upphitun fyrir leikinn, þá er þetta enn erfiðara. Hvaða lýsingarorð eru nógu sterk til að lýsa því sem gerðist í dag? Þetta var líklega flottasta comebackið sem ég hef orðið vitni af sem stuðningsmaður Spurs. Eftir að hafa hrapað harkalega á botninn í síðasta leik og með ömurlegan árangur á útivöllum tókum við úrvalsdeildarlið Fulham og lékum okkur að þeim. Í síðasta leik átti spilaði ekki nokkur maður ásættanlega. Í dag hinsvegar áttu allir leikmenn liðsins frábærann dag. Meira að segja Robinson spilaði stórkostlega. Þetta var hans besta framistaða í vetur.

Chimbonda og Dawson voru frábærir. Gardner var meira að segja mjög góður. Hafandi fylgst með Gardner í nokkur ár held ég að hann sé að komast á hátind ferilsins. Hann hefur verið að koma mér þó nokkuð á óvart í þeim leikjum sem ég hef séð hann spila undanfarið. Lee átti meira að segja góðann leik. Hann var sífellt að bjóða sig og hljóp mikið án boltans og var bara stórgóður. Lennon var stöðugt að ógna og skapa. Við meigum einfaldlega ekki við því að hann sé mikið fjarverandi. Tainio barðist til síðasta manns og ég dáist af baráttunni hjá honum í leiknum.

Zokora var að mínu mati maður leiksins ásamt Keane. Ég ætla ekki að gera upp á milli þeirra enda voru þeir báðir geggjaðir í dag. Ég veit ekki hvort menn taki eftir vinnunni hans Zokora því hún er ekki mjög áberandi. Hann er ekki að hlaupa í alla menn eins og Davids. Hann er ekki að hoppa í tæklingarnar og svona heldur er hann alltaf mættur í hjálparvörnina og lokar sendingaleiðum með staðsetningu sinni. Svo er hann með gífurlegann hraða sem ég held að allir hafi séð í dag. Frábær leikur og solid tía. Steed var líka mjög fínn í dag. Hann var síflellt á harðahlaupum. Hann verður allavega ekki sakaður um áhugaleysi eða leti í leiknum. Mido var mjög góður í dag. Hann gerði nokkur mistök, en ekkert afdrifaríkt. Þegar við vinnum 0-4 á útivelli brosir maður bara af svona hlutum. það er engin ástæða til þess að horfa á einhver mistök sem skiptu svo engu máli. Hins vegar var hann sífellt að berjast og maður sá að hann vildi vinna traust þjálfarans á nýjann leik. Þannig að ég er mjög sáttur við innkomu hans í liðið, hann lagði upp 1 eða 2 mörk og því ekki yfir neinu að kvarta.

Keane var hinsvegar magnaður í dag. Sá ætlaði sér að vinna leikinn. Hann var á endalausum hlaupum og sýndi svipaða takta við mark andstæðinganna og hann gerði í fyrra. Hann var valinn maður leiksins á Sky Sport og á það fyllilega skilið. En eins og áður segir deilir hann þeim titli með Zok hjá mér.

Berbatov kom inná fyrir Mido og sýndi af hverju hann er enn striker nr.1 hjá okkur. Þrátt fyrir ævintýralega innkomu fannst mér hann ekkert vera að leggja of mikið á sig. Mér fannst einhvernveginn að hann gæti ef hann vildi skorað nokkur í viðbót. Þetta eru auðvitað gullhamrar en ekki gagnrýni.

Gahly: Er alveg magnaður leikmaður. Hann er svo óútreiknanlegur að það er ekki eðlilegt. Í dag kom hann inn með frábæra takta og ég tók ekki eftir einni feilsendingu hjá honum (það gæti þó verið vitleysa). Hann átti mjög góða innkomu í dag.

Jol: Ég verð nú að gefa honum hrós einnig. Ég ætla ekki að gefa honum kredidið fyrir baráttunna og sigurviljann. Það eiga leikmenn skuldlaust. Hinsvegar verð ég að gefa honum kredid fyrir allt annað. Hann valdi hárrétt byrjunarlið, hann og Hughton hafa lesið Fulham eins og opna bók enda búnir að keppa við þá tvisvar í deildinni. Hann hitti á hárrétta blöndu. það sem hann á þó mest hrós skilið fyrir voru ákvarðanir hans í seinnihálfleik. Í stöðunni 0-2 óttaðist ég að við myndum detta til baka og fjölga í vörninni eins og vaninn er og missa leikinn niður í jafntefli eða tap. Jol hinsvegar hélt áfram áherslunni á sóknarleikinn með því að skipta út sóknarmanni fyrir sóknarmann. Hefði Jol fært liðið aftur eins og hann er vanur hefðum við verið dauðadæmdir. Við hefðum ekkert ráðið við þá hefðum við boðið þeim í bardaga á okkar vallarhelming. þannig að Jol á hrós skilið.

Ég ætla að vona að allir séu nú yfir sig ánægðir með leikinn og reyni að einbeita sér að því að finna allt sem vel var gert í leiknum. það er svo miklu skemmtilegra, sérstaklega þegar maður hefur beðið svona lengi.

Til hamingju allir Spursarar nær og fjær og ég vona að þið njótið þess sem lengst og best!

Fulham - Spurs (FA 5.umf.)

2007-02-17T19:42:00.000Z

Hvernig gerir maður upphitun á þessum tímum? Ég í raun veit ekkert hvað er í gangi. Mér langar að segja að við eigum að vinna Fulham, en í ljósi þess sem undan er gengið er erfitt að færa rök fyrir því. Það er enginn vafi hjá mér að við erum á pappírunum sterkara lið. En við erum að fara spila á útivelli sem er virðist vera ávísun á tap eða jafntefli. Við höfum spilað tvo leiki við Fulham í vetur án þess að sigra. Við höfum auk þess ekki náð að sigra Fulham á útivelli í heil 5 ár! Við höfum ekki unnið leik í þrjár vikur og aðeins unnið tvo leiki gegn neðrideildarliðum í síðustu 11 leikjum. Við unnum síðasta leik gegn liði í efstu deild á annann í jólum.

Ég spyr því sjálfann mig að því hversu mikið sé nóg? Hvenar ná leikmenn botninum? Ég ætla því í bjartsýni minni að segja að leikmenn séu búnir að ná botninum og höfði til stolts síns. Ef að leikmenn sjá ástæðu til að vinna leikinn munu þeir gera það ef ekki, þá halda ófarirnar áfram. Ef við lítum aðeins betur á bjartarihliðar málsins má segja að við höfum enn ekki tapað fyrir Fulham í vetur.

Liðið:
---------------------------Robbo------------------------
Chimbonda------Dawson---Gardner-------Ekotto
Lennon-----------Zokora----Tainio---------Steed
--------------------Keane-------Berbatov--------------

King er meiddur sem fyrr og Defoe og Jenas taka út leikbann í þessum leik. Ég set Gardner þarna inn í stað Rocha sem spilaði síðasta leik. Ég geri það ekki vegna óbilandi trú minni á hæfni Gardners heldur frekar vegna vonbrigða með spilamennsku Rocha í þeim leikjum sem ég hef séð hann spila. Oft snýst þetta líka um að leikmenn nái saman, og Gardner og Dawson ná bara betur saman. Ég er ekkert 100% á að Ekotto spili enda er hver einasti maður sem spilaði síðasta leik í hættu á að missa sæti sitt. Lennon er orðinn frískur af veikindum og er því nánast öruggur inn. Zokora, THUDD og Tainio munu berjast um þessar tvær stöður á miðjunni. Ég veit í raun ekkert hvað er besta teymið þarna og treysti því Jol 100% fyrir því. Framherjarnir eru svo nánast sjálfskipaðir fyrst Defoe er í banni. Það er líka ágætt að Defoe skuli vera í banni þannig séð. Hann þarf að vinna mikið í sjálfum sér og helst með aðstoð fagaðila. Mér hefur virst hann vera á barmi taugaáfalls vegna bræði í undanförnum leikjum. Hann þarf að fara beina þessum skapofsa inn á jákvæðari brautir.

Ég get ekki ýmyndað mér annað en að leikmenn vilji vinna leikinn. Ef leikmenn okkar hafa einhverja sál og hjarta og eitthvert keppnisskap iða þeir í skinninu efitir að komast út á völlinn. Það þarf ekkert að útskýra stöðunna fyrir fullorðnum mönnum og því finnst mér með öllu óþarft að Jol komi inn í klefann til þeirra sem einhver klappstýra. Ég spái þessu 1-2 fyrir okkar mönnum en hef í bakhöndinni að jafntefli er ásættanlegt þó það sé ekki það sem ég óska mér. Ég held áfram að leita af ljósum punktum í okkar leik og vonandi verða þeir einhverjir á morgunn.

Dómari leiksins verður Mark Halsey.

COYS!

Blades 2 - Tottenham 1

2007-02-10T17:26:00.000Z

Úff! Þetta er erfitt. Í fyrsta skipti í langann tíma get ég ekki verið jákvæður. Til þess að vera jákvæður þarf liðið allavega að sýna manni einn ljósann punkt sem maður getur svo röflað endalaust um. Í leiknum í dag sá ég ekkert jákvætt. Það var enginn leikmaður sem spilaði vel. Hugsunin "ef við getum ekki unnið Sheffield á útivelli, þá munum við ekki sigra meira á útivelli í vetur" er bara nokkuð rökrétt. Það var ekkert sem benti til þess að leikmenn vildu vinna leikinn. Þessi ósigur var engin óheppni. Leikurinn var ekki þannig að við vorum betri aðilinn en tókst ekki að skora. Við vorum bara langt um lélegri aðilinn í leiknum.

Það var ansi erfitt að hafa Man U. leikinn á sjónvarpinu við hliðina. Þó svo þeir hafi ekki átt sinn besta leik voru leikmennirnir þó á þeim buxunum að vinna leikinn. Það sem sýndi það kannski best var að þegar leikmaður fékk boltann voru minnst 4 samherjar hans á harðahlaupum til að spila sig fría. Hjá okkur var þetta ekki svona. Það var bara leikmaðurinn sem var með boltann sem hreyfði sig. Andstæðingarnir voru fljótir að loka sendingaleiðum. Það er ekki erfitt þegar allir standa bara og horfa á. Þetta pirraði mig gríðarlega.

Ég bara skil ekki hvað vandamálið er? Hafa leikmenn ekki trú á sjálfum sér? Ég vona að það sé ekki vandamálið. Því ef menn hafa ekki trú á að þeir geti unnið Sheffield, þá er ástandið virkilega slæmt. Þá erum við að tala um að leikmenn séu bara veruleikafirtir og þurfi að komast undir hendur sérfræðinga sem fyrst.

Vantar sigurviljan? Ekki væri það nú skárra. Þegar ég keppi í einhverri íþrótt tek ég það ekki mál að tapa. Ég er mjög tapsár og það er ekki til í mínum huga uppgjöf í íþróttum. Þrátt fyrir það fæ ég ekki milljónir á mánuði. Ef menn hafa ekki sigurvilja eiga þeir ekkert erindi í atvinnufótbolta.

Ég kíkti á spurs.is áðan og í fyrsta skipti í langann tíma var ég sammála flestum um þennann leik. Menn eru eitthvað að vellta sér uppúr því hvað Jol muni segja við fjölmiðla. Í rauninni gæti mér ekki verið meira sama hvað hann segir við fjölmiðla. Það sem hann segir við leikmenn skiptir miklu meira máli. Það var augljóst af svipbrigðum Jol í leiknum að hann á margt ósagt við leikmennina. Þessi annars glaðbeitti hlýlegi maður leit út eins og hann væri að stíga inn í boxhringinn. Kannski er það það eina sem er jákvætt við þennann leik, þó það dugi mér skammt.

Ég ætla þó að hafa þetta eina neikvæða póstinn að sinni. Ég mun halda aftur í bjartsýnislandið um leið og mér er runnin reiðin.

Sheffield Utd. - Tottenham

2007-02-10T00:29:00.000Z

Jæja það verður engin alvöru upphitun núna. Ég einhvernveginn held að það þurfi ekkert að peppa menn upp fyrir þennann leik. Nú er mjög raunhæfur möguleiki á öðrum útisigrinum á tímabilinu. Ég held að það sé bara nokkuð öruggt að við náum þeim sigri á gegn þeim. Það er allavega ljóst að ef leikmenn mæta ekki í þennann leik til að sigra, þá erum við í vanda. Það er allavega nægar ástæðurnar til að fara á fullum krafti inn í þennann leik. Við höfum orðið fyrir nokkrum áföllum upp á síðkastið. Við duttum út úr CC í síðustu viku og vorum svo teknir í bakaríð á móti Man U. Leikmenn hljóta að dauðskammast sín vegna útivallarárangursins í vetur. Leikmenn hafa nú haft tíma til að safna kröftum því síðasti leikur var fyrir rétt tæpri viku. Þannig að leikmenn hljóta að vilja sigur meira en nokkuð annað. Þó Sheffield sé sýnd veiði en alls ekki gefin á heimavelli sínum eigum við að vinna þá. Það er bara ekkert öðruvísi.

Í rauninni er ég svo sigurviss að ég efast um að ég geti haldið dvöl minni í bjartsýnislandi áfram ef við töpum. Ég skal meira að segja lofa neikvæðni ef við töpum!!! En ég þarf ekkert að óttast, við munum vinna. Annað væri allavega hrikalegt áfall. Ég spái þessu 0-2 fyrir okkur. Ég ætla sleppa því að giska á liðið þar sem ég sá ekki síðasta leik og finnst því erfitt að giska af einhverju viti. Ég vona líka að menn fagni sigrinum því þrjú stig hvernig sem þau nást eru þrjú stig.

Usssss. Búinn að "Jinxa" svakalega núna :)

Á að reka Jol?

2007-02-07T10:40:00.000Z

Jæja ég get því miður lítið fjallað um síðasta leik þar sem ég missti af honum. Þess vegna ætla ég að skrifa um það sem virðist vera eitt af heitustu málunum í dag.

Þeim fjölgar ört sem segja að tími Jol hjá félaginu eigi að líða undir lok hið fyrsta. Ég er svo sannarlega ekki á þeim buxunum og er alveg pollrólegur yfir þessu öllu saman. Segjum sem svo að við lendum í 10 sæti í pl og dettum út í næstu umferð FA cup og dettum út í næstu umferð UEFA. Ég yrði sem stuðningsmaður auðvitað mjög sár. En ég myndi samt vilja sjá Jol taka annað tímabil. Nú eru eflaust margir sem lesa þetta búnir að frussa kaffinu eða gosinu yfir tölvuskjáinn. Mér er þó fúlasta alvara. Ég lít þannig á að góðir hlutir gerist hægt. Það eru svo til þeir menn sem líta þannig á að góðir hlutir gerist með gjörbyltingu og stórum stökkum. Það er mín skoðun að sá hópur vilji Jol burt. Mér langar að segja ykkur sem viljið meina að Jol eigi að taka pokann sinn smá dæmisögu. En byrjum á að fara aðeins yfir það sem gerst hefur í tíð Jol (þið áttið ykkur á feitletruninni þegar á líður lesturinn):

Martin Jol tók við þjálfarastöðu Spurs þann 5 nóv 2004. Eins og menn vita byrjar tímabilið í ágúst þannig að menn voru á því að hann þyrfti tíma með liðinu til að ná árangri. Lokaárangurinn það tímabilið var viðunandi en ekkert meira en það. Við lenntum í 9 sæti og þótti það bara ásættanlegt miðað við aðstæður, og árangur undangengin ár.

Jol verslaði svo töluvert af ungum leikmönnum eftir tímabilið auk þess að kaupa nokkra stórlaxa á borð við Edgar Davids og Jenas. Árangurinn í deildinni lét ekki á sér standa þrátt fyrir að aðra sögu væri um bikarkeppnina að segja. Á örðu tímabili sínu með klúbbinn náði Jol besta árangri Spurs í deild í fjöldamörg ár. Stuðningsmenn Spurs voru sannfærðir um að nú værum við loksins kominn með mann í brúnna sem gæti leitt okkur inn í nýtt glory tímabil.

Um sumarið voru svo keyptir nokkrir leikmenn sem voru í hæsta gæðaflokki. Leikmenn eins og Berbatov og Zokora sem voru undir smásjánni hjá mörgum af stórliðum evrópu voru fengnir til liðs við okkur. Tímabilið fór þó ekki vel af stað. Við unnum þó okkar stærsta sigur í mörg ár þegar við unnum Englandsmeistarana (stórsigur er að mínu mati ekki alltaf spurning um markamun). En við urðum líka niðurlægðir af erkifjendunum (3-0 tap). Þrátt fyrir að hafa náð í undanúrslit í bikarnum er enn óánægja. Stuðningsmenn gagnrýna leikmenn og þá helst landsliðsmarkvörðinn Paul Robinson sem er kennt um ansi mörg mörkin. Menn eru orðnir þreyttir á endalausum afsökunum hans Jol. Stuðningsmenn eru nú þegar u.þ.b 2-3 eru liðnir af þriðja tímabilinu hans Jol farnir að krefjast uppsagnar hans.

Ég held að þetta sé allt satt og rétt hjá mér. Þetta minnir ykkur kannski eins og mig á eitthvað sem áður hefur gerst á Englandi. Þetta er eiginlega svo líkt einhverju að það jaðrar við einhverju yfirnáttúrulegu. Hvað er Sicknote að fara? Jú ég skal rifja upp fyrir ykkur svolítið sem gerðist fyrir rúmum 20 árum síðan hjá Manchester United.

Þann 6 nóv. 1986 var maður að nafni Alex Ferguson ráðinn til Manchester Utd. Eins og menn vita byrjar tímabilið í ágúst þannig að menn voru á því að hann þyrfti tíma með liðinu til að ná árangri. Lokaárangurinn það tímabilið var viðunandi miðað við aðstæður. 11 sætið var lokaniðurstaðan.

Ferguson verslaði svo töluvert af ungum leikmönnum eftir tímabilið auk þess að kaupa nokkra stórlaxa á borð við Steve Bruce og Brian McClair. Árangurinn í deildinni lét ekki á sér standa þrátt fyrir að aðra sögu væri um bikarkeppnina að segja. Á örðu tímabili sínu með klúbbinn náði Ferguson besta árangri Man U. í deild í fjöldamörg ár (2. sætið). Stuðningsmenn Man U. voru sannfærðir um að nú væru þeir loksins komnir með mann í brúnna sem gæti leitt Þá inn í nýtt glory tímabil.

Um sumarið voru svo keyptir nokkrir leikmenn sem voru í hæsta gæðaflokki. Þeirra bestur var eflaust Mark Huges. Á þessu tímabili gekk þeim illa í deildinni en komust þó í undanúrslit í bikarnum. En aðdáendur voru ekki sáttir því liðið endaði í 11 sæti deildarinnar.
Næsta tímabil byrjaði ekki vel þó þeir hafi unnið þeirra stærsta sigur í mörg ár þegar þeir unnu Englandsmeistarana (Arsenal 1 - Man U. 4). En þeir urðu líka niðurlægðir af erkifjendunum (5-1 tap gegn Man. City). Stuðningsmenn voru ákafir í að kvarta undann leikmönnum liðsins og þar fékk markmaðurinn sérstaklega slæma útreið. Jim Leighton sem var landsliðsmarkvörður á þeim tíma var kennt um mörg mörkin sem hann fékk á sig. Þegar leið á Janúarmánuð (1990) voru stuðningsmenn Man U. farnir að krefjast uppsagnar Ferguson, enda orðnir langþreyttir á endalausum afsökunum hans í fjölmiðlum. Menn gengu svo langt að mæta með spjöld á Old Trafford með slagorðunum "Three years of excuses and it's still crap. Ta ra Fergie." Fjölmiðlar voru farnir að efast um hæfni Fergie og fyrir stuttu kom það í ljós að leikur Man U. í fjórðu umferð FA cup gegn Notthingham Forrest hafi verið mikilvægasti leikur Ferguson á ferlinum þar sem úrslit hans myndu skera úr um framtíð hans. Á þessu fjórða tímabili gekk þeim hroðalega í deildinni en ágætlega í bikarnum (unnu FA.).

Í dag hugsa ég að margir glotti við tönn þegar þeir lesa um það að Ferguson hafi á þeim tíma verið talinn óhæfur stjóri af stuðningsmönnum sínum. En eins og við vitum eru margir fljótir að snúa baki við þjálfara sínum þegar í harðbakkann slær. Það er það sama að gerast hjá okkur núna. Ég vill þó taka það skýrt fram að það eru enn til þeir stuðningsmenn sem styðja Jol í starfi sínu, þannig að þetta á ekki við um alla. Til þess að sýna það enn betur hversu menn eru fljótir að snúa baki við þjálfara sínum má nefna að í fyrra kröfðust margir stuðningsmenn Man U. afsaknar Ferguson eftir að hafa hrakið Keane frá félaginu og liðið var mjög snemma slegið út úr CL gegn Benfica. Stuðningsmenn Man U. voru fljótir að finna blóraböggul og á margra vörum voru orðinn "Hann er bara búinn að missa það" eða "Honum finnst hann bara vera orðinn stærri en klúbburinn". Þessar raddir þögnuðu á meðan allt lék í lyndi það sem eftir var tímabils. Þessar raddir spruttu svo aftur upp í sumar þegar ljóst var að Ferguson hafði aðeins keypt einn stórlax. Í dag hlæjum við aftur af stuðningsmönnum Man U. á meðan við gerum nákvæmlega það sama í okkar herbúðum. Það er að snúa baki við þjálfaranum þegar illa gengur.

Þó svo að ég sé að benda á að einn af albestu þjálfurum í sögu PL (að mínu mati) hafi byrjað á nákvæmlega sama hátt og Jol (fyrstu 4 tímabil fergie eru eins og fyrstu 3 hjá Jol) er ég ekkert að staðhæfa að Jol sé næsti Ferguson eða eitthvað slíkt. Ég bendi á þetta til að sýna að stuðningsmenn eru oft of fljótir á sér að dæma þjálfara úr leik.

Í meira en áratug höfum við haldið okkur við að ráða þjálfara og reka þá á tveggja ára fresti og stunum hafa meira að segja þjálfarar ekki náð að klára heilt tímabil áður en þeir eru reknir, krafðir uppsagnar eða taka pokann sinn. Þetta hefur skilað okkur mjög lélegum árangri. Þjálfarar hafa hugsað um skyndilausnir til að redda málunum. Þeir hafa verið að kaupa leikmenn sem eru að spila sín síðustu ár í boltanum og fást því ódýrt eða góða leikmenn sem eru alltaf meiddir.

Hér höfum við þjálfara sem hefur sýnt að hann hefur það sem til þarf til að ná árangri. Hann horfir til framtíðar með kaupum á ungum og efnilegum leikmönnum. Hann er fyrsti þjálfarinn í fjöldamörg ár sem hefur framtíðarsýn á stefnu félagsins og leikskipulag. Fyrir mitt leyti er ég tilbúinn að gefa Jol tíma. Þegar ég segji tíma þá er ég ekki að tala um næstu 5 leiki heldur alvöru tíma. Ég er tilbúinn að endurmeta stöðuna á næsta tímabili. Ég er í hjarta mínu sannfærður um hæfni Jol til að stjórna Spurs. Hann er búinn að gera mjög miklar breytingar á liðinu og er að byggja það upp. Það tekur tíma og ég er tilbúinn að gefa honum tíma til að koma Spurs aftur í fremstu röð. Á meðan hann er að byggja upp gott lið sé ég ekki vandamálið. Ef Jol fer á næstunni mun hann skilja eftir sig frábært lið, það er meira en nokkur framkvæmdarstjóri hefur geta gert í áraraðir. Mér finnst að á meðan hann er að byggja upp og taka til í félaginu sé engin ástæða að örvænta. Í versta falli myndi þá nýr þjálfari taka við frábæru búi svona eins og Benitez gerði þegar hann tók við af Houlier. Við erum búnir að prófa það í einhver 15 ár að gefa þjálfurum stuttann tíma og reka þá svo. Það hefur engu skilað. Af hverju ekki að breyta til og prófa að hafa þjálfara í 5 ár og sjá hvort það skili ekki einhverju þó það taki 2-4 tímabil. Svo fremi að við séum ekki að fara taka þátt í botnbaráttunni á þeim tíma.

Já og á meðan ég man. Ég á auðvitað eftir að fá kommentið um það að okkur vantar stöðugleika, og Jol er ekki að koma með neinn stöðugleika inn í liðið. Well! Mér skilst að síðast þegar liðið bjó við stöðugleika var Terry Venables við stjörnvölin. Síðan eru liðin 16 ár!!! Á þessum 16 árum erum við búnir að hafa 9 þjálfara. Þetta fær mann til að hugsa. Hvernig fáum við stöðugleika??? Í mínum huga er svarið ofureinfalt. Stöðugleiki fæst ekki með sífeldum breytingum, það liggur bara í hlutarins eðli. Með því að láta Jol róa erum við komnir á byrjunarreit aftur og nýr þjálfari kemur í hans stað og fær of stuttann tíma til að mynda stöðugleika og verður rekinn. Mér hryllir við tilhugsuninni um að félaginu sé ef til vill stjórnað af skammsýninni einni saman. Mig hryllir við þeirri tilhugsun að Spurs sé stjórnað af ámóta sirkusstjórn og er hjá Real Madrid.

Nú man ég eftir enn öðru sem ég myndi örugglega fá komment út af. Það eru ummæli Jol eftir leiki. Það eru allir að gagnrýna Jol vegna ummæla á borð við "we have to step up" og "we have to learn from our mistakes" eftir tapleiki. En ég spyr, skiptir einhverju máli hvað hann segir við fjölmiðla og hvað viljið þið að hann segji? Ég sé þessi tvö ummæli sem nákvæmlega það sem ég vill heyra. Ef við gerum mistök þá er það besta sem hægt er að gera úr því sem komið er að læra af þeim. Ef við erum ekki að spila nægilega vel er þá ekki það besta sem liðið getur gert að "step up" eða taka sig taki? Hvað vilja menn eiginlega að hann segji í fjölmiðlum? Á hann að væla eins og Wenger og Morinho? Á hann að segja að hann sjái engin vandamál og skilji því ekki spurninguna? Á hann að hella sér yfir leikmenn í fjölmiðlum í hvert skipti sem einhver á ekki stórleik? Ég vona að menn átti sig á því að það sem Jol segir í fjölmiðlum er ekki það sama og hann segir við leikmenn. Hann mætir ekki á fund með leikmönnum og segir "I thought we played well, but we have to learn from our mistakes" fundi slitið. Þannig að ég sé ekkert að þessum ummælum hans.

Hafið bara þetta í huga (stolið):
Veikleiki súperman er kriptonít. Martin Jol hlær að súperman fyrir að hafa veikleika.

Smávægileg meiðsli.

2007-02-05T23:21:00.000Z

Því miður hef ég ekkert getað póstað upp á síðkastið þar sem blessað bakið gaf sig á sunnudaginn. Ég er því rúmmliggjandi og get mig hvergi hreyft og engin er fartölvan. Þetta er ekkert alvarlegt held ég og ég vonast eftir að vera risinn úr rekkju innan nokkurra daga, og þá verður haldið áfram að herja á ykkur með jákvæðninni. :)

COYS!

Tottenham - Manchester United

2007-02-03T20:50:00.000Z

Upphitun frá fyrri viðureign okkar á tímabilinu á Old Trafford

Já þá er komið að stórleik umferðarinnar. Við erum að fara keppa á móti efsta og ég leyfi mér að segja besta liði deildarinnar Manchester Utd. Það er í raun fátt sem ég get sagt sem ætti að vinna með okkur í þessum leik. Manchester átti auðveldann leik á miðvikudaginn gegn Watford sem þeir unnu 4-0 á meðan við áttum mjög erfiðann leik sem var framlengdur á miðvikudaginn. Á meðan leikmenn Utd. fögnuðu sigrinum láu leikmenn Spurs í sárum sínum yfir tapinu. Það ætti því að vera töluvert meiri stemming í búningsklefa gestanna. Maður var vanur að geta alltaf huggað sig við að við værum ósigrandi á heimavelli, en það er liðin tíð eftir að hafa tapað síðustu tveimur heimaleikjunum í deildinni.

Það er því lítil ástæða til bjartsýni fyrir þennann leik. En það er allt hægt í fótbolta og af þeim sökum ætla ég að spá okkur sigri (þó ég færi nú ekki að leggja aleiguna undir). Í besta falli höfum við náð botninum eftir að hafa dottið úr deildarbikarnum. Þá er leiðin bara upp á við. Var það ekki West Ham sem náði botninum fyrir leik sinn gegn Man U. og vann þá? Minnir það. Það sýnir okkur að þetta er ekki útilokað. Ég er að vonast eftir að leikmenn séu búnir að fá nóg af þessu rausi í stuðningsmönnum og ætli nú að snúa við blaðinu fyrir framan 30.000 stuðningsmenn sína. Ég vona að leikmenn sjái leikinn sem tækifæri til að fá uppreisn æru og leggi allt í sölurnar. Ég vona líka að Man U. sjái allt það neikvæða sem er í gangi hjá okkur og líti á Spurs sem auðvelda bráð (þ.e vanmeti okkur). Ef að þetta gengur eftir ættum við að eiga ágætis möguleika.

En hin hliðin á peningnum er auðvitað að leikmenn séu hvorki búnir að jafna sig andlega né líkamlega og við töpum illilega.

Liðið
-------------------Robbo-------------------
Chimb.-------Daws----Gardner-----Lee
Lennon------THUDD--Jenas------Steed
---------------Berbatov---Keane----------

Nú held ég að ég þurfi ekki að rökstyðja margt. Það er svosem allt eins líklegt að það verði Rocha sem spili við hlið Dawson. Rocha er ekki eins þreyttur, en ég er svolítið hræddur um að mistökin hans í leiknum gegn Arsenal sitji eitthvað í honum. Það er eitthvað sem Jol verður að meta. Lee er þarna því ég held að Jol líti á hann sem jafningja Ekotto og vilji því fá óþreyttan mann þarna inn. Það sama á við um THUDD hann vill frekar fá inn óþreyttan mann en að spila Zokora þó hann hafi verið mjög góður í síðasta leik. Ég set Jenas þarna inn þó svo að ég vilji helst ekki að hann spili. Jenas er nýstiginn upp úr meiðslum sem ég tel hafa orsakast af miklu leikjaálagi. Mér finnst það geta orðið afdrifarík áhætta á að láta Jenas spila svona stíft svo stuttu eftir að hafa stigið upp úr meiðslum. En ég held að fyrst Tainio er enn meiddur finnst Jol hann tilneyddur til að spila Jenas. Ég er á því að Jol spili Keane frekar en Defoe þar sem ég hef haft það á tilfinningunni að það sé eitthvað að hjá Defoe, eða hann sé kominn í lægð. Það er svo sem kannski heldur ekkert hægt að segja að Keane sé neitt í feiknar formi þessa dagana. Annars eru þetta bara getgátur og það kæmi mér ekkert á óvart þó Defoe spilaði, þetta er bara 50/50 í mínum augum.

Ef einhverjum finnst ég ekki hafa verið jafn jákvæður nú og oft áður er það af ásetningi gert. Ég vill ekki að menn verði of kröfuharðir um sigur eða jafntefli á morgun. Ég vona að ef við náum jafntefli á morgun verði hátíð hjá okkur. Sama þótt við höfum átt eitt skot á markið eða 40, sama þó liðið hafi verið að spila vel eða ekki, sama þó að við hefðum átt að vera búnir að skora 5 mörk, sama þó Robbo hefði átt að verja skotið, sama þó Keane hafi klappað boltanum of mikið, bara sama hvað...

Dómari leiksins verður Mark Clattenburg. Sá hinn sami og dæmdi 3-1 sigurleikinn okkar gegn Wigan í nóv. En Clattenburg hefur verið ragastur allra dómara við að lyfta rauðaspjaldinu. Hann hefur aldrei gefið rautt spjald í þeim 17 leikjum sem hann hefur dæmt í PL.

Ég ætla spá því að Utd skori fyrst, því ef við gerum það þá eigum við eftir að detta til baka. Tottenham á svo eftir að jafna metin á 80 mínútu og Utd. fari í stórsókn og Lennon skori svo úr skyndisókn á þegar tvær mínútur eru eftir af leiknum. 2-1.

Mjög óraunhæft að spáin gangi eftir, en ef menn meiga ekki dreyma í "bjartsýnislandi", hvar þá? :)

COYS!

Arsenal 3 - Tottenham 1

2007-02-01T17:03:00.000Z

Jæja nú er komið að því að standa við það sem ég lofaði í gær. Mér finnst alltaf gaman að vera með aðrar skoðanir en fjöldinn, en í fyrsta sinn get ég nánast staðhæft að hver einasti maður sem les þetta á eftir að vera mér ósammála. Þetta þýðir ekki að ég hafi myndað skoðun mína eftir að hafa verið búinn að kanna skoðanir allra hinna. Þetta er bara einlægt mat mitt á leiknum í gær. Þó svo að ég reyni að vera jákvæður var margt sem miður fór í gær og margt neikvætt hægt að segja um leikinn. Ég bara nenni ekki að spá í það, og þess vegna sleppi ég því að mestu.

Arsenal vann leikinn í gær því þeir eru með betra lið en Spurs. Það er leiðinlegt að þurfa að viðurkenna það en svona er þetta bara. Við söknuðum alltof margra lykilmanna í gær. Það er bara einfalt mál að þó Arsenal hafi ekki verið með alla sína bestu menn í gær er hópurinn það svakalega breiður hjá þeim að þeir finna lítið fyrir því. Ef að King, Lennon og Berbatov eru ekki með er það hinsvegar massíf blóðtaka fyrir okkur, og veikir liðið okkar gríðarlega.

Þó það sé sárt að tapa fyrir Arsenal vorum við þó ekki niðurlægðir á vellinum. Arsenal gat ekki unnið okkur á WHL og þeir þurftu framlengingu til að leggja okkur á heimavelli. Hvorki Everton né Liverpool geta státað af því í þessari keppni.

Baráttan.
Mér finnst svo svakalega skrítið að lesa það hvað allir eru óánægðir með baráttuna í þessum leik. Það er nánast hver einasti Tottenhammaður á Íslandi sem tekur það fram að það hafi ekki verið barátta í liðinu. Ég er svo yfir mig ánægður með hvað liðið barðist vel bróðurpart leiksins. Það er eiginlega það sem ég er hvað ánægðastur með í þessum leik.

Horfum aðeins á staðreyndirnar fyrir leik:

Við gátum ekki unnið Arsenal á WHL
Við höfum verið hörmulegir á útivöllum í vetur
Við töpuðum síðasta leik á Emirates mjög sannfærandi 3-0
Okkur vantaði lykilmenn í liðið
Arsenal hefur unnið alla sína leiki í þessari keppni á 90 mínútum nema síðasta leik.
Arsenal er sjóðandi heitt lið með sjálfstraustið heldur betur í lagi.
Við erum það ekki.

Þegar allt þetta er skoðað þá var það ljóst að við þurftum að berjast til síðasta blóðdropa til að eiga möguleika á jafntefli. Það er ekkert á þessu tímabili sem bendir til þess að við hefðum átt að fara ansi létt í gegnum þennann leik. Því verð ég að hrósa leikmönnum okkar fyrir fyrstu 90 mínúturnar. Leikmenn sýndu karakter og baráttu í stöðunni 1-0 og náðu að uppskera mark. Það sem gerðist í framlengingunni vill ég meina að hafi verið þreyta. Ég vill meina að okkar leikmenn hafi einfaldlega verið búnir á því framlengingunni. Ég bara trúi því ekki að nokkur leikmaður hafi verið tilbúinn að gefast upp eftir að hafa lagt svona mikið á sig í leiknum og verið komnir svo langt í keppninni. Mér finnst eins og margir séu að gleyma því að það voru tvö lið að spila leikinn. Það er ekki eins og við höfum verið eina liðið á vellinum sem vildi vinna leikinn.

Leikmenn.
Mér fannst þó nokkrir leikmenn standa sig ansi vel í gær. Það voru líka leikmenn sem áttu slakan dag. Defoe og Keane voru alls ekki að standa sig í gær. En þeir hljóta að vita það best sjálfir.
Ég ætla hinsvegar að gefa mér aðeins betri tíma í þá leikmenn sem voru að standa sig vel.

Chimbonda: Ef reiknað er út hvaða leikmaður hljóp mest í þessum leik held ég að Chimp. hafi verið efstur á blaði hjá okkar mönnum. Hann verður alla vega ekki sakaður um áhugaleysi af mér.

Dawson: Einn besti maður vallarins. Maður var bara sallarólegur þegar Arsenalmenn sendu háu boltana fram. Dawson átti þá alla með tölu. Held að þetta sé örugglega einn besti varnarmaðurinn í loftinu í dag.

Gardner: Ekki það að hann hafi verið neitt frábær. Ég á bara alltaf von á svo rosalega litlu frá honum en hann hefur þó skilað aðeins meira en ég bjóst við.

Ekotto: Frábær leikur, skilaði varnarvinnuni rosalega vel og virkaði öruggur. Ég ætla vona að áróður minn varðandi Ekotto hafi verið til þess að menn gáfu honum gaum í leiknum.

Zokora: Er líklega sá maður ásamt Chimb. sem var með hvað mestu yfirferð í leiknum. Hann var í þessum leik að vinna þá vinnu sem Carrick var að vinna í fyrra, þ.e að detta til baka og aðstoða vörnina og spila upp boltanum þegar við vinnum hann. Hann gerði líka það sem Carrick gerði ekki, það er að taka þátt í sóknarleiknum. Mjög gaman að sjá hann vera koma sterkann inn.

Auðvitað er sárt að detta út þegar við erum komnir svona langt í keppninni. En einhvernveginn get ég ekki fengið mig til að snúa baki við liðinu. Ég er ekki viss um að ég myndi nenna að standa í að fylgjast með boltanum ef ég gæti ekki séð neitt gott í því sem liðið er að gera. Ef að það er eitthvað sem maður hélt að stuðningsmenn Spurs gætu frekar en stuðningsmenn annara liða, væri það að geta stutt liðið jafnvel þegar illa gengur. Maður hélt eftir öll þessi ár sem menn hafa horft upp á liðið klúðra málunum á síðustu metrunum væru menn komnir með skráp gagnvart því. En það er nokkuð ljóst að velgengnin í fyrra hefur spillt ansi mörgum.

Ef að það er eitthvað jákvætt við leikinn í gær er það einna helst það að þetta var besta tímabil okkar í deildarbikarnum í 5 ár. Ég óska liðsmönnum og stuðningsmönnum til hamingju með þann árangur.

Ögrandi umfjöllun á morgun.

2007-01-31T22:41:00.000Z

Klukkan orðin of margt og ég á eftir að gera svo mikið í kvöld þannig að ég þarf að geyma skoðun mína á leiknum til morguns. En bara til að setja línurnar strax, þá ætla ég mér að halda áfram að vera jákvæður í mínum skrifum, jafnvel þó að hlutirnir gangi ekki upp eftir mínu höfði. Nú hugsa ég að svartsýnisseggirnir bíði spenntir eftir því að vita hvað ég sé jákvætt við leikinn :)

Arsenal - Tottenham (CC)

2007-01-30T17:18:00.000Z

Fyrri leikur

Tottenham 2 - Arsenal 2
Berbatov, 12 - Babtista, 63

Babtista (s.m), 20 - Babtista 77

Þeir sem lásu ekki upphitunina fyrir síðasta leik er bent á að kíkja á hana hér.

Nú er komið að mikilvægasta leik okkar á tímabilinu til þessa. Í þessum leik ræðst það hvort það verður Arsenal eða Spurs sem spila til úrslita gegn Chelsea. Eftir að hafa aðeins náð jafntefli í gegn þeim á WHL í fyrri umferðinni og tapað á Emirates 3-0 fyrr í vetur er ekkert ósennilegt að stuðningsmenn Spurs séu ekkert alltof bjartsýnir. Ekki hjálpar það til að það virðist okkur með öllu ógerlegt að sigra leiki á útivelli. En ég er langt því frá svartsýnn á þennann leik. Ég er eiginlega frekar bjartsýnn á sigur í þessum leik. Nú er Babtista meiddur og gífurlega ólíklegt að hann spili þennann leik. Svo er Persie einnig meiddur þannig að ég held að Wenger fari ekki að splæsa Henry í þennann leik. Henry spilaði allann leikinn á sunnudaginn og Wenger lét hafa það eftir sér að hann væri orðinn ansi hræddur við leikjaálagið, enda er meiðslalistinn þeirra að stækka ansi ört þessa dagana. Ekki mun hann setja Hleb í liðið enda er hann meiddur. Rosicky og Adebayor spiluðu líka allann leikinn á sunnudaginn og þurfa að vera í toppstandi á laugardaginn auk þess sem styttist í að meistaradeildin fari aftur að rúlla.

Ég tel það skipta okkur gríðarlegu máli að Babtista verði ekki með. Maðurinn er náttúrulega búinn að skora 6 mörk samanlagt í síðustu tveimur leikjum í CC (reyndar 7 ef sjálfsmarkið er talið með:)).

Ég er nokkuð viss um að leikmenn leggi sig alla fram í þessum leik. Ég heyrði ansi skemmtilega setningu í útvarpinu í dag um landslið íslands í handboltanum. Þar sagði Siggi Sveins að "þegar menn eru komnir svona langt í keppninni þarf þjálfarinn ekkert að mótívera leikmenn." Það held ég að séu orð að sönnu. Ef að leikmenn okkar iða ekki í skinninu eftir leiknum þá er þetta vonlaust. Þannig að við getum alveg búist við að fá að sjá okkar leikmenn gera sitt allra besta. Þegar við spilum eins og vel og við getum tel ég að unglingarnir í Arsenal eigi ekki séns.

Liðið

---------------------Robbo------------------
Chimb.---Dawson----Gardner---Ekotto
Steed-----THUDD------Jenas------Lennon
-------------Defoe---------Mido--------------

Jæja eflaust einhverjir ekki sáttir við að sjá Gardner þarna í stað Rocha, og einhverjir ósáttir við að sjá Lennon á vinstri. Ég held einfaldlega að Gardner muni spila. Ég held Jol hugsi sem svo að Gardner veit upp á hár hvað er að gerast. Hann þekkir ríginn við Arsenal og veit hvað hann þarf að gera. Gardner er held ég líklegri til að spila með hjartanu fyrir klúbbinn. Gardner spilaði ekki síðasta leik þannig að hann ætti ekki að vera þreyttur. Ég er samt engann veginn að gefa það í skyn að Gardner sé betri leikmaður en Rocha. Það er ómögulegt að segja fyrirfram hvor leikmaðurinn er betri í þennann slag. En Dawson er pottþétt hinn miðvörðurinn í liðinu.

Lennon held ég að sé eiginlega bara betri á vinstri kanntinum en þeim hægri. Steed finnst mér betri á hægri en vinstri þannig að ég vona að þetta verði svona.

Ég held reyndar að Jenas muni ekki spila leikinn (set hann samt inn því ég vona það). Hann er nýkominn úr meiðslum og vann gríðarlega vel í síðasta leik. Mér finnst líklegra að Zokora verði þarna með THUDD. Ef Zok á annann leik eins og hann átti á laugardaginn verður miðjan ansi öflug með þá tvo.

Berbatov mun auðvitað spila ef hann verður fit. Ég reyndar efast um það þannig að ég set Mido þarna inn. Það er nokkuð öruggt ef að Berbatov spilar ekki að Mido spilar. Defoe mun spila þennann leik, pottþétt. Jol hvíldi hann á laugardaginn fyrir þennann leik.

Ég skal vera sáttur við að skíttapa fyrir Man U næstu helgi ef þessi leikur vinnst. Allavega vona ég að leikmenn fari nú ekkert að spara sig á morgunn. Þessi leikur er svo miklu mikilvægari en Man U leikurinn. Ég vona að menn séu ekki enn að horfa á hvernig seinnihálfleikurinn fór hjá okkur í fyrri leiknum. Ég vona frekar að menn horfi á hvernig við spiluðum fyrri hálfleikinn gegn þeim. Ef við náum að spila báða hálfleikina eins og þann fyrri erum við komnir áfram. Það er líka vonandi að Leikmenn Spurs séu búnir að finna tempóið eftir síðasta leik gegn Southend.

Ég spái leiknum 2-3 fyrir okkur. Arsenalmenn eiga svo eftir að vera brjálaðir vegna þess að það var klár rangstaða í einu marki okkar. þvílíkur draumur það yrði.

Fréttir og slúður.

2007-01-28T16:35:00.000Z

Jæja nú er félagaskiptaglugginn að fara loka (31 jan). Það er ávísun á að slúðurblöðin sleppi sér. Nú er talað mikið um að Crouch sé jafnvel á leiðinni. Ég er 95% viss á því að það muni aldrei gerast. Ég sé ekki gulrótina fyrir Crouch sem á að leiða hann í herbúðir okkar. Hann mun taka við hlutskipti Mido þ.e sitja á bekknum og koma inn í þessum ómerkilegri leikjum. Ég tel Crouch eiga meiri möguleika í að spila Kuyt (stafs) út úr liðinu heldur en að spila Berbatov út úr liðinu. Ég tel að þetta slúður sé tilkomið vegna þess Martin Jol hefur sagt að hann sé aðdáandi Crouch og slúðurblöðin hafa enn og aftur reynt að gera sér mat úr þessu.

Ætli allir hafi nú ekki heyrt brandarann með Bale. Hann er einhvernveginn svona:

Hvað kostar 17 ára unglingur hjá liði utan úrvalsdeildar?
Svar: 10 milljónir punda ~hahahaha~

Hvað ætli THUDD myndi þá vera metinn á? 40 milljónir punda og Lennon á 60 millur?

Ég man þegar Arsenal keypti Walcott í fyrra sagði Jol að verðið væri brandari. Ég er nokkurnveginn alveg sammála því. Það er auðvitað hægt að nefna fjöldamörg dæmi um leikmenn sem hafa verið keyptir á þessum aldri á svipuðu verði og hafa staðið undir væntingum. En þegar við horfum á leikmenn eins og King, Lennon, Huddleston og fleirri sem kostuðu aðeins brot af þessu verði sér maður að það framtíðin er óútreiknanleg. Ætli Lennon hefði verið seldur á undir milljón punda ef Leeds hefðu geta séð hversu góður hann ætti eftir að verða. Ætli THUDD hefði komið til okkar fyrir 1,5 milljónir ef menn hefðu getað séð það fyrir hvað hann ætti eftir að verða góður í Pl? Nei! Að kaupa svo unga stráka er alltaf áhætta sem annað hvort borgar sig eða ekki. Við erum ekki með sama fjármagn og Chelsea og því finnst mér mjög hæpið að fara henda 10 mills upp á von og óvon.

Mér er alltaf minnistæð þau orð sem ég heyrði frá einum spursaranum sem sagði mér að þegar Gardner var að stíga sín fyrstu spor í úrvalsdeildinni við hlið Campbells var talað um að Gardner hafi verið betri en Campbell var á sama aldri. Það er engin regla að menn verða bara betri með aldrinum þegar þeir eru unglingar.

Nú í dag var svo minnst á að Beattie gæti verið á leiðinni. Með fullri virðingu fyrir þeim manni segji ég "nei takk".

Svo er Davids farinn frá okkur til Ajax. Ég er mjög feginn því að hann hafi komið á sínum tíma. Það beindi svolítið augum manna að Spurs og við fengum okkar 15 mínútna heimsfrægð. En ég held að þetta hafi verið farsælast fyrir alla aðila. Davids fékk lítið sem ekkert að spila og hann ákvað að rotna ekki á bekknum heldur halda áfram að spila fótbolta. Þó hann hafi verið baráttuhundur og allt það held ég að frá honum hafi stafað leiðinlegur andi. Hann hefur tvisvar tekið reiðikast á Jol og tvisvar efnt til slagsmála meðal liðsfélaga sinna. Ég óska honum alls hins besta hjá nýju félagi og þakka honum fyrir þann tíma sem hann helgaði líf sitt Tottenham.

Tottenham 3 - Southend 1

2007-01-27T18:41:00.000Z

Já frábær 3-1 sigur í frábærum leik.

Jæja nú getur maður vonandi loksins fengið að lesa eitthvað af viti á netinu. Það má alls ekki líta á þetta sem einhvern skildusigur. Það er um að gera að nefna allt sem vel var gert í þessum leik og því vill ég fara yfir það mann frá manni.

Cerny: Það er hægt að telja leikina sem hann hefur fengið að spila í vetur á fingrum annara handar. Þrátt fyrir það átti hann mjög góðann leik og gerði engin afdrifarík mistök (þó samspil hans og Dawson hefði geta orðið afdrifaríkt í seinni hálfleik).

Stalteri: var nýstiginn upp úr meiðslum og byrjaði að æfa í vikunni. Hann hefur lítið fengið að spreyta sig í vetur og því bjóst ég við að hann yrði mjög slakur. Annað kom á daginn því hann var bara nokkuð góður. Það voru örfá skipti sem hann var svolítið óöruggur í vörninni en heilt yfir spilaði hann langt fram úr björtustu vonum.

Dawson: Miðað við hvað þessi maður er búinn að spila marga leiki í röð er hreint út sagt með ólíkindum að hann skuli hafa orku í að spila jafn vel og hann er að gera. Þó svo að hann hafi nú ekki spilað sinn besta leik í dag kemst hann nálægt því að vera maður leiksins eða tímabilsins með framistöðu sinni í undanförnum leikjum miðað við aðstæður.

Rocha: Hann hafði frekar hljótt um sig í leiknum enda kannski ekkert mikið álag á vörninni í dag. Ég veit eiginlega ekkert hvernig ég á að dæma þennann mann þar sem ég þekki ekkert til hans og veit ekki við hverju ég á að búast. En hann var alls ekkert að klúðra neinu eða neitt í þá áttina, og það er nokkurn veginn það mesta sem hægt er að ætlast til af manni sem er búinn að vera í Englandi í minna en viku.

Lee: Bara nokkuð sprækur. Southend var aðeins að sækja upp vinstri kanntinn í upphafi leiks en síðan ekki söguna meir. Það er því varla hvorki hægt að setja neitt útá eða hrósa honum fyrir varnarleikinn. Hann var eins og vanalega nokkuð sókndjarfur og var bara nokkuð góður í sóknarleiknum.

Ghaly: Þessi maður er margklofinn. Ég í raun veit ekkert hvað mér á að finnast um hann lengur. Hann getur sýnt tilþrif mánaðarins í einni sókninni en klúðrað öllu öðru í leiknum. Hann var einmitt þannig í dag. Í fyrri hluta fyrrihálfleiks var hann rosalega skeinuhættur og átti nokkur hlaup inn í teiginn og var hrikalega ógnandi. Restina af leiknum var hann bara í ruglinu. Það er enskt orð yfir þennann leikmann sem smellpassar við Ghaly það er orðið "wild card", sem þýðir eiginlega óútreiknanlegur leikmaður.

Jenas: ÞVÍLÍKUR LEIKUR HJÁ HONUM!!! Hann var að spila sinn fyrsta leik eftir að hafa verið meiddur í um 1 og hálfann mánuð og nýbyrjaður að æfa. Miðað við það var hann stórkostlegur í dag. Það er hægara sagt en gert að koma inn í lið í lélegri þjálfun og í engri leikæfingu og spila jafn vel og hann gerði. Einn af bestu mönnum leiksins í dag.

Zokora: Þrátt fyrir að hann hafi ekki verið okkar besti maður í dag vill ég titla hann mann leiksins. Að sjá loks Zokora spila stórleik er eitthvað sem ég hef beðið eftir lengi. þrátt fyrir að hann hafi verið stórkostlegur á móti Chelsea vill ég meina að hann hafi spilað sinn besta leik í dag fyrir Spurs. Hann varðist mjög vel og var stöðugt ógnandi í skyndisóknunum þegar hann geystist upp völlinn. Hann er því maður leiksins í mínum huga því eftir þessu hef ég beðið of lengi til að veita honum ekki viðurkenninguna.

Lennon: Í allri sanngirni ætti hann að vera maður leiksins þar sem hann spilaði manna best í dag. Þetta Southend lið hentaði honum líka fullkomnlega þar sem allir leikmenn liðsins voru með lítinn hraða og hann gat því skotist framhjá þeim þegar hann vildi. Eftir þennann leik er ég ekki viss hvor kannturinn hentar honum betur. Hann átti tvær frábærar fyrirgjafir með vinstrifætinum auk þess sem hann á auðveldara með að skjóta á markið þegar hann spilar á vinstri kanntinum. En hann var frábær í dag. Fær 10 í einkun, besta framistaðan á árinu.

Keane: Góður leikur hjá honum. Við fengum að sjá svolítið frá Keane sem hefur lítið borið á þetta tímabil; markagræðgi. Hann var rosalega ákveðinn í sóknarleiknum og stóð sig mjög vel. Það eina sem ég hef út á hann að setja er að hann var á stundum aðeins of gráðugur. Í nokkrum tilvikum kom sending inn í teig og í stað þess að láta boltann fara á dauðafríann mann tók Keane boltann í mjög erfiðri aðstöðu og klúðraði. En aftur miðað við að hann er í lítilli leikæfingu og er enn að komast í líkamlegt form eftir meiðsli var þetta frábær framistaða. En mikið svakalega var hann reiður eftir að dómarinn dæmdi ekki vítið. Hann er litlu skárri en Defoe.

Mido: Var fínn í þessum leik. Hann er að sjálfsögðu enn að jafna sig eftir meiðsli og skortir leikæfingu. Þrátt fyrir það átti hann ágætis leik og skoraði mikilvægt mark. Þetta mark á eflasut eftir að hjálpa honum að ná því sjálfstrausti sem honum vantar. Sú staðreynd að hann spilaði leikinn tel ég binda enda á vangaveltur um framtíð hans hjá Spurs... í bili.

Jol: Verð að taka hann með í þessu. Frábær liðsuppstilling og fínar innáskiptingar. Hann fær þá pásu frá bölsýnismönnunum í bili. Það eina sem hægt er að setja út á hjá honum er hversu lengi hann hafði Lennon inná. Það er spurning hversu ferskur hann verður þá á móti Arsenal.

Þetta er mikill gleðidagur fyrir íslenska stuðningsmenn Spurs þar sem við fengum að sjá frábærann leik hjá Tottenham í dag og svo fengum við íslenskann sigur í handboltanum. Nú er bara að vona að leikmenn Spurs hafi fundið bragðið af velgengninni og vilji meira þegar að leik Arsenal og Spurs kemur á miðvikudaginn.

Coys!!!

Upphitun eða ekki upphitun?

2007-01-26T21:52:00.000Z

Ég var með það í hausnum að við værum að fara spila við Southend á sunnudaginn en svo er víst ekki. Það verður því að falla niður upphitunin í þetta skiptið. En nokkur orð um leikinn.

Einhvernveginn er mér orðið alveg sama um þennann FA bikar. Við fáum gott tækifæri til að vinna CC og það er nóg. Ég vill eignilega helst sjá okkur leggja allt í að klára Arsenal í Carling. Ég einfaldlega held að breiddin hjá okkur sé ekki næg til að geta spilað í FA, CC, Uefa cup og PL. Þetta er alltof mikið álag fyrir okkur. Heldur vill ég sjá okkur vinna eina bikarkeppni en að komast í undanúrslit í þeim öllum og klúðra málunum í deildinni. Við erum búnir að gera betur í FA en í fyrra og það er nóg.

Spáið í því ef við dettum úr FA á morgunn þá eigum við allt undir Carling bikarnum. Það þýðir tvennt gott. Leikmenn leggja sig extra mikið fram um að vinna leikinn gegn Arsenal því þeir vita að Uefa sæti er í boði fyrir það lið sem vinnur bikarinn. Ef að við komumst ekki áfram í FA eða CC þýðir það að leikmenn hafa bara deildarkeppnina til að tryggja sér áframhaldandi evrópuævintýri á næsta ári og leggja sig enn meira fram í deildinni með óþreyttann mannskap, því það er æði langt í næsta evrópuleik hjá okkur.

Ég vill samt alls ekki sjá okkar leikmenn reyna að tapa þessum leik. Ég vill helst sjá Jol setja inn strákana sem fá ekki tækifæri með aðalliðinu í þennann leik. Leikmenn eins og Mido, Davids, Murphy, Ziegler og þessa gaura (veit reyndar ekki hvort einhver þeirra sé meiddur). Jol á bara að segja þessum mönnum "hérna er tækifæri ykkar til að sanna ykkur, nýtið það sem best". Það er allavega mitt mat að ef við spilum á svipuðum mannskap og í síðasta leik getum við kvatt báðar bikarkeppnirnar með nokkurra daga millibili. Þessir leikmenn voru örmagna í síðari hálfleik í síðasta leik og eru ekki búnir að hvíla nóg. Það þýðir að þeir munu verða örmagna líka í þessum leik og þeim næsta. Þannig að ég held að það sé skynsemi í að hvíla sterkustu og þreyttustu mennina fyrir Arsenalleikinn og spila þá á aðeins veikara liði gegn Southend og vona að þessir leikmenn standi sig.

Tottenham 2 - Arsenal 2

2007-01-25T21:14:00.000Z

Mig langar að byrja á smá reiðipistli áður en ég fer í leikinn sjálfann.

Nú hef ég verið að reyna að minnka heimsóknir mínar á spursspjallið þar sem mér ofbíður svartsýnin og það orðbragð sem haft er um leikmenn, þjálfarann og liðið sem ég elska. Mér er svosem sama þó að aðrir séu að röfla og bölva á spursspjallinu enda er enginn tilneyddur til að lesa það. Því hef ég verið að lesa svolítið á NewsNow og einhverjar svona síður sem ég get sloppið undan því að lesa um hvernig fólk upplifir vonleysið. En nú er fokið í flest skjól þar sem allir virðast vera á sömu línunni. Maður þarf því bara að bíða eftir sigurleik til að geta fengið að lesa eitthvað sem lýtur út eins og þar sé Tottenhamaðdáandi að skrifa um Tottenham. Akkúrat núna virðast allir stuðningsmenn Spurs skrifa eins og Arsenalmenn um Spurs. Mér er nokkuð sama um hverjar væntingar okkar eru og þó að það sé hægt að draga upp ansi svarta mynd af stöðu mála. Það eiga að vera stuðningsmenn andstæðinganna sem vellta sér uppúr því. Það þarf enginn að halda að ég sé að meina að það eigi allir að vera glaðir þegar illa gengur, enda snýst stuðningur ekki bara um gleði. Þannig að til að veita mótvægi við alla þessa rosalegu svartsýni ætla ég eingöngu að skoða hina hliðina. Reiðipistli lokið!

Fyrir leikinn virtust flestir búast við tapi okkar manna og vonuðust margir í besta falli eftir jafntefli. Það er svosem eðlilegt að menn hafi ekki verið að búast við miklu þegar við höfum þurft framlengingu til að klára leiki á móti liðum eins og Port Vale, Southend og Cardiff (annar leikur) í bikarnum á meðan Arsenal hefur verið að fella út úrvalsdeildarlið á 90 mín. En liðið sýndi heldurbetur karakter í fyrri hálfleik og við virtumst vera að yfirspila þá á köflum. Í fyrsta sinn í keppninni voru Arsenal í þeirri stöðu að vera tveimur mörkum undir í hálfleik. Þetta var einhver skemmtilegasti fyrrihálfleikur sem ég hef horft á í langann tíma. Það var rosaleg barátta í okkar mönnum og við vorum að sækja grimmt.

Það gerðist svo það sem ég óttaðist í seinni hálfleik. Leikmenn voru orðnir þreyttir. Þegar maður sá baráttuna og viljann til að leggja sig alla í leikinn í fyrrihálfleik fór maður að óttast það að óþreyttir leikmenn Arsenal myndu ná yfirhöndinni á vellinum þegar liði á leikinn. Við höfum verið að spila nú nánast stöðugt á sama mannskapnum ansi lengi og ansi þétt, enda breyddin ekki mjög mikil hjá okkur þessa stundina. Það sama verður ekki sagt um Arsenal sem var með "unglingaliðið" sitt á vellinum. Meðalaldur liðsins var um 21 ár og þeir voru með 5 leikmenn í byrjunarliðinu sem voru 20 ára eða yngri. Þarna voru 6 leikmenn sem ekki höfðu náð meira en 10 leikjum í byrjunarliði Arsenal í PL þetta tímabilið. Þannig að það er óhætt að fullyrða að Arsenal var með minna þreytt lið. Eins og kom fram hægðist nokkuð á leik okkar í seinni hálfleik og því fór sem fór í seinni hálfleik. Það má því segja að skynsemin hafi vikið fyrir ákefð, vilja og baráttugleði í fyrrihálfleik.

Þeir leikmenn sem ég var mjög sáttur við í gær voru:
Dawson: Líklega maður leiksins hjá okkar mönnum.
Gardner: Kemur skemmtilega á óvart þessa dagana. Ég átti ekki von á neinu frá honum en hann hefur staðið sig ágætlega hingað til.
Ekotto: Frábært að fá að sjá hann aftur. Hann stóð sig ágætlega, en hann þarf að ná fyrri leikæfingu til að ná aftur að vera jafn góður og hann var fyrir áramót. Þetta var þó betri frammistaða en Lee hefur sýnt hingað til.
Zokora: Fín barátta hjá honum og engin mistök.
THUDD: Enginn stórleikur miðað við það sem maður hefur séð frá honum. En hann var þó fínn. En mikið rosalega, svakalega er hann hægur (varð mjög augljóst á móti þessum snöggu gaurum hjá Arsenal). Hann þarf að auka snerpuna, þegar hún kemur verður hann einn sá besti.
Berbatov: Á meðan hann var inná var hann frábær.

Menn meiga ekki afskrifa okkur of fljótt. Í síðari leiknum getum við jafnvel fengið að sjá King, Jenas og Berbatov með liðinu. Við erum ekkert búnir að tapa þessu strax!!!!

Tottenham - Arsenal (undanúrslit CC)

2007-01-22T23:28:00.000Z

Tottenham

Arsenal

Miðvikudaginn 24.jan kl. 20:00 á WHL

Úr eldri upphitun

Áður en við byrjum
Það ríkir mikil óvild og jafnvel hatur í garð Arsenal meðal stuðningsmanna Spurs. Ég ætla mér ekki að vera með neitt skítkast í garð Arsenal í þessari upphitun. Það á bara ekki við mig. Þetta þýðir samt ekki að mér þyki svo vænt um Arsenal að ég geti ekki fengið mig til að skrifa neitt slæmt um þá.

Arsenal
Arsenal var stofnað árið 1886 Sem Dial Square. Þeir breyttu nafninu svo í Arsenal Woolwich þegar þeir urðu atvinnumannalið. Það voru starfsmenn Arsenal Royal sem stofnuðu félagið í Woolwich í suð-austur London. Thames áin var ekki brúuð á þeim tíma sem varð til þess að lítil aðsókn var á heimaleikina. Þetta varð til þess að félagið lennti í fjárhagserfiðleikum og ákvað að flytja sig yfir ánna. Árið 1913 fluttu þeir sig yfir á Highbury í aðeins nokkra kílómetra fjarlægð frá WHL. Þetta varð til þess að nágrannarígurinn myndaðist. Þegar þeir fluttu yfir afmáðist Woolwich af nafninu og eftir stóð Arsenal F.C. Þeir eru þar með 1 af 2 "professional" liðum sem bera ekki nafn af hverfi eða borg.
Oft hefur verið talað um nágrannaríg Tottenham og Arsenal sem þann ofsafengnasta sem þekkist á Englandi. Ástæðuna má ekki aðeins rekja til nálægðarinnar heldur einnig skandals sem átti sér stað árið 1919. Fyrir þann tíma voru 20 lið í úrvalsdeild og tvö sem féllu ár hvert. Þetta ár var hinsvegar ákveðið að fjölga liðum í úrvalsdeild um 2. Tottenham og Chelsea voru þau lið sem áttu að falla en Chelsea fékk að vera uppi (enduðu í 19 sæti) Hitt sætið hefði því með réttu átt að fara til Spurs. Ef ekki Spurs þá allavega til liðsins í þriðja sæti í annarri deild. Henry Norris stærsti hluthafinn í Arsenal sat þá í stjórn knattspyrnusambandsins og fékk hann því framgengt að Arsenal sem endaði í 5. sæti annarar deildar fengi hitt sætið í úrvalsdeild. Margar samsæriskenningar eru uppi um þennann skandal. Ein er sú að árið 1915 komst upp um að stjórar Liverpool og Manchester Utd. hafi hagrætt úrslitum í lokaleik umferðarinnar til að koma í veg fyrir að Liverpool félli. Norris á þá að hafa boðið þeim að berjast gegn því að þeim yrði vikið úr fyrstudeildinni í staðinn fyrir stuðning þeirra í að koma Arsenal upp á kostnað Spurs. Þetta hefur að sjálfsögðu alltaf sett svartann blett á Arsenal í augum stuðningsmanna Tottenham og var aðeins til að kasta olíu á eld nágrannarígsins.
Í sumar fluttu Arsenal sig yfir á nýjann leikvang þar sem Highbury stóðst m.a ekki evrópustaðla. Nýji leikvangurinn ber nafnið Emrirates Stadium eftir flugfélaginu Emirates Airline. Emirates er ekki stuðningsaðili Uefa og þar með viðurkenna þeir ekki nafnið og kalla hann annað hvort Arsenal Stadium eða Ashburton Grove

Arsenal hefur spilað nú í samfleytt 80 ár í efstudeild, sem er met í ensku deildinni. Arsenal á einnig metið yfir flesta leiki í röð án þess að tapa (49). Á áttunda og níunda áratuginum þótti Arsenal spila einkar leiðinlegan fótbolta þar sem leikur liðsins byggðist mestmegnis upp á sterkum varnaleik. Á þeim tímapunkti byrjuðu stuðninsmenn annara liða að syngja söngva um "boring, boring Arsenal". Þó svo að leikur Arsenal hafi breyst mikið á frá þeim tíma og þeir farnir að spila meiri sóknarbolta eru margir enn á því að þeir spili leiðinlegann bolta þar sem leikmenn eru sakaðir um að spila leikinn óheiðarlega með dýfingum og öðrum óþverrabrögðum. Stjóri Arsenal Arsene Wenger hefur að mörgu leyti tileinkað sér þennann stíl í viðtölum þar sem hann er oft mjög ósanngjarn og óheiðarlegur í garð andstæðinganna og dómarans.
---------------------------------------------------------------------------
Saga liðanna í deildarbikarnum.
Arsenal.
Arsenal hefur 5 sinnum leikið til úrslita í deildarbikarnum en aðeins unnið tvisvar. Þeir unnu bikarinn 1987 og 1993. Þeir hafa hinsvegar tapað úrslitaleik gegn Luton 1988, Swinton 1969 og Leeds 1968.

Tottenham hefur einnig leikið 5 sinnum til úrslita í deildarbikarnum og unnið þrisvar.

Við unnum deildarbikarinn fyrst þann 27 febrúar 1971 gegn Aston Villa 2-0. Það var goðsögnin Martin Chivers sem skoraði bæði mörkin. Árið eftir töpuðum við svo í undanúrslitum deildarbikarsins gegn Chelsea.

Annar titillinn kom í hús árið 3 mars 1973 þegar við unnum Norwich 1-0 með marki frá Ralph Coates.

Það var svo 21 mars árið 1999 sem okkur tókst að tryggja okkur þennann bikar í þriðja skiptið. Þá sigruðum við lið Leichester (sem felldi okkur úr fa cup í fyrra) 1-0 með marki Alan Nilsen.

Við erum að spila í 10 skiptið í undanúrslitum deildarbikarsins. Við höfum hingað til 5 sinnum komist áfram í gegnum það en fjórum sinnum verið stöðvaðir þar. Það sem verst er að Arsenal hefur tvisvar komið í veg fyrir það að við spiluðum úrslitaleikinn. Arsenal vann okkur í undanúrslitum fyrst árið 1968 og endurtóku svo leikinn í undaúrslitum árið 1987. Þeir stöðvuðu okkur reyndar líka í þriðju umferð árið 1983. Við höfum aðeins einusinni slegið Arsenal út úr þessari keppni og það var árið 1980 þegar við unnum þá í fjórðu umferðinni.

Leiðin í undanúrslitin.
Arsenal.

24.okt. West Brom 0-2 Arsenal
8.nóv. Everton 0-1 Arsenal
9.jan. Liverpool 3-6 Arsenal

Tottenham.
25.okt. Milton Keynes Dons 0-5 Tottenham
8.nóv. Tottenham Hotspur 3-1 Port Vale (eftir framlengingu)
20.des. Tottenham Hotspur 1-0 Southend United (eftir framlengingu)

Það er óhætt að segja að Arsenal hafi verið töluvert meira sannfærandi í þessum leikjum. Þeir hafa ávallt klárað sína leiki á 90 mínútum og keppt heilt yfir við sterkari andstæðinga. Ég horfði á leik Arsenal gegn Liverpool og þó svo að ég hafi viljað sigur Liverpool í þessum leik gat ég ekki annað en hrifist af leik Arsenal. Það eru ekki mörg lið sem ná að skora 6 mörk á Anfield, og enn færri sem ná því með varaliðinu. Það er því skiljanlegt að margir stuðningsmenn Spurs séu frekar svartsýnir fyrir þessa leiki.

Að leiknum sjálfum...
Ég tel það nokkuð víst að Arsen Wenger eigi eftir að halda áfram að spila ungu strákunum í þessari keppni. Eftir framistöðu þeirra gegn Liverpool hlýtur Wenger að treysta þeim til að spila þessa leiki einnig. Annað sem rennir stoðum undir þá kenningu er að Arsenal eru með ansi þétt leikjaprógram (eins og við reyndar) og því nauðsynlegt að hvíla leikmenn aðalliðsins. Það skiptir hinsvegar okkur ekki máli hvort Arsenal spili á varaliðinu eða aðalliðinu. Bæði liðin þeirra eru feiknarsterk og flestir leikmenn varaliðsins ættu greiða leið inn í flest úrvalsdeildarlið á Englandi ef miðað er við framistöðuna gegn Liverpool. En kannski hefði hvaða leikmaður sem er virkað sem súperstjarna á móti Liverpool þennann dag. Það er einnig ljóst að stemmingin er öll Arsenalmegin. Þeir unnu Man U. um helgina 2-1 og unnu þann leik með 2 mörkum á síðustu 10 mínútum leiksins. Ef það er ekki eitthvað til að rífa upp stemmingu þá er það ekki hægt.

Ég á hinsvegar von á því að Jol muni stilla upp sínu sterkasta liði. Þó svo að Arsenal stilli ekki upp sínu sterkasta liði þýðir það ekki að við höfum efni á því. Það er því fátt sem vinnur með okkur í þessum leikjum. Það er kannski stærsta vonarglætan að við eigum fyrsta leikinn á heimavelli og þar erum við sterkir. Það er líka morgunljóst að á þessum leikjum er stuðningurinn mestur. Það er því eflaust viðbrygði fyrir unga leikmenn Arsenal að mæta í svona svakalega stórann leik með 35,000 kolvitlausa áhorfendur. Allavega vonum við það. Leikmönnum Spurs er enn í fersku minni ófarirnar gegn Arsenal í byrjun desember þegar við töpuðum 3-0 á "Flugvellinum". Menn vita það að stuðningsmennirnir ætlast til að sjá leikmenn spila alvöru bolta í þessum leik.

Ég ætla allavega að spá okkur sigri í þessum leik og jafntefli í seinni og að við spilum úrslitaleikinn gegn Chelsea. Ég veit að það er ofboðsleg bjartsýni og sumir myndu jafnvel kalla það heimsku, en auðvitað er maður bjartsýnn fyrir hönd sinna manna. Það er í sjálfu sér ekkert ógerlegt því við getum unnið hvaða lið sem er á heimavelli. Ef við náum upp svipaðri stemmingu og við náðum gegn Chelsea, munum við vinna þetta lið með minnst tveimur mörkum. Það er algjör óþarfi að halda að við séum að fara mæta heimsmeisturum. Allavega finnst mér ég vera raunsær með að spá okkur sigri. Leikurinn á Emirates er svo seinnitíma vandamál.

Liðin.
Ég veit ekkert hvaða leikmenn spila leikinn fyrir Arsenal. Ég ætla hinsvegar að byrta lið Arsenal sem mætti Liverpool, þar sem ég tel að liðið sem mætir okkur verði í svipuðum dúr.

-----------Almunia---------------
Hoyte - Toure - Djourou - Traore
Walcott---Song--Fabregas--Denilson
-----Aliadieré---Baptista---------

Þetta voru allavega leikmennirnir sem spiluðu leikinn. Ég held að þessu sé rétt stillt upp hjá mér. Í þessum umtalaða Liverpoolleik fór Baptista á kostum og skoraði 4 mörk. Að mínu mati var þó maður leiksins Aliadiere. Mig minnir að hann hafi átt 4 stoðsendingar og eitt mark. Hann niðurlægði varnarmenn Liverpool gjörsamlega. Í raun var ekki einn leikmaður Arsenal sem átti slakan leik. En til að búa ekki til eitthvað vonleysi hjá ykkur er rétt að geta þess að lið spilar aldrei betur en andstæðingurinn leyfir. Liverpool voru arfaslakir og hefði skipt litlu máli hvaða lið hefði spilað gegn þeim, það hefðu öll lið unnið þá á þessum degi. Ég skal lofa ykkur því að þeir munu ekki ná að yfirspila okkur á heimavelli.

Tottenham.
----------------Robinson---------------
Chimb.-----Gardner----Dawson----Ekotto
Lennon-----Thudd------Jenas-----Steed
-----------Keane------Berbatov---------

Meiddir
Ledley King
Teemu Tainio
Edgar Davids (tæpur)
Hossam Mido
Paul Stalteri
Lee Barnard
Jeramain Jenas (tæpur)

Sem fyrr spái ég að Ekotto spili leikinn. Á móti svona léttleikandi liði verðum við að hafa mann sem getur varist vel í bakverðinum. Þó margir efist um ágæti Ekotto þá held ég að það sé alveg klárt að hann sé betri varnarmaður en Lee. Ég setti svo Jenas inn í liðið þar sem Tainio er meiddur. Þetta er reyndar hrikalega ólíklegt þar sem hann er rétt nýbyrjaður að æfa. Líklegra er að Ghaly eða Zokora spili þarna. Ég set svo Keane í framherjann með Berbatov þar sem Defoe spilaði um síðustu helgi þannig að ég býst við að Jol vilji hafa óþreyttann mann frami. Auk þess sem Defoe var með einhvern skæting um síðustu helgi við Jol og því eðlilegt að hann sitji hjá.

Þetta lið getur hæglega tekið þessa pjatta hjá Arsenal í bakaríið. Við erum á heimavelli eins og ég hef margoft tuggið á og óharnaðir Arsenalmenn með litla reynslu eiga ekki eftir að leika sér mikið undir þeim kringumstæðum.

Mín spá
Við tökum þennann leik 3-2. Þetta á eftir að verða rosalega skemmtilegur leikur. Svo náum við jafntefli á "flugvellinum", og viti menn við erum að fara spila úrslitaleikinn.

Úff! Skrifaði þetta á mettíma. Eflaust eitthvað um stafsetningavillur, endurtekningar og mótsagnir. En hundruðasti pósturinn staðreynd. Kem með eitthvað gott líka þegar ég næ 1000 póstum ;)

COYS!!!

Hitt og annað

2007-01-22T22:10:00.000Z

Jæja nú er hitt og annað búið að gerast í kringum Spurs sem ég hef ekki komist í að nefna. Defoe tók eitthvert kast á Jol í síðasta leik þegar honum var skipt útaf. Þetta kemur mér ekki á óvart þar sem hann hefur verið mjög pirraður í leikjum okkar upp á síðkastið. Ég byrjaði að taka eftir þessu á móti Portsmouth svo aftur í fyrri leiknum gegn Cardiff og svo í umræddum leik. Ef að eitthvað tókst ekki hjá honum þá fórnaði hann höndum í átt að einhverjum liðsmanna sinna eins og hann væri að kenna þeim um það sem miður fór. Jol hefur gert lítið úr atvikinu og sagt þetta bara vera keppnisskapið í honum og ætlar að ræða eitthvað við hann. Mín skoðun er sú að hann þurfi að fá refsingu fyrir þetta. Þá er ég ekki að meina að Jol eigi að kippa honum úr liðinu í nokkra leiki, heldur bara fjársektir eins og Keane fékk í fyrra eða eitthvað í þeim dúr. Jol verður að krefjast virðingar frá leikmönnum sínum og á ekki að láta svona hluti líðast. Þjálfari sem leikmenn virða ekki nær engu út úr liðinu. Annars er þetta bara svona léttvægt mál sem gleymist strax. No Biggy!

Svo eru fréttir þess efnis að við höfum náð samkomulagi við Benfica um kaup á miðverði að nafni Rocha. Ég þekki ekkert til mannsins en býst við að Jol sé að kaupa þarna ágætis mann. Vona allavega að hann hafi snerpu til geta myndiað par við Dawson þegar King er meiddur.

Ég ætla svo að vona að Jol haldi áfram að kaupa þessa ungu efnilegu leikmenn. Hann er bestur í því.

Nú er Jenas að snúa aftur úr meiðslum sínum. Ég hlakka mikið til að sjá Jenas og THUDD spila saman. Ég held að það sé mjög gott dúó.

Ég ákvað að skrifa þennann póst svo að upphitunin sem kemur vonandi í kvöld verði póstur nr. 100. Þetta verður stór upphitun skrifuð á mettíma.

Fulham 1 - Spurs 1

2007-01-20T17:17:00.000Z

Já Fulham að verða nýja Wimbeldon liðið í úrvalsdeildinni. Jafnteflin eru orðin æði mörg hjá þeim núna. En það voru jákvæðir og neikvæðir punktar í þessum leik. Ég vona að menn leggi sig jafn mikið fram núna um að hrósa Robbo og þeir hafa verið við að útúða honum. Hann var rosalega góður í þessum leik og líklega okkar besti maður í dag. Hann átti nokkrar stjörnumarkvörslur og tók allt sem honum bar að taka. Montella skilst mér að sé annáluð vítaskytta og það er ekki hægt að gera þá kröfu á markmann að hann verji víti. Þannig að hann var mjög góður. Chimbonda var fínn líka. Gardner var að spila framar mínum vonum, þó þetta hafi nú ekki verið neinn stórleikur hjá honum. Lee var sæmilegur einnig. Malbranque var mjög góður. Það var í raun enginn að spila neinn stjörnuleik (Robbo kemst næst því) og enginn að spila afleitlega (Ghaly kemst næst því).

Framan af fannst mér vera jafnræði með liðunum. Fulham áttu hættulegri færi en mér fannst hvorugt liðið stjórna leiknum. Mér fannst við þó ná yfirhöndinni þegar þeir misstu Heiðar útaf. Við vorum ekkert að yfirspila þá neitt en vorum meira í sókn og líklega meira með boltann eftir það. Okkur hinsvegar tókst ekki að nýta okkur liðsmuninn til fulls. Það má líka segja að leikmenn Fulham hafi bara lagt sig ennþá meira fram eftir að þeir urðu einum færri. Svo kom höggið...

Nú reyndi ég hvað ég gat að sjá í endursýningu hvort Dawson hafi verið með hendina upp að líkamanum eða hvort hann hafi viljandi sett hendina í boltann, eins og dómarinn mat það. Mér reyndar sýndist boltinn fara í brjóstið á Daws. Ég get ekki sagt til um það með algjörri vissu en mér fannst þetta ekki vera víti. En sóknin á að njóta vafans og því kannski eftir þeirri meginreglu sem dómarinn tók þessa ákvörðun. En ég ætla að reyna að sjá einhver video af þessu og vonast eftir betri myndum til að dæma eftir.

Til allrar lukku náðum við þó að jafna leikinn undir lokin. Mark Chimbonda verður nú varla gefið út á videospólu en það telur jafn mikið og hin.

Enn vantar okkur þó fyrsta sigur ársins 2007 í Pl. Hann þarf að koma sem fyrst.

Nú er bara málið að hugsa um landsleikinn í dag og vera kátur. Það er stundum þægilegt að hafa svona púða til að detta á þegar hlutirnir ganga ekki fullkomnlega upp.

Fulham - Spurs

2007-01-19T23:08:00.000Z

Það kunna einhverjir að vera hugsa að nú sé næstum því öruggt að útisigur nr. 2 komi hjá okkur. Það er um að gera að vera jákvæður en við skulum ekki búast við auðveldum leik. Fulham hefur ekki tapað leik síðan 9 desember, og ekki tapað heimaleik síðan í nóvember. Við höfum hinsvegar ekki unnið leik í PL á þessu ári, og aðeins unnið einn útileik allt tímabilið. Við vorum að missa Davenport til West Ham og King er ekki leikfær. Það má því kannski búast við að vörnin verði ekkert sérstaklega sterk. Það er auðvitað ekki góðs viti á móti liði sem hefur skorað 7 mörk í síðustu 2 leikjum. Við höfum ekki unnið þá á heimavelli í 5 ár. Við erum að fara mæta Arsenal í undanúrslitum bikarsins 4 dögum seinna og því spurning um hvort okkar leikmenn nái að halda einbeitingu og hvort eða hverjir verða hvíldir í þessum slag.

Það þýðir heldur ekkert að vera svartsýnn á leikinn. Þó Fulham hafi skorað 7 mörk í síðustu 2 leikjum hafa þeir líka fengið á sig 6 mörk í þessum leikjum. Leikmenn Spurs hafa spilað mjög vel í síðustu tveimur leikjum og unnum við t.a.m Cardiff í síðasta leik með 4 mörkum gegn engu. Það er vonandi að það virki sem lyftistöng á sjálfstraust leikmanna. Þó Fulham séu ósigraðir í meira en mánuð er rétt að geta þess að Þeir eiga líka eftir að vinna Pl leik á árinu. Reyndar hafa þeir ekki unnið leik síðan 18 des. Þannig að það hefur verið ansi mikið um jafntefli á þeim bænum. Fulham hefur verið að berjast við mikil meiðsli upp á síðkastið og eru enn. Ég held að við getum alveg staðhæft það að við séum með sterkara lið en Fullham. En útivellirnir eru okkur ansi erfiðir. Það má þá líka orða það sem svo að hungrið í sigur á útivelli magnast með hverjum leiknum. Það einfaldlega hlýtur að vera kappsmál hjá leikmönnum að fara að bíta í skjaldarendur í þessum útileikjum. það má kannski segja að miðað við allt ættum við að sætta okkur við jafntefli. Ég hef hinsvegar trú á því að okkar menn ætli sér allt annað og meira en jafntefli og býst því við sigri okkar manna.

Smá um Fullham
Hjá Fullham leika nokkur kunnugleg andlit. Heiðar "okkar" leikur með þeim. En spurning hvort hann hafi betur í samkeppninni við Montella um sæti í liðinu við hlið McBride. Wayne Routhledge er í láni hjá Fullham en spilar ekki leikinn í ljósi ákvæða í lánssamningi. Svo er þarna fyrrum Spurs leikmaður sem ég hafði alltaf miklar mætur á. Michael Brown var seldur í fyrra til Fulham og verður gaman að sjá hann aftur.

Liðið
------------------Robbo---------------
Chimb.-------Gardner----Dawson----Ekotto
Lennon-------THUDD------Zokora----Steed
-------------Keane-------Berbatov-------

Svona vill ég allavega hafa liðið. Þeir sem eru ekki öruggir tel ég að séu Ekotto, Zokora og Keane. Það hlaut að koma að því að Ekotto fengi séns. Hann spilaði leikinn gegn Cardiff og stóð sig af því sem ég hef heyrt stórkostlega. Hann var gríðarlega öruggur í vörninni auk þess sem hann átti stoðsendingu á Steed í þeim leik. Ég vona svo sannarlega að ég fái að sjá hann spila þennan leik, og þá skuluð þið efasemdarmenn fylgjast með honum (úff stilli sjálfum mér upp við vegg). Ég tel Zokora vera betri kost þarna en Tainio. Þetta verður svakalegur baráttuleikur og því veitir ekki af einum baráttuhundi þarna inn. það gæti líka verið skemmtilegt að sjá Ghaly þarna með THUDD, hann myndi örugglega ná að fiska eitt víti eða svo. Ég spá því að Keane verði settur í framherjann þó það meigi færa góð rök fyrir því að hann ætti ekki að vera þar. Keane sem var nýstiginn upp úr meiðslum spilaði bróðurpartinn af leiknum fyrir 3 dögum gegn Cardiff og því væri kannski eðlilegast að hvíla hann. Ég er hinsvegar að vellta því fyrir mér hvort Jol muni ekki vilja eiga Defoe frískann í leiknum gegn Arsenal? Þess vegna spái ég að Keane muni spila sinn þrjúhundruðasta leik fyrir Spurs og hundraðogfimmtugasta deildarleik sinn fyrir Spurs gegn Fulham. Svo er auðvitað eins og ég kom inná spurning hvort einhverjir verði hvíldir fyrir bikarleikinn á miðvikudaginn.

Dómari leiksins verður Mike Dean sá hinn sami og dæmdi leikinn okkar gegn Charlton í síðasta mánuði sem við unnum 5-1. Vonum að hann færi okkur sömu lukku í þessum leik.

Ég spái leiknum 0-1 fyrir Spurs. Þetta verður barátta þar til leikurinn verður flautaður af og jafnvel lengur.

COYS!

Upphitun fellur niður.

2007-01-17T18:26:00.000Z

Það er smá tímaskortur hjá mér núna og því kemst ég ekki í upphitun. Það ætti líka að sleppa þar sem leiknum er ekki sjónvarpað. En svo ég hendi nú inn spá, þá komumst við áfram, mér er sama hvernig við tryggjum okkur áframhald í FA bara að það gerist. segi því 2-1. Ég sé til hvort eitthvað sé um leikinn að segja í kvöld.

Tottenham 2 - Newcastle 3

2007-01-14T18:22:00.000Z

Úff ég veit ekkert hvernig mér á að líða, hvað þá heldur hvað ég eigi að skrifa.

Við vorum klárlega betri aðilinn í leiknum og okkar menn mættu heldur betur til leiksins með rétt hugarfar. Mér fannst við vinna nánast hverja einustu tæklingu og leikmenn voru svo sannarlega að spila til sigurs. Nema kannski vörnin. Ég held reyndar að það hafi ekkert með hugarfar að gera eða neitt þannig. Eins og ég kom inná í upphituninni grunaði mig að vörnin myndi ekki halda. Í fjarveru King hefur vörnin verið ansi ótraust. Þó einstaklingarnir spili ágætlega spilar vörnin ekki sem heild.

Svo verð ég nú bara að fá útrás fyrir eitt atriði hérna. HVERSU LÉLEGUR TELUR JOL EKOTTO VERA???? Mér finnst það svo svakalega fáránlegt að hann skuli ekki vilja spila með vinstri bakvörð að það nær engri átt. Þó Lee hafi verið stillt upp sem bakverði á skjánum fyrir leik spilaði hann sem vinstri vængmaður. Ég veit vel að bakverðir hafa það hlutverk að hlaupa upp kanntana þegar við erum í sókn, en það er ekki það sem ég er að meina. Þegar Newcastle var í sókn var hann að reyna verjast henni á miðlínunni eða á þeirra vallarhelmingi og svo hljóp hann á eftir mönnum. Það er þannig sem vængmenn spila en ekki bakverðir. Svo þegar Lee fékk bolltann fórnaði hann oftar en ekki höndum eins og hann væri að segja "ætlar enginn að koma að sækja boltann" svo gaf hann boltann til baka. Það er auðvitað fásinna að láta Lee spila sem vængmann þar sem líklega innan við 1% fyrirgjafa hans rata á samherja. Sko Lee er langt því frá lélegur leikmaður. Hann hefur hinsvegar ekki verið að finna sig undanfarið og því furðulegt að Jol telji Lee í lægð betri en Ekotto. Ég er heldur ekki að kenna Lee um hvernig fór. Ég varð bara að koma þessu frá mér. Ég hef verið að spái í hvort Ekotto og Jol hafi nokkuð lennt saman, það er í raun eina rökrétta skýringin sem ég sé á fjarveru Ekotto.

Eflaust eru menn á spursspjallinu að rasa út um hversu lélegur Robbo er og allt það. Mér fannst hann samt ekki vera ábyrgur fyrir neinu markana. Ég get þó viðurkennt það að Robbo í sínu besta formi á það til að verja skot sem eru "óverjandi". Þess vegna get ég tekið undir það að hann er ekki að spila sitt besta tímabil sem komið er, en ég styð hann heilshugar í markinu og bið bara til guðs að hann komist í sitt besta form sem fyrst. Hann er þó langt því frá í mínum huga búinn að vera skelfilegur þetta tímabil. Hann er kannski á einum yfir pari eins og golfararnir segja.

En ég er allavega svolítið svekktur að hafa tapað þessum leik. Það er sárt að uppskera ekki því sem maður sáir. Ef að fótboltinn væri sanngjarn hefðum við unnið leikinn, en því miður getur allt gerst í fótbolta. Þessi leikur hlýtur að verða til þess að þeir mæti brjálaðir á næsta leik gegn Cardiff og skili sigri til okkar stuðningsmannanna á heimavelli.

Tottenham - Newcastle

2007-01-13T21:42:00.000Z

Þá er komið að 23 umferðinni. Leikur okkar er gegn Newcastle á heimavelli. Eins og flestir muna skellti Newcastle okkur fyrir jól á heimavelli sínum 3-1. Staðan er örlítið breytt frá því sem var. Fyrir þann leik höfðu Newcastle unnið 5 af 6 leikjum sínum í deildinni. Nú hinsvegar hefur Newcastle aðeins unnið 1 af síðustu 6 leikjum sínum í öllum keppnum (leikinn gegn okkur). En við erum svosem lítið betur settir þannig séð. Við höfum einnig aðeins unnið tvo leiki af síðustu 6 í öllum keppnum. En það sem skiptir öllu máli nú er að við erum að spila á heimavelli. Þar höfum við unnið 11 af síðustu 12 leikjum. Við höfum unnið Newcastle nú í þrjú ár í röð á WHL. Við höfum nú að mínu mati töluvert sterkari hóp en við höfðum gegn þeim fyrir jól, þar sem nokkrir mikilvægir leikmenn eru stignir upp úr meiðslum frá þeim tíma. En að sama skapi hafa þeir einnig verið að endurheimta leikmenn úr meiðslum upp á síðkastið. Þannig að heilt yfir þá held ég að það verði heimavöllurinn sem skili okkur sigri.

Liðið

-----------------Robbo----------------
Chimb.------Daws-----Davenport----Ekotto
Lennon------THUDD----Zokora-------Steed
------------Keane----Berbatov----------

Þeir sem eru spurningamerki eru: Ekotto, Zokora og Keane. Annað held ég að sé nokkuð borðleggjandi. Ég reyndar held að Lee spili leikinn, en ég ætla samt setja Ekotto þarna. Ég skal þó hlífa ykkur við fyrirlestrinum um ágæti Ekotto í þetta skiptið. Ég er kannski ekkert 100% á því að THUDD spili leikinn. Það er svona glæta að Tainio komi inn fyrir hann og spili með Zokora. En mér finnst líklegra að Tainio berjist við Zokora um sætið við hlið THUDD. Það er heldur ekkert víst að Keane spili frammi með Berbatov. Það er allt eins líklegt og kannski eðlilegra að Defoe spili leikinn. En ég hef einhvernveginn það á tilfinningunni að Keane muni spila leikinn. Svo eru King, Jenas og Stalteri meiddir og Mido er tæpur.

Það gætir svolítils óöryggis í öftustu víglínu hjá okkur. Allavega finnst mér síðustu tveir leikir einkennast af óöryggi og þ.a.l mistökum í öftustu víglínunni. Fjarvera King er eðlilegasta skýringin á því. Ég á því ekki von á að við náum að halda hreinu í þessum leik. Það er með ólíkindum að við hljótum þann vafasama heiður að vera það lið í deildinni sem hefur spilað flesta leiki í röð án þess að halda hreinu. Það eru komnir 12 leikir í röð sem við höfum fengið á okkur mark. Það mun ekkert ergja mig neitt ógurlega ef við fáum á okkur mark svo lengi sem við skorum fleirri mörk en við fáum á okkur. Því spái ég leiknum 2-1.

Dómari leiksins verður Stve Bennett.
COYS!

Tottenham - Arsenal (CC)

2007-01-09T22:15:00.000Z

Jæja þá er ljóst að við eigum leik gegn Arsenal í Carling bikarnum. Arsenal unnu Liverpool 3-6 í kvöld. Ég horfði á seinni hálfleikinn og ég verð að segja að ég er ekki að farast úr bjartsýni. Þó svo að ég sé ekkert fyrir það að rakka niður lið, þá hef ég held ég aldrei dásamað Arsenal. En ég tek svo sannarlega ofan fyrir þeim fyrir framistöðuna í kvöld. Það lið sem getur mætt á Anfield með unglingaliðið (nb. Það voru 7 leikmenn 19 ára og yngri sem komu við sögu í liði Arsenal) og ekki bara unnið heldur skorað 6 mörk á móti liði sem fær örsjaldan á sig mark á heimavelli, fær mína virðingu. Það er nokkuð ljóst á þessum tveimur leikjum sem ég hef séð þá spila á móti Liverpool að þeir eru sjóðandi heitir. Ég hélt að það myndi vinna með okkur að leikjaálagið á Arsenal myndi verða til þess að Wenger myndi mæta með unga og óreynda leikmenn í leikina. Núna hinsvegar sér maður að það skiptir engu máli.

Ég er þó langt því frá búinn að afskrifa okkur. Það eru nokkrir hlutir sem munu vinna með okkur í þessum leikjum og ég hef enn fulla trú á að okkur takist að vinna þessa keppni. En nóg um það að sinni ég fer betur í þessa leiki þegar nær dregur.

Cardiff 0 - Spurs 0 (FA)

2007-01-07T18:17:00.000Z

Ekki tókst okkur að komast upp úr þriðju umferðinni í dag. Þetta var slakur leikur af okkar hálfu og vorum við stálheppnir að fara með stöðuna 0-0 inn í hálfleik. Síðari hálfleikur var aðeins skárri þó leikmenn hafi verið langt frá sínu besta. Það var reyndar mikil meiðsli í leikmannahóp okkar. Ghaly,Mido,King og Jenas stóðust ekki læknisskoðun og Lennon og Keane voru ekki búnir að ná sér af fullu þó þeir hafi komist á bekkinn. Það kannski afsakar ekki slæma spilamennsku okkar leikmanna en kannski skýrir hana af hluta til. Varnarlínan var óhemju ótraust og var eins og gatasigti. Lee var að mínu mati að spila ömurlega í þessum leik. Hann má teljast stálheppinn að hafa ekki átt stoðsendingu á leikmann Cardiff á 15 mín. Ég græt þá ákvörðun Jol mikið að treysta ekki Ekotto í þessa stöðu.

Tainio var heldur ekki að gera góða hluti þannig séð. Hann fær 10 fyrir að reyna en einhvernveginn var lokasnertingin ekki heppnast hjá honum. Murphy stóð heldur ekki undir væntingum í þessum leik. Defoe kom greinilega mjög illa upplagður í leikinn því frá fyrstu mínútu var hann að pirrast og skammast. Í rauninni er eiginlega bara skemmst frá því að segja að enginn leikmaður var að spila á pari við getu, jah nema kannski Davenport. Það kann að skýrast af tvennu. Aðstæður á vellinum voru mjög slæmar þar sem helliringdi látlaust út allann leikinn. Það kann líka að skýrast af því að Cardiff voru að spila frábærlega. Allir leikmenn liðsins voru staðráðnir í því að láta úrvalsdeildarliðið hafa fyrir hlutunum. Baráttan var til algjörrar fyrimyndar. Cardiff á skilið klapp á bakið fyrir leikinn.

En við tökum þá í bakaríið þegar næsti leikur verður spilaður þann 16 jan minnir mig.

Cardiff - Spurs (FA)

2007-01-06T22:47:00.000Z

Jæja nú er komið að fyrsta leik okkar í FA bikarkeppninni. Við komum sem fyrr inn í bikarkeppnina í þriðju umferð. Andstæðingar okkar eru Cardiff frá Veils (Welsh). Já FA bikarkeppnin samanstendur af liðum frá Englandi og Veils. Við munum spila þennann leik s.s á Ninjan Park heimavelli Cardiff. Cardiff er eina liðið utan Englands sem hefur unnið þessa keppni. Áhangendur þeirra eru einhverjir þeir ófriðasömustu sem finnast á Bretlandseyjum og er ávallt mikil löggæsla í kringum bikarleikina þeirra. Fyrir sléttu ári spiluðum við í sömu keppni á móti Leichester. Eftir að hafa náð 2-0 forustu náðum við að klúðra málunum og þegar leikurinn var flautaður af höfðu Leichester náð að skora 3 mörk. Lokatölur 3-2 fyrir Leichester og þar með var ljóst að liðið hafði sett félagsmet. Aldrei fyrr höfðum við átt jafn slæmt bikarár og í fyrra. Það má eiginlega segja að þessi leikur hafi verið ákveðinn verndipunktur á síðasta ári. Næstu tveir mánuðirnir skiluðu aðeins einum sigri í hús.

Nú virðist öldin vera önnur. Við höfum nú unnið alla okkar leiki utan PL, engin jafntefli heldur bara sigrar!!! Það er algjört grundvallarmál í mínum huga að vinna þennann leik. Það bara verður að gerast. Ef við náum að vinna þennann leik skiptir framhaldið ekki jafn miklu máli í mínum huga. Aðalmálið er að ná að gera betur í þessari keppni en í fyrra. Ég veit það líka að ef leikmenn ætla sér að vinna þennan leik þá munu þeir bara gera það, jafnvel þó við séum á útivelli. Það held ég að sé borðleggjandi að leikmenn ætla sér að gera betur en í fyrra. Þess vegna er sigur eina útkoman sem ég sé að geti komið úr þessum leik.

Liðið

-----------------Robbo------------------
Stalteri----Daws-----Davenport-----Ekotto
Ghaly------Zokora---Tainio--------Steed
------------Defoe----Berbatov-----------

Ég er svona að gera ráð fyrir að Jol vilji leyfa þeim sem spiluðu hvað mest í jólatörninni að hvílast aðeins lengur. Hann hefur þá samt örugglega á bekknum ef við skyldum lenda í vanda. Ég ætla að skjóta á að Jol hafi ekki verið að refsa Zokora í Pompey leiknum fyrir framistöðuna á móti Liverpool heldur hafi hann verið að hvíla hann. Þessvegna spái ég að THUDD fái smá hvíld. Annars er þetta bara skot í myrkri. Við stöndum á tímamótum nú í meiðslamálum þar sem flestir eru að ná sér af meiðslum. Lennon, Keane, Mido, King og Jenas eru allir annaðhvort byrjaðir að æfa eða við það að byrja að æfa. Það er því spurning hvort einhverjir af þeim fái ekki smá tíma inná vellinum gegn Cardiff.

Ég spái þessu 1-3 fyrir Spurs
COYS!

Liðið (Vinstri Bakvörður)

2007-01-03T13:28:00.000Z

Vinstri bakvarðastaðan hefur oft verið vandamálastaða hjá okkur. Sú hugmyndafræði sem ég hef um bakvarðastöðuna er sú að bakverðirnir báðum megin verði að vera mjög álíkir. Það sem ég á við með þessu er að bakvörðurinn hægrameginn má ekki vera til baka þegar bakvörðurinn vinstrameginn er sókndjarfur. Þetta þótti mér vanta á síðasta tímabili. Lee og Stalteri voru alltof ólíkir. Lee var jafnvel sókndjarfari en flestir miðjumenn okkar á meðan Stalteri var mun ragari við að hætta sér fram. Færslan á liðinu var því í mjög ójöfn. Ég veit ekki hvort ég er að fara með hlutina of langt og þú sem lest hugsar "rólegur, þetta er bara fótbolti".
Í þessum skrifum nota ég skammstafanir úr ensku, sem margir þekkja úr CM leikjunum. (dc) þýðir þá "defence - Center" (lb) Þýðir þá "left back" eða vinstri bakvörður o.s.frv.
Eins og ég kom inná var Lee að sinna v-bakverðinum í fyrra. Nú virðist hann ekki eiga jafn öruggt sæti með komu Ekotto. Við skulum nú fara yfir leikmennina sem sinna þessari stöðu og taka það svo saman hvort staðan sé sterkari nú en í fyrra.

Benoit Assou-Ekotto (32)
Ekotto er 22 ára gamall Frakki/Kamerúni. Hann er fæddur 24 mars árið 1984 í Arras í Frakklandi. Foreldrar hans eru frá Kamerún og hefur því Ekotto tvöfalt ríkisfang. Ekotto fékk kall frá liðið Kamerún í Afríkukeppnina fyrr á þessu ári en hafnaði tilboðinu af persónulegum ástæðum. Margir vilja meina að hann hafi hafnað tilboðinu af þeirri ástæðu að hann setji markið á franska landsliðið.

Ekotto hóf atvinnumannaferilinn af alvöru 20 ára gamall þegar hann spilaði sinn fyrsta leik með Lens í Frakklandi gegn PSG. Ekotto kom upp í gegnum unglingastarf Lens. Hann spilaði 66 leiki með Lens og var á síðasta tímabili einn besti vinstri-bakvörðurinn í frönsku deildinni. Hann átti fast sæti í liði Lens á síðasta tímabili sem endaði í 4. sæti í deildinni. Eftir tímabilið voru mörg stór lið á eftir kappanum. Hann var talinn eitt mesta efnið í Frakklandi. Það var þó draumur hans um að spila á Englandi sem varð til þess að aldrei var spurning í hans huga á hvaða blað hann ætti að skrifa nafn sitt. Í júní skrifaði hann svo undir samning við okkur og var kaupverðið um 3,5 millj punda. Ekotto þykir fjölhæfur leikmaður og spilaði þar til fyrir 2 árum alltaf stöðu miðjumanns (mc) hann var svo fenginn eitt sinn til að leysa stöðu v-bakvarðar og vakti mikla athygli með framistöðu sinni. Hann þykir einnig liðtækur sem vinstri vængmaður.

Ekotto hefur að mínu viti tekið svolítið við hlutskipti Stalteri í fyrra (fyrrihluta tímabils). Hann er mjög yfirvegaður og er ekki mest áberandi maðurinn á vellinum. Það kann að skýra það að hann hefur ekki fengið það hrós sem hann á skilið. Hann hefur skilað varnarvinnunni mjög vel það sem af er tímabili. Þessi gagnrýni kann líka reyndar að skýrast af hluta til af því að hann er að spila í skugganum af besta hægri-bakverði í deildinni Chimbonda. Við skulum ekki gleyma því að þetta er leikmaður sem er 22 ára gamall og spilaði sinn fyrsta "top flight" (kann einhver íslenskt orð yfir þetta?) fótbolta fyrir tveimur árum. Hann kemur frá Frakklandi þar sem fótboltinn er gjörólíkur enskum fótbolta. Það er því undravert miðað við þetta hversu fljótur hann er að aðlagast liðinu. Ég tel mig sjá það í leik hans að hann gæti myndað mjög gott mótvægi við Chimbonda. Mér finnst ég sjá það á leik hans að hann er mjög góður framávið þó hann hafi ekki enn fullt sjálfstraust til að beyta sér mikið framávið. Það er í raun sorglegt að umræðan var nánast engin fram að Arsenalleiknum en eftir hann hefur hann mátt sæta mjög harðri gagnrýni.

Samantekt
Að mínu viti hefur Ekotto spilað með miklum ágætum það sem af er tímabili. Ef við tökum það með í dæmið að þetta er leikmaður sem hóf að spila alvöru fótbolta fyrir tveimur árum við gjörólíkar aðstæður er hann búinn að spila frábærlega. Við skulum ekki gleyma því að þessi leikmaður er ekki á hátindinum. Hann er enn bara ungur og efnilegur. Hann á bara eftir að verða betri. Hann er að mínu viti okkar besti kostur í vinstri-bakvörðinn. Ef hann og Chimbonda eiga eftir að ílengjast hjá liðinu eiga þeir eftir að verða okkur ómetanlegir. Ég hvet alla sem efast um leikmanninn að veita honum meiri athygli í leikjunum og horfa á hann án allra fordóma.

Young Pyo-Lee (3)
Lee er suður-kóreskur landsliðsmaður. Hann er fæddur 23 apríl 1977 og er því 29 ára gamall. Hann er 178 cm á hæð og um 70kg. Lee var keyptur frá Psv Eindhoven í ágúst árið 2005 á tæpar 1,4 millj punda. Hann er líkt og Ekotto mjög fjölhæfur leikmaður sem getur spilað hægra og vinstramegin á vellinum. Áður en hann kom til Psv spilaði hann mikið sem miðjumaður (mc). Lee býr yfir miklum hraða og ég held að hann búi einnig yfir mikilli knatttækni. Mér þykir Lee ekki enn hafa sýnt sitt besta með Spurs. Hann má eiga það að hann er ekki latur og var svolítið ranglega gagnrýndur á síðasta tímabili. Það var kannski til of mikils ætlast af honum í fyrra. Hann nánast bar upp sóknarleik liðsins. Þetta var til þess að hann fór mikið úr stöðu sinni og Davids sem var oft á vinstri kanntinum átti að taka stöðu hans í bakverðinum. Davids var sjaldnast að sjá um þá hlið mála og var því Lee oft kennt um að vinstri vængurinn væri of opinn. Hann hefur hinsvegar sýnt það að hann er prýðis varnarmaður og ágætis sóknarmaður. Hann er mjög mikilvægur fyrir liðið þar sem hann getur leyst báðar bakvarðastöðurnar með sóma. Ég skal viðurkenna að Lee fær sjaldnast sanngjarna gagnrýni hjá mér. Það er eitthvað í leik hans sem mér finnst gefa það til kynna að hann sé að halda aftur af sér. Það vantar eitthvað sjálfstraust. Oft þegar hann geystis upp völlinn finnst mér eins og hann geti gert lítið úr varnarmanninum ef honum sýnist, en svo kemur sendingin til baka. Það má því segja að hann fái ekki sanngjarna gagnrýni frá mér því ég hef meiri trú á honum en hann sjálfur. Ég gleymi því ekki í fyrra þegar hann ákvað að sóla Steve Finnan upp úr skónum gegn Liverpool. Ég man svo einusinni eftir að hann hafi gert þetta á þessari leiktíð. Málið er bara að hann reynir helst ekki þessar gabbhreyfingar. Það er svo mikið vopn í höndum leikmanna sem hafa þennan hraða sem Lee hefur, að geta sett varnarmanninn út af laginu með einni eða fleirri gabbhreyfingu, þá er hann sloppinn innfyrir.

Samantekt
Lee er eins og ég kom inná ómetanlegur liðsstyrkur. Hann gefur Chimbonda og Ekotto lítið eftir og ef annar þeirra meiðist veikist liðið ekki mikið. En Lee er ekkert unglamb lengur. Mér finnst mikilvægara að Ekotto fái að dafna í vinstri bakverðinum. Ég myndi alls ekki vilja missa Lee frá okkur.

Dorian Dervite (35)
Dervite er franskur unglingalandsliðsmaður. Hann er aðeins 18 ára gamall. Það fer kannski að missa marks ef ég minnist á að þessi leikmaður sé líka fjölhæfur, en hann er það nú samt. Þetta er einn af stærri mönnum Spurs. Hann er 193cm á hæð. Hann spilar jafnt í vinstri- bakverðinum sem og í miðri vörninni. Hann er mjög líkamlega sterkur og ákveðinn. Hann þykir einnig hafa furðugott vald á boltanum miðað við líkamsburði. Dervite Kom frá Lille í sumar þar sem miklar vonir voru bundnar við hann. Hann þykir geysilega efnilegur og hefur verið fyriliði u- 18 liðs Frakka. Dervite hefur spilað einn leik með aðaliði Spurs þegar hann spilaði bikarleikinn gegn Port Vale. Hann spilaði þá stöðu varnarmanns (dc).

Samantekt
Það sem ég veit um manninn er bara það sem ég hef lesið. Ég á enn eftir að sjá hann spila. Af því sem ég hef lesið virðist þetta vera þrælefnilegur leikmaður. Það kæmi mér ekki á óvart þó hann færi að banka hressilega á dyrnar eftir c.a 2 ár. En líklega sjáum við lítið af honum þetta tímabilið, enda aðeins 18 ára.

Reto Ziegler
Reto er skv. heimasíðu Spurs skrifaður sem vinstri bakvörður. Ég get ekki séð að hann sé góður í þeirri stöðu. Ég held að vinstri vængurinn sé miklu frekar hans staða. Allavega mun ég taka hann fyrir þegar ég fjalla um vinstri vænginn.

Heildarniðurstaða
Ég tel þessa stöðu standa mun sterkara núna heldur en í fyrra. Það er ekki aðeins vegna komu Ekotto, heldur líka komu Steed Malbranque. Nú getur vinstri bakvörðurinn spilað sem slíkur. Ég tel það ekki vera góða taktík að láta alltaf bakvörðinn geysast fram og að vængmaðurinn dekki hans stöðu á meðan. Að sjálfsögðu er gott þegar bakvörðurinn hjálpar til á vængnum með því að koma í yfirhlaup eða annað slíkt. En mér finnst það ekki ganga að í hvert sinn sem liðið sæki eigi vængmaðurinn að detta til baka og bakvörðurinn tekur stöðu hans. Koma Ekotto og Dervite hefur að sjálfsögðu mikið að segja. Þannig að við stöndum betur nú en í fyrra hvað Vinstri bakvörðinn varðar.

Næst mun ég taka fyrir stöðu Miðvarðar (dc)

Portsmouth 1 - Spurs 1

2007-01-01T17:24:00.000Z

Jafntefli á móti Portsmouth hefðu talist slæm úrslit fyrir þetta tímabil. En eins og þeir hafa verið að spila það sem af er tímabili er maður bara nokkuð sáttur við úrslitin. Leikurinn byrjaði ekki vel fyrir okkar menn. Hossam Ghaly missti 4 tennur og hlaut skurði á andliti þegar fyrrum leikmaður Spurs Noe Pamarot sparkaði í andlit Ghaly. Þulirnir sögðu að þetta ætti að vera gult spjald en ég veit ekki? Ghaly beygði sig ansi langt niður eftir boltanum og ég efast um að Pamarot hafi séð Ghaly. Allavega vill ég ekki saka hann um að hafa gert neitt viljandi. Það má vel vera að Pamarot hafi kannski lyft fætinum of hátt, það má vera að það réttlæti gult spjald en ég held að þetta hafi bara verið slys. Það var allavega mjög óhugnarlegt að sjá það í endursýningu þegar tennurnar spýttust úr munni Ghaly. Ghaly fær hinsvegar risastórann plús í kladdan hjá mér fyrir að spila allann fyrri hálfleikinn hálftenntur. Sem betur fer fundust allar 4 tennur Ghaly og þær sendar með honum í umslagi til tannsa í hálfleik.

Liðin voru mjög jöfn á vellinum og hvorugt liðið náði að yfirspila hitt. Portsmouth komst yfir í fyrrihálfleik. Það er ekki hægt að kenna neinum um markið. Skotið hrökk af Davenport og því náði Robbo ekki að koma í veg fyrir það. Murphy kom inná í hálfleik fyrir Ghlay og átti stoðsendinguna á Steed sem skallaði bolltann í netið. Ég hreinlega skil ekki af hverju Murphy er ekki að spila meira. Hann hefur að mínu mati verið mjög góður í þau fáu skipti sem hann fær að spila.

Það var svo mjög skemmtilegt atvik sem átti sér stað í seinni hálfleik þegar Sean Davis fyrrum leikmaður Spurs braut á Lee. Þetta var klárt brot og ekkert við það að athuga að manni fannst. Hinsvegar var Davis ekki á sama máli og til að útskýra það fyrir dómara leiksins hvað hafði gerst tók hann sig til og fleygði sér í jörðina, til að gefa það til kynna að Lee hafi nú fallið helst til of auðveldlega. Þetta var nú með því fyndnara sem ég hef séð á vellinum.

En eins og áður segir er ég nokkuð sáttur með úrslitin. Portsmouth hefur aðeins tapað einum heimaleik á tímabilinu og við aðeins unnið einn útileik. Portsmouth er líka búið að koma mikið á óvart þetta tímabilið og því var jafntefli sanngjarnt og ásættanlegt.

Besti maður Spurs var án nokkurs einasta vafa Dimitar Berbatov. Þessi leikmaður er að mínu viti einn af 5 bestu framherjum deildarinnar í dag.

Nú fá leikmenn nokkurra daga kærkomna hvíld. Ég held að Chimbonda, Defoe, Dawson og fleirri taki hvíldinni fagnandi.

Áramóta... ávarp :)

2006-12-31T15:58:00.000Z

Nú þegar Spursarinn hefur verið tæpt hálft ár við lýði vill ég lýsa þakklæti mínu til þeirra sem hingað venja komur sínar. Sú hugsun sem lá á bakvið það að ég opnaði síðuna var að það vantaði meiri fjölbreyttni í umræður um Spurs á Íslandi. Ég ákvað því að reyna að búa síðunni til sérstöðu þannig að hún væri frekar viðbót við spjallsvæði spurs.is en væri ekki í samkeppni við hana. Spjallsvæði Spurs hefur þá sérstöðu að þar er meira um stuttar vangavelltur og póstunum oft svarað með nokkrum setningum. Ég hef hinsvegar reynt að feta þær slóðir sem ekki eru troðnar á spjallsvæði spurs. Upphitanir fyrir leiki og færri en þá kannski helst ítarlegri pistlar um mínar skoðanir hafa frekar ráðið ferðinni hér á Spursaranum.

Ég hef haft ákveðnar áhyggjur af gangi mála hjá íslenskum stuðningsmönnum Spurs. Það virðist sem að íslenska umræðan eigi undir högg að sækja og sé á vissann hátt að lúta í lægra haldið fyrir erlendum spjallsvæðum. Ég hef það á tilfinningunni að margir af þeim málefnalegu og virtu stuðningsmönnum hér á íslandi sem hafa gert umræðurnar skemmtilegri og málefnalegri séu í miklum mæli að hverfa frá okkur til erlendu síðanna. Þetta finnst mér mjög slæm þróun. Fréttaflutningur á Íslandi virðist vera takmarkaður að miklu leyti við stærstu 4 lið Englands. Þetta þýðir ekki að við eigum að gefast upp og kvarta. Nei, þetta þýðir einfaldlega að við þurfum að leggja enn harðar að okkur við að halda uppi umræðunni á Íslandi.

Ég er ekki aðeins stoltur af því að vera stuðningsmaður Spurs. Ég er líka mjög stoltur af því að vera íslenskur stuðningsmaður Spurs. Ég gæti einna best trúað því líka að þar ytra yrðu menn stoltir ef þeir vissu að á Íslandi væri stór hópur fólks sem styddi Spurs og að hér væri virk umræða um allt er við kemur Spurs.

Nú er ég ekki einn af þeim sem er svo svakalega annt um íslenska tungu. Allavega er það ekki ástæða þess að ég tel mikilvægi þess að hafa íslenska umræðu mikla. Við verðum að hugsa til þess að hér á landi eru ekki allir sem hafa gott tak á enskri tungu. Fyrir þá aðila er fréttafluttningur um Spurs á íslensku af mjög skornum skammti og því hætt við að þeir aðilar verði útundan.

Helst myndi ég vilja sjá a.m.k 5 síður um Spurs á Íslensku. Allar með sína sérstöðu. Ég myndi vilja sjá að á Íslandi væri eitt öflugasta stuðningskerfi Spurs utan Bretlandseyja.

En nóg um það í bili. Eins og fram kom í upphafi er ég þakklátur þeim viðtökum sem Spursarinn hefur fengið. Nú er enginn teljari á síðunni þannig að ég veit í raun ekki hvað heimsóknirnar eru margar. En ég finn hinsvegar fyrir þeim góðu viðtökum sem síðan hefur fengið, og ljóst að það var þörf fyrir aðra vídd í umræðurnar hér á Íslandi. Þegar ég fór á stað með síðuna bjóst ég við að það tæki síðuna langan tíma að festa sig í sessi. Hinsvegar hefur henni verið tekið vel frá fyrsta degi og menn duglegir að láta skoðun sína í ljós. Ég sé ekkert nema bjart framundan á nýju ári bæði hvað varðar Spurs og Spursarann. Ég mun að sjálfsögðu halda uppteknum hætti á Spursaranum. Ég er jafnframt með ýmislegt í pokahorninu sem ég hef hug á að setja í framkvæmd á næsta ári og þar með auka fjölbreyttnina enn frekar.

Ég vill enda þetta á að óska öllum stuðningsmönnum Spurs og annara liða og fjölskyldum þeirra velfarnaðar á komandi ári. Ég vonast eftir að sjá ykkur sem flest á Spursaranum á nýju ári. Takk fyrir viðtökurnar og samstarfið á árinu sem er að líða.

GLEÐILEGT NÝTT ÁR!!!

Spursarinn (Elías Guðmundsson)

Spurs 0 - LFC 1

2006-12-30T17:15:00.000Z

Þannig endaði leikur mistakana. Ég í rauninni get ekki verið pirraður yfir þessum leik. Þegar menn eru annað hvort ekki í neinu leikformi eða örþreyttir að spila við þessar aðstæður verður mikið um mistök. Það er bara þannig. Þetta var fimmti leikurinn á tveimur vikum. Það er eðlilegt að þeir menn sem hafa spilað alla leikina séu orðnir ansi þreyttir, enda PL erfiðasta deild í heimi. Berbatov og King voru ekki í byrjunarliðinu sem og Lennon, Jenas og fleirri, og munar þar um minna á móti liði eins og Liverpool. Það var úrhellisrigning og á tímabili var maður farinn að óttast um að leikurinn yrði flautaður af. Það má líka segja að við vorum óheppnir í leiknum. Einn Liverpoolmaðurinn var aðeins hársbreidd frá því að skora sjálfsmark í seinnihálfleik.

Það má heldur ekki líta framhjá því að liðið barðist vel framm á lokamínútu. Ég er alveg handviss um að við tökum góða sigurtörn þegar Lennon, Jenas og Keane koma úr meiðslum.

Tottenham - Liverpool

2006-12-28T21:26:00.000Z

Tottenham - Liverpool

Laugardaginn 30 Des kl 15:00 á WHL (Í opinni dagskrá á skjá einum)

Liverpool
Liverpool var stofnað árið 1892. Það kom þannig til að Everton hafði leikið sína leiki á Anfield. Árið 1891 keypti maður að nafni John Houlding Anfield. Hann ákvað að hækka leiguna á vellinum úr 100 pundum í 250 pund á ári. Þetta sættu Evertonmenn sig ekki við og fóru af Anfield. Nú þurfti J.H að finna leið til að gera fjárfestingu sína arðbæra og í mars 1982 stofnaði hann liðið Liverpool.

Liverpool var fljótt að festa sig í sessi sem eitt af stóru liðunum á Englandi. Þeir unnu deildina 1901, 1906.1922 og 1923. Eftir titilinn 1923 tók hinsvegar við lengsta þurrðartímabil í sögu Liverpool. Það unnust engir titlar á næstu rúmlega tveimur áratugum. Það var svo 1947 sem þeir unnu deildina aftur. En 7 árum síðar voru þeir fallnir um deild. Árin 1954-59 var liðið að strögla í annari deild. Árið 1959 tók svo við liðinu maður sem haldinn er í dýrlingatölu á Anfield. Þegar Bill Shankly tók við liðinu ákvað hann að endurbyggja liðið nánast frá grunni. Eftir mögur ár á undann hóf Shankly mesta gullaldartímabil sem sögur fara af í fótboltaheiminum. Næstu þrjátíu ár vann Liverpool 13 deildarmeistaratitla og fjöldann allann af öðrum dollum. Stytta Bill Shankley stendur fyrir utan Anfield til minningar um upphafsmann glory tímabilsins. Eftir að Shankly lét af störfum árið 1974 tók aðstoðarmaður hans Bob Paisley við stjórastöðunni. Paisley átti eftir að verða sigursælasti stjórinn í sögu Liverpool og þó víðar væri leitað. Á þeim 9 tímabilum sem hann sat við stjórastöðuna hjá þeim vann hann 21 bikar með Liverpool. Það var ekki fyrr en í lok níunda áratugsins sem gullaldartímabilið hjaðnaði. Tíundi áratugurinn (ekki meðtalið tímabilið 89-90) var svo ákveðið sjokk fyrir stuðningsmennina sem sumir höfðu ekki þekkt annað en að vinna titla á hverju ári. Aðeins 2 bikartitlar unnust á þessum áratugi. Þrátt fyrir að vera sigursælasta lið Englands eru stuðningsmenn margir hverjir ekki sáttir með að hafa enn ekki unnið úrvalsdeildina. En hlutirnir hafa gengið vel eftir tíunda áratuginn. Þeir hafa frá árinu 2000 unnið meistaradeildina og 4 sinnum unnið bikarkeppni, unnið UEFA Cup einusinni, unnið UEFA super cup tvisvar og góðgerðaskjöldin tvisvar.

Það er nú varla hægt að minnast á sögu Liverpool án þess að koma inn á tvær hörmungar sem dunið hafa á félagið. Hillsborough- og Heyselhörmungarnar. Ég læt það þó gott heita að segtja linka með þessum hörmungum.

Heysel (upprifjun á atburðunum fyrir leik LFC og Juve 2005)
Hillsborough

Ég veit að poolarar finnast ég vera að fara á alltof miklu hundavaði yfir söguna.

Leikurinn

Liverpool hefur verið að strögla í deildinni í byrjun tímabils rétt eins og Spurs. Þeir sitja í sjötta sæti með 34 stig. Ef okkur tekst að vinna þá með 7 marka mun munum við hafa sætaskipti við þá (er ekki allt hægt í fótbollta?). Liverpool hefur annað sammerkt með okkur er varðar lélegan árangur. Þeir hafa verið hörmulegir á útivelli, með tveimur undantekningum þó. Það virtist vera að þeir væru að hrökkva í fluggír eftir að hafa unnið tvo leiki á útivelli í röð með samtals 7 mörkum gegn engu um jólin, en Blackburn tókst hinsvegar að sigra þá á heimavelli sínum í síðustu umferð. Þeir hafa aðeins unnið tvo af 10 útileikjum sínum í deildinni, og aðeins hlotið 8 stig af 30 mögulegum. Síðustu sex viðureignir liðana eru þó Liverpool í hag. Við höfum aðeins unnið einn af þessum 6 leikjum, en Liverpool 2. Mönnum er líklega enn í fersku minni tapið gegn Liverpool þann 23 sept. síðastliðinn þegar við steinlágum á Anfield 3-0. Það voru Kuyt, Gonzalez og Rise sem skoruðu mörk leiksins. Hér er það sem skrifað var á Spursaranum eftir leik.

Það er ekki bara slakt gengi Liverpool á útivelli í vetur sem gefur okkur von um sigur í þessum leik. Tottenham hefur nú unnið 12 leiki í röð á heimavelli. Við erum reyndar á barmi þess að setja félagsmet hvað þetta varðar. Síðustu heimaleikir hafa reyndar ekki gefið góð fyrirheit. Við rétt mörðum Southend í framlengdum leik heima í þarsíðasta leik og mörðum Villa með naumindum í síðustu umferð á WHL. Það er nokkuð ljóst að heimavöllurinn er ekki eins sterkt vopn þegar leikmenn eru örþreyttir. Það á líklega eftir að skera úr um úrslit leiksins hvort liðið mætir minna þreytt í leikinn. Mér fannst ég merkja mikla þreytu bæði í Dawson og Chimbonda í síðasta leik okkar, sem er auðvitað eðlilegt. En auðvitað eru bæði lið að spila jafn stíft prógram.

Liðin

Spurs
----------------Robinson------------
Chimbonda---Dawson----King----Ekotto
Ghaly-------THUDD-----Zokora---Steed
------------Defoe-----Berbatov------

Ég er að spá í að hætta með röflið um að það sé nánast ómögulegt að spá til um liðskipan vegna leikjaálags. Það virðist ekki vera neitt atriði. Annað hvort eru menn í einhverju súperdúper formi og þurfa ekkert að hvíla sig eða þá að Jol ætli að láta menn harka þetta af sér. Þetta er að mínu viti okkar sterkasta lið eins og staðan er í dag. Hinsvegar ef Lennon nær að standast læknisprófið fyrir leik mun hann koma inn í liðið fyrir Ghaly. Aðrir leikmenn sem ná líklega ekki leiknum eru Mido, Keane, Jenas, Tainio, Davids og Stalteri.

Liverpool
--------------Reyna----------------
Finnan---Agger---Carrager----Rise
Pennant--Alonso--Gerrard----Gonzalez
-------Crouch----Bellamy----------

Nú veit ég það aðeins að þessir leikmenn eru heilir. Ég veit í raun lítið annað um Liverpoolleikmennina. Ég hef ekkert horft á Liverpool nýlega og veit ekkert hverjir eru heitir og hverjir ekki. Þannig að ég er ekki maðurinn til að tippa á lið Liverpool. Þeir leikmenn sem eru meiddir hjá Liverpool eru Zenden, Kewell og Sissoko.

Mín spá
Þetta verður auðvitað erfiður leikur. Jafntefli er lágmarkskrafan í þessum leik. Ég spái hinsvegar að við vinnum leikinn. Ég ætla ekki að gera mér neinar einustu vonir um að við náum að halda hreinu enda er það eitthvað sem gerist bara ekki hjá okkur. Ég spái þessu því 2-1 fyrir Spurs!

Coys!!!!

Update
*Dómari leiksins verður Mark Halsey, sá hinn sami og dæmdi leik Spurs gegn Boro fyrr í þessum mánuði.
*Ef við skorum mark í leiknum verður það mark nr. 450 sem Spurs skorar á WHL í PL.

Hitt og annað

2006-12-28T11:39:00.000Z

Ég vill byrja á að óska Tom Huddlestone til hamingju með að hafa náð tvítugsaldrinum. THUDD skrifaði nýlega undir samning sem heldur honum hjá félaginu til 25 ára aldurs. Það er auðvitað frábærar fréttir. Nú byrjaði ég að halda smá upp á hann þegar hann kom til félagsins. Ástæða hrifningar minnar á honum höfðu þó ekkert með leikinn að gera heldur að hann leit út eins og hasarmyndahetja. Nú hefur hann öðlast allt aðra og dýpri virðingu hjá mér, sem og öllum stuðningsmönnum Spurs.

Defoe.
Defoe hefur heldur betur verið að koma til upp á síðkastið og nýtt sér meiðsli Keane til fulls. Hann er nú á topp tíu yfir markahæstu menn í deildinni. Jol hefur gefið það út að hann muni alls ekki selja Defoe í janúar. Það er spurning hvernig maður á að taka því. Í fyrra sagði bæði Jol og Commoli að engin leikmaður myndi fara frá félaginu í janúar. Reyndin var reyndar sú að við seldum minnir mig mest allra félaga í janúar. En ég hef engar áhyggjur af því að Defoe fari. Hann hefur séð það svartara en þetta án þess að yfirgefa félagið. Hann er sá framherji Spurs sem hefur fengið að spila mest allra þetta tímabil í deildinni.

Vanmetnasti leikmaðurinn.
Ég var að sjá ansi skemmtilega frétt áðan. Þar var niðurstaða úr könnun um hver væri vanmetnasti leikmaður Spurs. Sá sem hlaut yfirburðakosningu var Hossam Ghaly. Landi hans Mido var í öðru sæti og Murphy í þriðja. Ég get ekki annað en verið pínu sammála þessu. Ég hef mjög gaman af Ghaly. Hann vinnur mikið og er stórhuga. Hann hefur fengið að heyra gagnrýnisraddir vegna þess hve oft sendingar hans misheppnast. Það er reyndar hárrétt að hann gefur boltann mjög mikið frá sér. Það má að mestu rekja til þess að flestar sendingar hans eru ætlaðar sem stoðsendingar. Ghaly er ekki mikið gefinn fyrir það að gefa á næsta mann og alls ekki fyrir að gefa boltann til baka (í átt að eigin marki). Nei, sendingarnar eru yfirleitt ætlaðar fremsta manni. Ég kann að meta það í fari leikmanns. Leikmenn sem gefa boltann alltaf til baka og andstæðingurinn mætir þeim gera engin mistök en gera ekki leikinn skemmtilegri. Við sjáum það líka að Ghaly hefur gefið nokkrar stoðsendingar og er ekkert feiminn við að keyra á andstæðinginn. Með því hefur hann m.a náð að fiska vítaspyrnur og skapa hættu. Ég er samt ekkert að segja að hann sé sá besti en samt sammála því að hann er vanmetinn.

Í næsta sæti hefði ég reyndar haft Murphy. Hann hefur verið rosalega góður í þeim leikjum sem hann hefur fengið að spila á leiktíðinni. Hann hefur gríðarlega góða sendinga og skottækni og hefur mikla reynslu. Í þeim örfáu leikjum sem hann hefur fengið að spila á þessari leiktíð hefur honum tekist að skora tvö mörk. Hann er líklega markahæsti leikmaður liðsins í hlutfalli við hversu oft hann hefur verið í byrjunarliðinu. Ég vill sjá miklu meira af þessum leikmanni og vona að hann verði ekki seldur í janúar, þó ég óttist það.

Mido er og hefur allt frá atvikinu á afríkumótinu verið vanmetinn leikmaður. Hann hefur réttilega fallið í skuggann á Berbatov. En Mido er frábær leikmaður. Hann er enginn supersub og því þarf hann að fá nokkra leiki í röð til að finna sig. Þegar Mido finnur sig er hann frábær. Það er þó erfitt fyrir Mido að ætla að vinna sér inn sæti í liðinu á meðan Berbatov er að spila eins og hann hefur gert. Jol er harðákveðinn í því að spila ekki saman tveimur "stórum framherjum". En ég þreytist ekki á að minnast á að þeir geta vel spilað saman.

Aðrir leikmenn sem ég tel vanmetna í þessu liði eru t.d Lee Barnard, Davids og Ekotto

Slæm þróun hjá stuðningsmönnum (langt)

2006-12-26T21:25:00.001Z

Það hefur nú gerst það sem ég óttaðist, en vonaði að myndi aldrei gerast. Stuðningsmenn Spurs eru margir hverjir dottnir niður á það lága plan sem oft hefur einkennt stuðningsmenn Liverpool. Nú er ég að tala um íslenska stuðningsmenn og ekki alla sem einn.

Þetta fylgir oft góðum árangri tímabilsins á undan. Stuðningsmenn verða gráðugir og búast við að nú komi risastórt stökk upp á við. Það muna kannski einhverjir eftir því þegar Liverpool tókst hið ómögulega. Þeir unnu meistaradeildina þrátt fyrir að þeir hafi verið það lið í Englandi og líklega meistaradeildinni líka sem áttu við hvað mest meiðslavandræði að stríða. Þeir unnu svo úrslitaleikinn með einhverjum dramatískasta hætti sem hægt er að hugsa sér. Fyrir tilstilli þessa afreks mun ég alltaf virða Liverpool FC. Svo byrjaði næsta tímabil og þegar aðeins 10 deildarleikir voru búnir af tímabilinu voru margir af þeirra áðdáendum (minni enn og aftur á að ég er að tala um íslensku aðdáendurna) farnir að heimta uppsökn Benitez þar sem liðið var ekki að vinna alla sína leiki. Þeir vildu sjá hæfari þjálfara taka við. Þessi hópur fólks sem kallaði sig aðdáendur Liverpool fékk mig til að missa nánast allt álit á þeim öllum. Þvílík hneysa og heimska. Þarna voru þeir með þjálfara sem gerði kraftaverk, svo stórt kraftaverk að Liverpool hefðu átt að bjóða honum æviráðningu.

Ég hef nú gert mér grein fyrir því að það er alltaf þessi vanþakkláti hópur aðdáenda til í hverju félagi. Hann virðist hinsvegar vera ógnarstór og áberandi hjá Liverpool. Á þessu tímabili hefur þetta að sjálfsögðu haldið áfram hjá þeim. Í byrjun gekk illa hjá Liverpool í deildinni. Maður þurfti ekki að bíða lengi eftir að menn vildu aftur sjá Benitez hverfa frá störfum. Þessi hópur að sjálfsögðu þagnar alltaf jafn skjótt og vel gengur, en eru jafnfljótir að gleyma velgengninni ef leikur tapast. Þetta á ekki aðeins við um þjálfarann. Ef leikmaður á slæman leik er þessi hópur tilbúinn að ata leikmanninn skít og krefjast þess að nýr leikmaður verði keyptur í staðinn. Hlægjilegasta dæmið hvað þetta varðar var í fyrra þegar umræða hóps Liverpoolmanna um að Reyna markvörður væri ekki nægjilega góður og vildu fá annað hvort Dudek eða nýjann markvörð. Þetta er auðvitað hlægilegt af þeim ástæðum að Reyna stóð sig mjög vel á síðasta tímabili og var m.a sá markvörður sem náði að halda hreinu markinu í flestum leikjum. Hann hélt minnir mig hreinu í 20 af 35 leikjum sínum. How much is enough?

Nú er ég ekki að segja að aðdáendur eigi bara að brosa falsbrosi þegar illa gengur. Að sjálfsögðu er hluti af leiknum að hafa skoðun á hlutunum. Það má auðvitað gagnrýna það sem manni finnst hafa mátt gera betur og þar fram eftir götunum. En gagnrýnin verður þá líka að vera réttmæt. Það sér það hver maður að þessi hegðun þessa hóps stuðningsmanna Liverpool er auðvitað ekki réttmæt. En ég vill ljúka umræðu minni um Liverpool með að benda á að það eru ekki allir stuðningsmenn þeirra hér á Íslandi sem haga sér svona. Það eru fjölmargir þeirra sem standa við bakið á leikmönnum og þjálfara sinna manna, jafnvel þó hlutirnir séu ekki að ganga upp á akkúrat þeim tímapunkti. Þeir stuðningsmenn hljóta virðingu fyrir mínum augum.

Nú víkur sögunni að Spurs.
Þessi hópur stuðningsmanna sem vill stórbrotinn árangur ellegar brottrekstur þjálfara og sölu leikmanna hefur nánast ekki þekkst hjá stuðningsmönnum Spurs. Ég gerði mér þó alltaf grein fyrir að þetta gæti komið upp hjá stuðningsmönnunum eftir að hafa náð góðum árangri í fyrra. En ekki í þessum mæli. Þegar ég horfi til baka yfir það sem af er þessu tímabili er árangurinn frábær. Það er í raun ótrúlegt að við skulum hafa náð þessum árangri. Við skulum átta okkur á því að við skiptum út næstum því helmingnum af liðinu okkar fyrir þetta tímabil! Leikmenn eins og Cimbonda, Ekotto, Ghaly, Zokora, THUDD, Steed og Berbatov komu allir nýjir inn (THUDD telst sem nýr leikmaður í byrjunarliðinu). Það er auðvitað ekki við því að búast að liðið nái að vinna eins og smurð vél þar sem allir leikmenn gjörþekkja allar hreyfingar samherjanna svona til að byrja með. Það er því eftir á að hyggja hægt að segja að "slæm byrjun" á mótinu hafi verið nokkuð eðlileg. Ég set slæm byrjun innnan gæsalappa, því mér finnst tímabilið hafa spilast ágætlega, jafnvel vel. En mjög margir eru mér ekki sammála. Horfum nú á hvað hafði gerst á sama tímabili í fyrra. Við höfðum startað bestu byrjun Spurs frá upphafi úrvalsdeildar. Þetta var magnaður árangur! Það er kannski til of mikils ætlast finnst mér að ætla að gera slíkt hið sama annað árið í röð. Hins vegar höfðum við staðið okkur algjörlega ömurlega í keppnum utan PL. Það er reyndar bara um eina að ræða og þar duttum við út á móti liði sem var á mörkum þess að vera atvinnulið (Grimsby). Það var því ætlast til þess að við myndum gera betur á þeim vetvangi.

Horfum nú á þetta tímabil. Við höfum verið að strögla á útivöllum í vetur. Það er í raun það eina sem hægt er að setja út á liðið. Við höfum unnið hvern einn og einasta leik í evrópukeppninni og flugum í gegnum riðlakeppnina, langefstir! Við höfum spilað svo vel að það er hátíð í hverjum einasta leik. Við höfum líka spilað í keppninni þar sem við duttum út í fyrstu umferð í fyrra. Við höfum þar líka unnið hvern og einn einasta leik og erum komnir í undanúrslit. Við unnum Chelsea í vetur. Þvílíkur draumur. Við höfum ekki unnið top 4 í fjöldamörg ár og voru menn orðnir ansi þreyttir á því að geta aldrei unnið neitt af þessum topp liðum. Við höfum unnið okkar fyrsta stórsigur í 1 og 1/2 ár þetta tímabilið þegar við unnum Charlton 5-1. Það eru í raun bara 5 stig í að við náum 4. sætinu sem við sátum í fyrra.

Það er því nokkuð ljóst að liðið hefur verið að standa sig ansi vel þrátt fyrir allt og að mínu mati betur heilt yfir en í fyrra. Það er svakalega gott ef við tökum mið af því að liðið er gjörbreytt og að á sama tímabili í fyrra vorum við að setja félagsmet í úrvalsdeildinni. En þrátt fyrir þetta er kominn þessi hópur stuðningsmanna sem ég var að tala um í sambandi við Liverpool. Það eru að spretta upp umræður hvort það sé tímabært að reka Jol og leikmenn fá skítkastið ef þeir standa sig ekki. Ef við byrjum á að skoða hvort þetta sé réttmætt varðandi Jol. Jol er sá stjóri sem hefur lang besta sigurhlutfallið af öllum stjórum Spurs frá upphafi úrvalsdeildar. Hann er í raun með 6. besta sigurhlutfallið af öllum stjórum Spurs frá stofnun félagsins. Hann náði að fara með Spurs upp í nýjar hæðir á síðasta tímabili og er einn snjallasti stjórinn á leikmannamarkaðnum sem ég man eftir að Spurs hafi haft. Hann er að gera góða hluti á þessu tímabili, þó auðvitað hafi ekki hlutirnir verið að ganga upp á útivöllunum. Auðvitað er þetta þvílík vitleysa að annað eins er fáheyrt, nema auðvitað hjá þessum hóp Liverpoolmanna. Ef maður ber saman þessi vandræði á útivöllunum miðað við allt annað, sjá náttúrulega allir að það réttlætir auðvitað ekki brottrekstur þjálfarans.

Svo er hitt sem ég hef minnst á, óþolinmæði gagnvart leikmönnum. Þeir eru margir sem hafa mátt þola óvægna og á stundum óréttláta gagnrýni ákveðins hóps stuðningsmanna sinna. Defoe, Keane, Zokora, Ekotto og Robinson eru þeir sem hafa mátt þola óréttmæta gagnrýni á þessu tímabili. Þessir leikmenn hafa kannski ekki alltaf staðið undir væntingum, og sumir hafa bara ekki verið að standa sig yfir höfuð. En á meðan við erum stuðningsmenn þessara leikmanna fynnst mér að við ættum að gagnrýna þá á sanngjarnann hátt en ekki ráðast á þá á stundum með svívirðingum. Stuðningsmenn Spurs á Englandi eru ekki taldir einir þeir bestu á Englandi vegna þess að þeir ráðast á eigin leikmenn. Þeir hljóta þessa virðingu vegna þess að þeir standa með sínum mönnum.

Það sem gerði kannski útslagið með að ég skrifaði þennann pistil var aðför stuðningsmanna að stolti okkar Spursaðdáanda. Eno, eða Englands number one; Paul Robinson fékk heldur betur að heyra það á spjallborði Spurs.is eftir leikinn gegn Newcastle. Robbo greyjið hefur verið að strögla svolítið það sem af er tímabili. Hann hefur líka fengið að heyra það. Það er svosem í lagi að menn bendi á staðreyndir og þurfa ekkert að fara undir rós með það. Hann hefur hinsvegar verið að koma til nú í desember og spilað mjög vel. Hann átti stórkostlegan leik gegn Man. City. Eins og við var að búast voru menn ekkert að heimta bekkjasetuna á hann á meðan hann spilar svona vel. En um leið og hann misstígur sig (líkingamál) í einum leik eru sumir stuðningsmenn tilbúnir að stökkva á hann líkt og hýenur á hræ.

Ég er ekki að segja að Robinson hafi ekki átt óvægna gagnrýni skilið. Stuðningsmenn vænta þess að leikmenn leggji sig alla fram í leikjum. Ekki aðeins vegna þess að þeir þyggi milljónir í laun fyrir það heldur líka af því að þeir eru þeirra forréttinda aðhljótandi að fá að spila með liði sem sérhvern ungann markmann dreymir um að spila með. En um leið og við tökum það að okkur að gagnrýna verðum við alltaf að spurja okkur að því hvort gagnrýnin sé réttmæt. Ég ætla að leyfa mér að byrta nokkrar setningar af þræði spurs.is spjallsvæðisins um leik Newcastle og Tottenham. Þetta var skrifað eftir leikinn. Ég ætla ekki að fara setja út á hluti sem sagðir eru í hita leiksins.

Robinson - leikurinn hefði kannski endað með jafntefli ef hann hefði ekki ákveðið að vera svona feitur og með lokuð augun.

Fyrst þurfti ég að horfa uppá liðið mitt áskæra hrauna í sig þökk sé lélegasta markverði deildarinnar sem var besti maður Newcastle í dag

Þetta finnst mér vera dæmi um óréttmæta gagnrýni. Ég er þó ekki endilega að setja höfunda þessara innleggja í hópinn með þessum óþreyjufullu stuðningsmönnum. Þetta eru aðeins dæmi. Svona árásir eiga heima hjá stuðningsmönnum keppinautana. Mér finnst það felast í orðinu stuðningsmaður að þú styður þitt lið og þína leikmenn. Eins og ég kom inná áðan hafði Robbo verið búinn að standa sig mjög vel það sem af var mánaðar. Ég er svolítið hræddur um að verða misskilinn með að það megi ekki gagnrýna. Ég endurtek því að það er munur á réttmætri gagnrýni og óréttmætri. Ég sé ekki að holdafar Robbo hafi neitt með mistök hans í þessum leik að gera. Mér finnst það líka óréttmæt gagnrýni að kalla hann lélegasta markvörð deildarinnar. Það gæti alveg verið hægt að rökstyðja það að Robbo hafi átt mjög slæmt tímabil á sanngjarnann hátt. En það er enginn rökstuðningur á bakvið þessar ásakanir.

Ég er lönguhættur að reyna að stjórna því hvernig stuðningsmenn eiga að haga sér og hvernig þeir eiga ekki að haga sér. Þessi færsla er því ekki tilraun til þess. Færslan lýsir hinsvegar minni skoðun á þeim hópi sem "styðja" lið sitt með þessum hætti. Ég hef eflaust einhverntíma dottið í þá gryfju að dæma með óréttmætum hætti, ég reyni þó alltaf að fara yfir gagnrýnina og spurja mig að því hvort hún sé réttmæt. Það sem varð til þess að ég ákvað upphaflega að taka þátt í umræðum á netinu um Spurs var það hvað stuðningsmenn Spurs voru yfirleitt málefnalegir og sanngjarnir í gagnrýni sinni á liðið og leikmenn. Vonandi heldur það áfram.

Tottenham 2 - Villa 1

2006-12-26T15:13:00.000Z

Enn heldur glæsileg sigurganga á WHL áfram. Það fer nú eiginlega bara að verða fyndið að við skulum nær alltaf fá á okkur 1 mark í þessum sigurleikjum. Annars var þetta ekki auðveldur leikur. Aston Villa fá klapp á bakið fyrir að berjast fram á lokamínútu. Okkar leikmenn stóðu sig vel í dag. Mér fannst hinsvegar óvenjulegt að sjá Dawson svona slappann. Hann átti ekki neitt hörmulegann leik en hann var ekki að sýna sitt rétta andlit. Nú er ég ekki bara að tala um atvikið sem varð til þess að Villa skoruðu. Þessi gríðarlega barátta sem hefur alltaf verið í Dawson sást ekki í leiknum í dag. Það held ég að sé greinilega komin mikil þreyta í leikmenn og törnin bara hálfnuð. En ég ætlaði nú ekki að tala um slakan leik Dawson. Hann fær 6 og allt í lagi þannig séð. Það sem meira máli skipti voru þeir leikmenn sem voru að spila hvað best í dag. King, THUDD, Defoe og Berbatov áttu allir mjög góðann leik. King gjörsamlega át Agbonlahor og þar með nær allar sóknaraðgerðir Villa. THUDD var endalaust að hirða boltana af andstæðingunum og var að skila boltanum vel frá sér. Defoe skoraði 2 mörk, en þar fyrir utan var hann kannski ekkert spes. En tvö mörk var það sem tryggði sigurinn og hann fær fullt kredid fyrir að klára þessi færi. Berbatov var að búa til færin og varnarmenn Villa réðu illa við hann. Ég ætla samt að gefa THUDD titilinn maður leiksins. Mér fannst hann frábær í þessum leik.

Það kom mér mikið á óvart að Jol skildi ekki hafa neinn sóknarmann á bekknum. Defoe kom inn í leikinn líklega ekki búinn að ná sér fullkomnlega af meiðslunum (þó það væri ekki að sjá á leik hans). Berbatov er búinn að spila mjög stíft núna undanfarið. Þetta var því svolítil áhætta.

Annars er ég bara sáttur við leikinn þetta voru þrjú dýrmæt stig og það skiptir ekki máli þegar upp er staðið hvernig við unnum leikina.

Tottenham - Aston Villa

2006-12-25T00:28:00.000Z

Þriðjudaginn 26 des. Kl:13:00 Á WHL.

Aston Villa Fc.

Gælunafn : The Villans

Stofnað árið: 1874

Borg: Birmingham

Heimavöllur: Villa Park (42.553)

Stjóri: Martin O'Neill

Grannar: Birmingham City Fc.

Aston Villa

Þó svo Aston Villa hafi ekki verið í toppslagnum undanfarin ár er þetta ekki eitt af litlu liðunum í deildinni. Það kom mér á óvart hversu stórt félag þetta er í raun og veru í sögulegu samhengi.

Aston Villa er eitt af þeim 12 liðum sem stofnuðu ensku deildina árið 1888. A. Villa er eins og svo mörg önnur knattspyrnulið í englandi stofnað út frá krikket liði sem vildi halda sér í formi yfir vetrartímann. Árið 1897 var Villa Park leikvangurinn opnaður og var á þeim tíma einn glæsilegasti völlur Englands. Villa Park er fyrsti leikvangur í sögu Englands þar sem hefur verið spilaður landsleikur á þremur öldum (19,20 og 21 öld). Gullaldartímabil Aston Villa hófst fljótlega eftir stofnun félagsins. Árið 1894 hófst titlasöfnun Aston Villa. Aston Villa unni á árunum 1894 -1900 fimm englandsmeistaratitla og urðu tvisvar bikarmeistarar. Aston Villa hefur verið á mjög svipuðu róli og Tottenham frá upphafi úrvalsdeildar. Þeir hafa verið svona um miðja deild.

Fróðleikskorn um Aston villa

*Aston Villa er eitt af 7 úrvalsdeildarliðum (þ.á.m Spurs) í dag sem hafa enn ekki fallið um deild.

*Aston Villa er það lið sem hefur átt flesta enska landsliðsmenn í gegnum tíðina. Alls hafa 63 leikmenn Aston Villa verið valdir í enska landsliðið.

*A. Villa er það lið sem hefur spilað næst flesta leikina í efstudeild (Everton flesta). Samanlagt hafa þeir verið í efstu deild í 97 ár.

*Aston Villa er það lið sem hefur skorað flest mörk allra liða í FA cup.

*Tímabilið 1930-31 skoruðu Villamenn 128 mörk í deildinni. Það er það mesta sem hefur verið skorað á einu tímabili í ensku deildinni fyrr og síðar.

*Þegar Aston Villa unnu Uefa cup árið 1982 spiluðu þeir gegn Bayern Munchen. Þeir urðu þar með fyrsta liðið til að vinna úrslitaleik á móti Bayern.

*Í febrúar í fyrra var Aston Villa eitt af 20 ríkustu knattspyrnufélögum heims hvað innkomu varðar.

Titlar:

Uefa cup: 1

Super cup: 1

Englandsmeistarar: 7

FA cup: 7

Deildarbikar: 5

Aston Villa í dag
Það er heldur betur viðsnúningur hjá liðinum frá því að þau mættust fyrr í vetur. Þá hafði Villa ekki tapað leik í deildinni. Þeir höfðu s.s farið í gegnum 7 fyrstu leikina án taps. Nú þegar liðin mætast hefur Villa ekki unnið leik í síðustu 7 leikjum sínum. Staðan hjá Spurs var hinsvegar sú að við höfðum aðeins unnið 2 leiki af fyrstu 7 í deild. Nú er staðan hinsvegar sú að við höfum tapað 2 og unnið 5 í öllum keppnum. Já þetta hefur heldur betur snúist við. En ég get bara ekki annað en leikið mér meira með tölfræðina. Hún getur verið ansi heillandi og hægt að túlka hlutina á marga vegu eftir hvaða formerkjum er farið.brEinhver kann að hugsa með sér að þetta verði auðvelt þar sem að Villa hefur ekki unnið leik í síðustu 7. Þá er á móti hægt að koma með þá staðreynd að þeir hafa ekki tapað á útivelli síðan 8. nóvember þegar þeir lágu fyrir Chelsea. Við höfum hinsvegar unnið 11 leiki í röð á WHL. Svo má aftur segja að við höfum ekki unnið Villa síðan á þarsíðasta tímabili þegar við unnum þá 5-1. Síðustu 3 leikir hafa farið jafnrefli. Við höfum svo ekki tapað fyrir Villa í rúm 6 ár á heimavelli. Nú hlítur þú að vera klóra þér í hausnum og spurja hvert er hann að fara með þessu? Ég er ekki að fara neitt með þessu, mér langaði bara að rugla í þér :)
Þó það hafi gengið illa hjá Villa upp á síðkastið getum við ekki átt von á auðveldum leik. Eins og áður segir hafa Villa ekki unnið leik í síðustu 7 leikjum. Hungrið í sigur vex með hverjum leiknum. Það er bara tímaspursmál hvenar þeir mæta dýrvitlausir á völlinn. Þeir hafa alveg getuna til að vinna hvaða lið sem er á góðum degi. Við vonum að sjálfsögðu að þeir þurfi einn tapleik til viðbótar til að ná botninum.

En þetta er fyrst og fremst í okkar höndum. Ef við spilum eins vel og við getum á heimavelli stöðvar ekkert lið okkur. Leikmenn Spurs vita líka að síðasti leikur var hörmung og stuðningsmenn vilja sjá þá bæta upp fyrir töpuð 3 stig. Þó svo að ég óttist svolítið að leikurinn geti endað með jafntefli spái ég sigri. Annað er ekki ásættanlegt.

Liðið

---------------Robbo-------------------

Chimb.-----Daws-----King------Ekotto
Ghaly------Zokora---Tainio----Steed
-----------Defoe----Berbatov----------

Eins og ég hef áður komið inná verður Jol að hugsa um álagsmeiðsli. Ég spái því að Thudd fái hvíldina núna. Ég óttast það líka að Jol spili Defoe jafnvel þó hann hafi ekki náð sér að fullu. Ef Defoe er ekki leikfær myndi ég rosalega vilja sjá Mido og Berbatov saman eins og ég hef nokkrum sinnum komið inná. En einhvernveginn held ég að Jol sé búinn að útiloka þann möguleika, því miður. Annars er ekkert meira um liðsuppstillinguna að segja.

Ég spái þessum leik 2-0 fyrir okkar menn.

COYS!

Gleðileg Jól!

2006-12-23T22:55:00.000Z

Ég vill nota tækifærið og óska öllum þeim sem hafa kíkt á síðuna, spursurum sem stuðningsmönnum annara liða gleðilegra jóla.

Newcastle - Tottenham

2006-12-22T22:11:00.001Z

Nú líður stutt milli leikja. Eftir að hafa fengið rétt nægann tíma til að kasta mæðinni er næsti leikur á dagskrá. Við höfum ekki riðið feitum hesti á útivöllunum í ár. Fyrsti sigurinn kom í síðasta deildarleik gegn City. Það var þó langt því frá að vera öruggur sigur. Newcastle er á góðu róli nú eftir afleita byrjun á tímabilinu. Þeir töpuðu naumlega fyrir Chelsea í bikarnum í vikunni, á meðan við rétt mörðum Southend á heimavelli. Allar líkur eru á því að Lennon verði ekki með á morgunn. Það væri því mikil bjartsýni fólgin í að spá léttum leik fyrir okkar menn.

Hinsvegar erum við á ansi góðu róli þessa dagana. Við erum komnir í undanúrslit í bikarkeppninni og unnið síðustu þrjá deildarleiki og sitjum í 7. sætinu. Með sigri á morgun gætum við hugsanlega lyft okkur í fjórða sætið. Það má búast við að menn verði fljótir að þreytast í þessum leik enda leikjaálagið búið að vera mikið. Við getum hinsvegar snúið því svolítið í okkar hag. Newcastle er nú það lið í PL sem á við mestu meiðslavandræðin að stríða. Það eru 10 leikmenn á meiðslalistanum hjá þeim. Þetta þýðir að þeir geta ekki leyft sér að hvíla menn eins mikið og ella. Þeir menn sem eru á meiðslalista hjá þeim eru:
C N’Zogbia
T Bramble
S Harper
D Duff
C Moore
O Bernard
T Krul
S Carr
S Ameobi
M Owen

Hjá okkur er enn sama sagan Keane, Jenas og Lennon meiddir. Gahly er að öllum líkindum orðinn heill aftur og Zokora snýr aftur úr banninu. Það er vonandi að síðasti útileikur hafi losað um ákveðna sálfræðihindrun. Leikmenn trúa því nú að þeir geti unnið á útivelli og sjálfstraustið er vonandi meira nú. Þessi leikur gæti í raun endað hvernig sem er. Ég hef þó enga trú á að annað liðið hafi einhverja yfirburði á vellinum. Jafntefli væri ásættanlegt en ég vill sigur.

Liðið

------------------Robbo-----------
Chimb.---Daws------King---Lee
Gahly----Zokora-----Thudd----Steed
-----------Defoe-------Berbatov------

Þetta lið er bara skot í myrkri. Jol þarf að feta þunna línu þess að stilla upp sterkum hóp og passa að leikmenn séu ekki að yfirkeyra sig. Thudd og Defoe eiga að sjálfsögðu hvíldina skilið og því ekkert vitlaust að hvíla þá. En restin held ég að sé rétt hjá mér.
Dómari leiksins verður Alan Wiley.
Coys!

Tottenham - Southend

2006-12-19T21:38:00.000Z

Nú er stutt upphitun fyrir bikarleikinn. Hún er stutt vegna þess að það er lítið um leikinn að segja. Ég hugsa að margir séu smeykir við andstæðinginn vegna þess að þeir sigruðu Man Utd í síðustu umferð. Ég er það hinsvegar ekki. Við munum vinna þennann leik. Það er ekki nokkur einasta spurning í mínum huga. Southend er líklega allra légasta liðið í fyrstu deild (kalla þetta fyrstudeild þó þetta heiti eitthvað Coca Cola championship). Þeir eru í neðsta sæti og geta ekki neitt. Mér reiknast svo til að þeir hafi nú fengið 6 stig af 33 mögulegum í síðustu 11 leikjum. Einhverjir kunna að segja að þeir hafi spilað hörkuleik á móti Man U og við ættum því ekki að vanmeta andstæðinginn. Ég horfði svona með öðru auganu á leikinn gegn Man U. og þeir voru miklu betri. Manchester tapaði hinsvegar leiknum vegna vanmats og það munum við ekki gera, ekki eftir að hafa séð þann leik. Við erum svo miklu betra lið en þetta Southend að það nær engri átt. Við lenntum í basli með Port Vale en það var að mínu mati vanmat okkar á andstæðingunum. Það mun ekki gerast núna. Við erum líka komnir á siglingu og spilum á velli sem tryggir sigur Spurs

Liðið

-------------Robbo-----------
Chimb.----Daws---Davenport--Ekotto
Ghaly----Thudd--Tainio-----Steed
----------Mido---Defoe---------

Það er í raun ómögulegt að segja hvernig hann stillir þessu upp. Jol vill vinna leikinn og veit að hann þarf að hafa hópinn sterkann minnugur ófara Utd gegn þeim. Hann vill einnig hafa menn klára á þorláksmessu í leiknum gegn Newcastle. Hann þarf því að hvíla einhverja. Lennon er meiddur en gæti verið til í leikinn. Reyndar er Ghaly einnig tæpur en annarhvor þeirra mun þó spila held ég.Berbatov hlítur að fá hvíld úr því að Jol á góðann staðgengil fyrir hann. Það vantar hinsvegar góðann staðgengil fyrir Defoe. Reyndar finnst mér að Barnard ætti að koma inná strax ef við náum góðu forskoti. Thudd spilar þennann leik því Jol vill þá frekar hvíla hann þegar hann hefur Zokora sem er í banni í þessum leik. Davenport stóð sig ágætlega gegn Man City um helgina og freistast Jol þá kannski til að hvíla King. En annars er þetta bara eftir bókinni.

City 1 - Spurs 2

2006-12-17T17:42:00.000Z

Jol fékk ósk sína uppfyllta í dag. Hann getur fagnað langt frameftir kvöldi sigur í hundraðasta leiknum og fyrsta útisigrinum á tímabilinu. Það kom mér svolítið á óvart að Dawson skildi ekki vera með. Þegar ég var að skoða netsíður fyrir leikinn sá ég á einni að þar var talað um að Dawson væri í banni. Hinar síðurnar minntust hinsvegar ekkert á það. Ég ákvað því að sjá hvort aðalsíða Spurs hefði einhverjar útskýringar en þar var aðeins tekið fram að Zokora væri í banni. Það var því bara BBC sem var með þessar upplýsingar. Reyndar stóð í sömu frétt hjá þeim að Dawson væri löglegur. En hvað um það. Leikurinn var ansi fjörugur til að byrja með. Dawenport skoraði fyrsta mark sitt í Spurstreyjunni í dag og THUDD skoraði undurfallegt mark. Þegar líða tók á leikinn fór pressan hinsvegar að snúast við og undir lokin vorum við nánast í nauðvörn. Maður var orðinn ansi taugatrekktur á lokamínútunum. Ég get mér þess til að leikmenn hafi verið orðnir ansi þreyttir undir lokin enda búið að líða stutt milli leikja. Ég held að enginn hafi átt von á stórsigri í dag og held ég því að allir taki fyrsta útisigrinum vel þrátt fyrir að við höfum ekki verið jafn sannfærandi eins og í síðustu leikjum.

Það átti enginn leikmaður stórleik en mér fannst þó THUDD spila manna best í dag og fær því titilinn maður leiksins.

TIL HAMINGJU SPURSARAR MEÐ FYRSTA ÚTISIGURINN!!!!

COYS

Hundruðasti leikurinn undir stjórn Jol.

2006-12-16T23:03:00.002Z

Manchester City gegn Spurs
Sunnudagur kl 15:00

Já nú er komið að útileik eftir þrjá heimaleiki í röð. Venju samkvæmt höfum við spilað glymrandi bolta á heimavellinum og unnið þessa þrjá leiki samanlagt 10-3. Þó svo að við séum glaðir og stoltir Tottenhamaðdáendur í dag berum við þó ennþá þá skömm að hafa enn ekki unnið útileik. Við höfum reyndar aðeins náð 3 stigum af 24 mögulegum á útivelli þetta tímabilið. Það er mönnum enn í fersku minni niðurlægingin sem við urðum fyrir í síðasta útileik gegn Arsenal. Leikmenn sýndu yðrun með því að berjast vel í leiknum gegn Boro og vinna stórt gegn Charlton og nú síðast lögðu þeir Dinamo í Uefa. Við höfum því spilað á fullu tempói í 3 leiki á 9 dögum. Það væri því ekkert óeðlilegt að leikmenn væru farnir að þreytast svolítið. Svo við höldum nú áfram á neikvæðu nótunum hafa City enn ekki tapað heimaleik á leiktíðinni. Einhverjir kunna svo að telja það ógæfu að dómari leiksins sé Rob Styles. Það er því kannski engin ástæða til þess að menn geti bókað sigurinn. Ég ráðlegg mönnum að vanmeta ekki City og hugsa ekki sem svo að þetta verður auðvelt.

Nú verða kaflaskil á upphitunninni og ég segi ykkur nú af hverju við munum vinna leikinn. Við höfum aðeins einusinni í 9 leikjum í úrvalsdeild tapað á heimavelli City. Við höfum hinsvegar unnið 6 af 9 leikjum á heimavelli City. Það er alltaf möguleiki að leikmenn séu þreyttir. Það er líka möguleiki á því að leikmenn séu uppveðraðir vegna síðustu leikja og sjálfstraustið sé orðið öllu öðru yfirsterkara. Leikmenn hljóta líka að vera staðráðnir í að bæta upp fyrir síðasta útileik okkar. Leikmenn hljóta líka að vilja gefa Jol þá gjöf að geta fagnað hundruðasta leiknum með félagið með að sigra fyrsta útileik tímabilsins. Það er ansi fúlt að þurfa að fagna hundruðastaleiknum eftir leik með tap á bakinu. Þess vegna held ég að leikmenn muni leggja sig 100% fram til að tryggja sigur í þessum leik.

Liðið

-------------Robbo-----------
Chimb.---Daws----King---Ekotto
Lennon---THUDD---Ghaly--Steed
---------Defoe---Berbatov----

Þetta er sami hópurinn og á móti Dinamo nema að Zokora er í banni og ég held að Steed komi inn í staðinn. Allir áttu góðann dag á fimmtudaginn og allir eiga skilið að halda sæti sínu. Það gæti auðvitað verið að Jol myndi vilja hvíla einhverja leikmenn en ég held að hann bíði með það þangað til í leiknum gegn Southend. Annað hef ég ekki um liðið að segja.

Ég ætla bara að sætta mig við sigur á morgunn. Ég trúi ekki öðru en að það takist. Coys!

Spurs 3 - Dinamo 1

2006-12-14T21:50:00.001Z

Loksins sá ég leik! Þetta var hreint út sagt stórskemmtilegur leikur. Það er komið sem vantaði í fyrra, liðið er farið að spila skemmtilegan sóknarbolta. Mér finnst ekki hægt að taka neinn útúr liðinu sem maður leiksins. Það voru allir leikmenn Spurs að spila mjög vel og enginn að gera nein alvarleg mistök. Það er auðvitað auðvelt að benda á framherjana sem menn leiksins eða Lennon. Það má líka segja að miðjan og vörnin hafi verið snilld því Dinamo var ekkert að geta fram á við.

Þetta miðast náttúrulega allt við fyrstu 70 mín. Mér finnst samt ekki hægt að kvarta undan því að leikmenn gefi eftir undir lokin þegar þeir hafa haldið svona svakalega háu tempói í leiknum og margir leikir framundan. Þeir kláruðu leikinn með þriðja markinu og gátu leyft sér að hægja aðeins á leiknum undir lokin. Þetta varð til þess að Dinamo skoruðu. Mér finnst það litlu máli skipta. Öruggur yfirburðasigur okkar var aldrei í hættu. Ég vona svo sannarlega að ég fái að sjá fleirri svona leiki í vetur.

Nú er bara málið að halda þessu skriði áfram og vinna okkar fyrsta útileik á sunnudaginn. Ég er reyndar handviss um að það takist. Ef það tekst ekki heiti ég því að taka þátt í "á að reka Martin Jol" umræðuni *lol*

Tottenham - Dinamo 1948 Bucuresti

2006-12-13T20:24:00.000Z

Þá er komið að lokaleiknum í riðlakeppni Uefa cup. Þessi leikur skiptir svona svolitlu máli fyrir bæði lið þó þau séu bæði búin að tryggja sér áframhaldandi þáttökurétt í keppninni. Þetta er leikur upp á hver vinnur riðilinn. Dinamo verður að vinna leikinn til að ná toppsætinu á meðan okkur dugir jafntefli. Þjálfari Dinamo er staðráðinn í að mæta í leikinn til að sigra. Hann hafði m.a þetta að segja um leikinn

"I will not be satisfied with second place. I want to be first in this group, not only because being second we might play against a very strong team eliminated from the UEFA Champions League, but also because, as a famous Romanian player [Cornel Dinu] once said: 'You only feel like a real footballer after you have beaten an English team.'"

Ef að þjálfarinn getur fengið leikmennina til að tileinka sér þessa speki meigum við ekki vanmeta andstæðinginn. Þjálfara þeirra tókst fyrir rúmu ári að mótívera leikmenn all svakalega við sömu aðstæður. Þetta er einmitt liðið sem sló Everton út úr Uefa í fyrra, og það mjög sannfærandi 5-1 í fyrstu umferð. Dinamo hefur lagt bæði Leverkusen og Besiktas í riðlakeppninni (jafntefli við Club Brugge).

Það er þó algjör óþarfi að detta í einhverja svartsýni. Það er tvennt sem gerir það að verkum að ég sé ekkert nema sigur á morgunn.
1) Við höfum spilað nær óaðfinnanlega í Uefa cup. Við höfum enn ekki tapað leik og aðeins fengið á okkur 1 mark í 5 leikjum og skorað 8 mörk. Það eitt og sér nægir mér til að vera öruggur um sigur.
2) Við þetta bætist svo að við erum að spila á heimavelli. Við höfum spilað eins og englar þegar við erum á heimavelli, hvort sem er í deild eða Uefa.

Það má kannski við þetta bæta að við höfum svo verið að spila glymrandi bolta í síðustu tveimur leikjum, þó svo að ég hafi ekki séð þessa leiki. Það má því kannski komast svo að orði að liðið er á rífandi siglingu þessa dagana. Það á samt eftir að reyna svolítið á kænsku Martin Jol þar sem hann þarf að rífa menn niður á jörðina eftir síðasta leik. Það er þekkt í boltanum að lið sem vinna leik stórt eiga það oft til að hrapa til jarðar í næsta leik. Við sáum þetta eftir MK Dons leikinn og eftir Chelsea leikinn. Ég hef fulla trú á að Jol muni takast þetta.

Liðið

--------------Robbo-------------
Chimb.----Daws----King----Ekotto
Lennon----Ghaly---Zokora---Steed
----------Berbatov--Mido-------

Robinson og Chimbonda, Daws, King, Lennon, Zokora, Steed og Berbatov eru að mínu viti öruggir í liðið. Nú hef ég misst af síðustu tveimur leikjunum og veit ekki alveg hvernig Lee hefur verið að standa sig í vinstri bak. Það má því vel vera að Lee verði þar frekar en Ekotto. Ég er nokkuð viss um að Lennon verði þarna nema eitthvað sé að hrjá hann. Mér skilst að THUDD hafi verið að spila einhverja súperleiki á móti Charlton og Boro. Það er hinsvegar spurning hvort hann fái hvíld. Zokora er í banni í næsta leik þannig að hann fær að spila þennann. Það er bara spurning hvort hann komi í stað THUDD eða spili með honum. Ég er búinn að sakna Ghaly mikið og hlakka mikið til að sjá hann aftur. Steed á orðið fast sæti á vinstri vængnum. Defoe er spurningamerki fyrir leikinn líkt og Tainio. Ég í sannleika sagt vona innilega að Jol ákveði bara að tefla ekki á tvær hættur og setji Mido inn með Berbatov. Það er alveg sjúklega forvitnileg samvinna eins og ég kom inná fyrir stuttu. Mér finnst hálf skrýtið að skrifa um liðsuppstillinguna þegar ég hef ekkert séð síðustu leiki. Endilega komið með ykkar skoðun á þessu!

Ég spái 2-0 sigri okkar manna. Berbatov setur annað og Lennon hitt.

COYS!

Leikurinn í dag

2006-12-09T20:05:00.000Z

Nú er ég sár! Ég missi af leiknum sem ég hef beðið eftir í meira en 1 og 1/2 ár. Frá því í maí 2005 höfum við ekki unnið stærri en tveggja marka sigur í deild og ekki skorað þar meira en 3 mörk. Ég hef haft þetta oft á orði og beðið óþreyjufullur. Svo missi ég af tveimur leikjum og báðir sigurleikir. Spurning hvort maður eigi bara að sleppa því að horfa á leiki í beinni. Ég vona að leikurinn sé endursýndur einhverntíma eftir kl 7 í vikunni svo ég geti nú séð leikinn. Ég ætla því að bíða með alla umfjöllun um leikinn þangað til. En ég óska öllum Spursáhangendum til hamingju með sigurinn.